Esaya 4

1Ubo bushiku nga bwafika, abanakashi cine lubali bakasakatila umwaume umo no kulamweba abati,

“Ala ifwe twakulailisha no kulaifwika fwe bene,

lelo kwena lekafye mba tulekwita umulume wesu,

epakuti twilaumfwa nsoni ishakulaikala ubushimbe.”

Umusumba wa Yerusalemu ukabukuluka

2Pa bushiku bulya Umusambo wakwa Yawe ukawama no kucindama, ne fitwalo fya mu calo fikaba ifisuma kabili fikaba e cilumba no bucindami bwa bakapusuka mu Israeli. 3Bonsefye abakashalapo mu Sioni, ekutila mu Yerusalemu, abo Lesa asala ukushalapo, bakulaitwa abamushilo. 4Mu nshita iyo Imfumu ikasamba ubusali bwa bana banakashi ba mu Sioni, kabili akasamfya imilopa yonse iyasumine mu Yerusalemu. Akacita ifi ku mupashi wa bupingushi no wa mulilo. 5#Ukuf 13:21; 24:16Elyo Yawe akesa lenga ikumbi ukushinguluka pa lupili lonse ulwa Sioni, na pali bonse abakalongana mu nshita ya kasuba elyo ubushiku kukaba icengelo ca mulilo wa lubingu ululebilima, pantu pa mulu wa fyonse pena pakaba ubucindami bwakwe. 6Ubucindami bwakwe ebukaba icintelelwe ku cikabilila pa musumba pa nshita ya kasuba, no kulenga ukuba incende iyakufisamamo, ne yakuubamo imfula ne cimwela.

Currently Selected:

Esaya 4: ILL15

Highlight

Copy

Compare