Esaya 35
35
Umusebo wamushilo
1Kube ukwanga ku matololo na mu mpanga iyaumisha,
ifiswebebe nafyo fyange no kubalulamo amaluba.
2Ukubalula nga fyabalula elyo bakalaimba no kulapunda ne nsansa.
Icalo icaonaike cikayemba ngo lupili lwa Lebanoni,
cikaba ngo lupili lwa Kameli
kabili nga mabala ya mufundo ya ku Sharoni.
Abantu bonse bakamona ifyo Yawe apulama,
bakamona ifyo Lesa aba umukulu nefyo aba no lulumbi.
3 #
Bahi 12:12
Koselesheniko abo mu maboko mwatompoka,
nabo mu makufi mwapomponteka bakosheni.
4Bonse abali no mwenso bebeni amuti,
“Mwitiina, ikoseleshenifye.
Mwamona, ala Lesa wenu ulya aleisa kukumupusushako,
ulya aleisa kukumulandwilako pakukanda abalwani benu.”
5 #
Mateo 11:5; Luka 7:22 Lyena impofu shakulamona,
bankomamatwi nabo bakulaumfwa.
6Abalemana amolu bakulatomboka amabaka nge nsebula,
na bacibulu nabo bakulapunda ne nsansa.
Pantu amenshi yakulafukauka mu matololo,
ne milonga yakulapita mu calo icauma ndii.
7Ulya musensenga uwakabisha walasanguka bemba,
na mu calo icauma ndii mwalaba utumfukumfuku twa menshi.
Umwikala bamumbwe mukasanguka inika,
umwali icani nomba mwakulamena amatete na macinda.
8Kukaba umusebo uukulu,
uukalaitwa “Umusebo Wamushilo”.
Tamwakalepitamo umuntu uwakowela,
ne fipumbu fya bantu tafyakafulunganye abakalaendamo.#35:8 Ba baibele bamo batila, “nelyo ifipumbu fya bantu tafyakalufye iyi nshila.”
9Tamwakaleyangala nkalamo,
nangufye ifiswango fimbi fine, awe tafyakalemonekamo.
Abalungami bene beka ebakulapita pakubwelela kumwabo.
10Na balubulwa abakwa Yawe bakafika ne nsansa mu Sioni,
ninshi baleimba no kulapunda ne nsansa.
Ninshi nomba bashukila insansa sha pe,
ukucula no kulilishika, awe ninshi nomba kwapwa.
Currently Selected:
Esaya 35: ILL15
Highlight
Copy
Compare
Share
Want to have your highlights saved across all your devices? Sign up or sign in
Bible Society of Zambia
