Imilimo 7

Amashiwi yakwa Stefano

1Shimapepo mukalamba elyo aipusha Stefano ati, “Bushe cine cine ifyo fine efyo usosa?”

2 # Icite 12:1 Stefano ayasuka ati, “Bamunyinane na imwe bashifwe, umfweni! Lesa uwacindamisha amonekele ku cikolwe cesu Abrahamu mu Mesopotamia ninshi talati ese kukwikala mu Harani. 3Aebele Abrahamu ati, ‘Fuma mu calo cobe, ushe no lupwa lobe uye na ku calo nkakulanga.’ 4#Icite 11:31; 12:4Awe afuma mu calo ca Kaludea aya na kukwikala mu Harani. Panuma ya mfwa yakwa wishi, Lesa afumya Abrahamu mu Harani, amuleta na muli cino calo muleikalamo. 5#Icite 12:7Muli cino calo mwena Lesa tapeelamo Abrahamu nangu akapanga akakuti atile, ni mpanga yandi. Lelo nangu Abrahamu ali talakwata mwana, Lesa alimulaile ukumupeela pamo na bana bakwe abali nokumukonkapo ukuti cino calo cali nokuba cakwe. 6#Icite 15:13-14Kabili Lesa amwebele nokuti, ‘Abana bobe bakekala mu bweni mu calo ca bene. Muli ico calo bakabateka ubusha nokulabacusha pa myaka imyanda ine.’ 7Lesa atile nokuti, ‘Nomba nkakanda uyo mushobo uukabateeka ubusha. Elyo panuma bakafuma muli ico calo, bakalempepa na muno muli ino ncende.’ #Ukuf 3:7 8#Icite 17:10-14Elyo Lesa apeela Abrahamu ulutambi lwakusembulula abana abaume ukuba icishibilo ca cipangano. Kanshi ilyo Isaki afyelwe, Abrahamu amusembulula pa bushiku bwalenga cine konse konse. Isaki nao aisa sembulula bamwane ikumi limo na babili, ifikolwe ifyalumbuka.

9 # Icite 37:11 “Nomba ifi ifikolwe ifyalumbuka fyafimbila Yosefu. Fyamushitisha, bamusenda mu busha ku Egupto. Lelo Lesa tamulekeleshe. 10#Icite 41:39-41Alamwafwilisha mu macushi yakwe yonse. Amupeela amano ayalengele nokuti Falao imfumu ya mu Egupto imuposeko amano. Kabili Falao acita Yosefu umulashi mu Egupto. Amucita na kangalila wa fyuma fya kwisano. 11#Icite 42:1-2Elyo kwaisa pona icipowe mu calo conse ca Egupto na mu Kenani, mwaba nokucula nganshi. Ifikolwe fyesu tafyakwete cakulya. 12Ilyo Yakobo aumfwa ukuti mu Egupto mwena muli ifyakulya, atumako bamwane ifikolwe fyesu pa lwendo lwakubalilapo. 13#Icite 45:1Pa lwendo lwabubili, Yosefu aisokolola kuli bamunyina, na Falao nao aishiba ulupwa lwakwa Yosefu. 14#Icite 45:9-10,17-18; 46:27Elyo Yosefu alaisha amashiwi kuli wishi Yakobo, ukuti ese ku Egupto pamo pene na ba lupwa lwakwe bonse. Bonse pamo bali amakumi cine lubali na basano. 15#Icite 46:1-7Awe Yakobo aya ku Egupto. Mu Egupto mwine emo afwila. Emwafwila ne fikolwe fyesu. 16#Icite 22:3-16; Yosh 24:32Ifitumbi fyabo balefibwesesha ku Shekemu. Balefishiika mu nindi Abrahamu ashitile ne ndalama kuli bamwana Hamori.

17 # Ukuf 1:7-8 “Awe inshita yasuka yapalama iyakufikilisha icilayo Lesa alaile Abrahamu. Abantu besu basanda, bafula nganshi mu Egupto. 18Elyo paisa imfumu imbi iyishaishibe Yosefu, eyalateeka mu Egupto. 19#Ukuf 1:10-11,19Iyi mfumu yacenjelela abantu besu, yalacusha ne fikolwe fyesu. Yalabapatikisha ukuposa utwana twabo utunya panse, pakuti tulefwa. 20#Ukuf 2:2Ni mu nshita ine iyo elyo Mose afyelwe. Ali umwana uwayemba nganshi. Abafyashi bakwe bamulela kumwabo pa myeshi itatu. 21#Ukuf 2:3-10Nomba ilyo baya musha kunse, mwana Farao umukashana amubuula alamulela kwati mwana wakwe. 22Mose bamusambilisha acenjela nganshi mu masambililo yonse aya bena Egupto. Awe alumbuka nganshi mufyo alelanda na mufyo alecita.

