Malaki 4
4
Ubushiku bwakwa Yawe
1Yawe umwine wa fita alanda ati, “Moneni ubushiku bumo bukesa, umukalapya umulilo uukali nganshi ngo wa mwilungu. Abantu bonse abacilumba na bonse abacita ifyabipa bakabilima nge mpimbili. Bakapya no kulungula icakuti takwakashaleko umushila nangu umusambo. 2Nomba imwe mwe bacindika ishina lyandi, ulubuuto lwabulungami lukasanikila pali imwe nge mibengelele ya kasuba akaletula, no kumuletela ukupola. Imwe mukalubuka no kulacilauka nge fiponti fya ŋombe ifyo baiswila mwitanga. 3Pali ubo bushiku ilyo nkacita ifi fintu, imwe mukacimfya abantu ababifi no kubanyantaukapo, cikaba kwati ni mu mito mulenyanta. Nine Yawe umwine wa fita nalanda.
4“Kanshi imwe muleibukishafye amafunde ya mubomfi wandi Mose, muleibukisha ifipope na mafunde ifyo ine namukonkomeshe pa lupili lwa Holebu, pakuti efyo imwe mwe bena Israeli bonse mulekonka.
5 #
Mateo 11:14; 17:10-13; Mako 9:11-13; Luka 1:17; Yoani 1:21 “Moneni ilyo ubo bushiku bukalamba kabili ubwakutiina ubwakwa Yawe bushilati bufike, nkatala nkatume kasesema Eliya. 6Kabili akesa pilibwila imitima ya bashibo ku bana babo, ne mitima ya bana kuli bashibo, epakuti ine nshishile lapisha no konaula icalo cenu.”
Currently Selected:
Malaki 4: ILL15
Highlight
Share
Copy
Want to have your highlights saved across all your devices? Sign up or sign in
Bible Society of Zambia
Malaki 4
4
Ubushiku bwakwa Yawe
1Yawe umwine wa fita alanda ati, “Moneni ubushiku bumo bukesa, umukalapya umulilo uukali nganshi ngo wa mwilungu. Abantu bonse abacilumba na bonse abacita ifyabipa bakabilima nge mpimbili. Bakapya no kulungula icakuti takwakashaleko umushila nangu umusambo. 2Nomba imwe mwe bacindika ishina lyandi, ulubuuto lwabulungami lukasanikila pali imwe nge mibengelele ya kasuba akaletula, no kumuletela ukupola. Imwe mukalubuka no kulacilauka nge fiponti fya ŋombe ifyo baiswila mwitanga. 3Pali ubo bushiku ilyo nkacita ifi fintu, imwe mukacimfya abantu ababifi no kubanyantaukapo, cikaba kwati ni mu mito mulenyanta. Nine Yawe umwine wa fita nalanda.
4“Kanshi imwe muleibukishafye amafunde ya mubomfi wandi Mose, muleibukisha ifipope na mafunde ifyo ine namukonkomeshe pa lupili lwa Holebu, pakuti efyo imwe mwe bena Israeli bonse mulekonka.
5 #
Mateo 11:14; 17:10-13; Mako 9:11-13; Luka 1:17; Yoani 1:21 “Moneni ilyo ubo bushiku bukalamba kabili ubwakutiina ubwakwa Yawe bushilati bufike, nkatala nkatume kasesema Eliya. 6Kabili akesa pilibwila imitima ya bashibo ku bana babo, ne mitima ya bana kuli bashibo, epakuti ine nshishile lapisha no konaula icalo cenu.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Society of Zambia