Esaya 18
18
Yawe akalimuna icalo ca Kushi
1 #
Sefa 2:12
Ukacimona we calo umumfwika icongo cakupupuka kwa mapindo,
mu lulamba lwa mumana wa Kushi#18:1 Kushi e calo icali lwa ku ntulo ya mumana wa Nailo.,
2we utuma inkombe pali bemba,
ishishila mu mato ya macinda pa mulu wa menshi.
Bwelelenimo imwe mwe nkombe shalubilo,
kebeniko abantu ba mutundu wenu uwamaka,
balya baba abatali kabili abapukushika imibili,
abo na bantu bambi batiina pano isonde,
E mushobo uwamaka kabili uucimfya mu nkondo,#18:2 Ba Baibele bamo batila, “uulanda icilimi cimbi cimbi,” kabili cimo cine na mu 18:7.
abo icalo cabo capitamo imimana.
3Umfweni imwe bonse mwe baikala pano isonde,
imwe bonse mwe bekashi ba pano isonde.
Mukamona uluunga ulwakwishibilako ululi nokulapuupa pa mulu wa mpili.
Mukomfwa uko ipenga lilelila.
4Pantu Yawe nanjeba ine ne Esaya ati,
“Ine ne Yawe kuno naba ku mulu, ninteeka umutima pakulolesha panshi.
Ndecita kwati ni filya ficita akasuba akalececema mu menso pa nshita ya lusuba,
kwati ni fubefube ulya abako ilyo kuba icipuki ubushiku pa nshita yakuseepa.
5Pantu nga filya fine ciba ilyo bashilati basabe ifitwalo ku myangashi,
ilyo ubuluba bwalukutako, ne fitwalo fyatampa ukulapyako,
efyo na balwani bakalofya abena Kushi.
Bakabaputaula ukwabula no bwafya,
nga filya fine baputaula ku mwele imisambo ya myangashi pa kuitungwila.
6Ifitumbi fya bashilika babo fikashala filele nsale nsale,
pakuti ifyuni ne fiswango fikalelya.
Ifyuni efikalalya pa nshita ya lusuba,
pamwela pena fiswango efikalalya.”
7Inshita imo ikafika, ilyo Yawe umwine wa fita akalapokelela imituulo,
iyafuma kuli balya bantu ababa abatali kabili abapukushika imibili,
abo na bantu bambi batiina pano isonde.
E mushobo uwamaka kabili uulacimfya mu nkondo,
abo icalo cabo capitamo imimana.
Bakalaleta ifyabupe ku lupili lwa Sioni,
icifulo ukwikala ishina lyakwa Yawe umwine wa fita.
Currently Selected:
Esaya 18: ILL15
Highlight
Copy
Compare
Share
Want to have your highlights saved across all your devices? Sign up or sign in
Bible Society of Zambia