23 # Ukuf 2:11-15 # Ukuf 2:11-15 “Mose cilya afika imyaka amakumi yane iyakufyalwa, alafwaya ukupempula bamunyina, abena Israeli. 24Amonako uko umwina Egupto alecusha umwina Israeli umo. Awe apokololako umwina Israeli, aipaya umwina Egupto. 25Mose alatontonkanya ukuti abena Israeli kuti bailuka, baishiba nokuti ni Lesa eumutumine pakuti abalubule. Nomba tabailwike na kalya. 26Ubushiku bwakonkapo Mose asanga abena Israeli babili balelwa. Aesha ukubalamununa. Alabeba ati, ‘Mwe bantu mwe, ala muli bamunyina, cinshi mulelwila?’ 27Nomba uwaleuma umunankwe atamfula Mose. Amweba ati, ‘Bushe nani akucitile imfumu na kaputula wa milandu yesu? 28Bushe ulefwaya ukunjipaya nga filya mailo waipeye umwina Egupto?’ 29Cilya Mose aumfwa ifi, afulumuka mu Egupto, aya ikala mu calo ca Midiani. Ilyo ali muli ici calo afyala na bana babili abaume.

30 # Ukuf 3:1-10 “Patile cilya papita imyaka amakumi yane, malaika amonekela Mose mu matololo mupepi no lupili lwa Sinai. Amumonekela mu cimpusa cilebilima no lubingu lwa mulilo. 31Pakumona ifi Mose camupesha amano. Awe ayako alefwaya ukumwensekesha. Lelo aumfwa ishiwi lya Mfumu aliti, 32‘Nine Lesa wa fikolwe fyobe. Nine Lesa wakwa Abrahamu, Isaki na Yakobo.’ Awe Mose alatutumafye ku mwenso, atiina no kuloleshako. 33Elyo Imfumu yamweba aiti, ‘Fuula insapato shobe. Pantu incende wimininepo ni ncende yamushilo. 34Ninjimwena ne mwine ifyo abantu bandi balecula nganshi mu Egupto. Niŋumfwa nefyo balelilishika. Eico ninjika kukubalubula. Kanshi isa nkutume ku Egupto.’

35 # Ukuf 2:14 “Ni Mose umo wine uo abena Israeli bakeene, ilyo basosele abati, ‘Bushe nani akucitile imfumu na kaputula wa milandu yesu?’ Eo Lesa atumine kukubateeka no kubalubula. Malaika uwamumonekele mu cimpusa icalebilima ewalemwafwako. 36#Amaf 18:15,18Mose asuka abafumya mu Egupto. Acitile ifinjelengwe ne fishibilo ifingi mu Egupto, pali Bemba Wakashika, elyo na mu matololo pa myaka amakumi yane. 37Ni uyu wine Mose ewaebele abena Israeli ati, ‘Lesa akamwimisha umo mu mushobo wenu uukaba kasesema nga ine.’ 38#Ukuf 19:1—20:17Ali pamo ne cilonganino ca bena Israeli mu matololo. Ni Mose eo malaika alandile nankwe pa lupili lwa Sinai, ninshi ali pamo ne fikolwe fyesu. Elyo apokelele na mashiwi yamweo ayo ali nokutweba.

39“Lelo ifikolwe fyesu tafyalefwaya ukumumfwila. Fyamusangukila, na mu mitima yafiko fyalafwaya ukubwelelamo ku Egupto. 40#Ukuf 32:1Kanshi epakweba Aroni afiti, ‘Tupangile imilungu yakuti iletutangilila, pantu tatwishibe icaponena ulya Mose uwatutungulula ukufuma mu Egupto.’ 41#Ukuf 32:2-6Awe kanshi epakupanga icilubi icapala iciponti ca ŋombe. Balacituula na malambo. Basefya ne nsansa icintufye ico abene bapangile ne minwe yabo. 42#Amosi 5:25-27Lesa nao abalukila, abasuulako. Abaleka nokuti balepepa ifita fya mu mulu#7:42 Ifita fya mu mulu: Ekutila intanda, akasuba, umweshi na fyonse ifyaba mu mulu pamo ne milungu ne fimipashi ifyo balepepa. nga mulya calembelwa mu citabo ca bakasesema ukuti,

“‘Imwe mwe ba ŋanda yakwa Israeli,

ilyo mwali mu matololo pa myaka amakumi yane (40),

imwe tamwalentuula amalambo ne mituulo iyoo.

43Nimwe mwalesenda itenti lya mulungu Moleki,

elyo ne cilubi ca lutanda lwa mulungu Refani.

Ifilubi mwapangile pakuti mulefipepa.

Kanshi na ine nkamutamfisha ukutali,

ukucila na Babiloni.’

44 # Ukuf 25:9,40 “Ilyo bali mu matololo ifikolwe fyesu fyali ne Tenti lyakwa Lesa ilyakulanga ukuti Lesa ali pakati kabo. Lyapangilwe mu musango Lesa alangilemo Mose ukulipanga, kabili ukulinganafye nefyo Lesa amulangile. 45#Yosh 3:14-17Ifikolwe fyesu fyaleshilana Itenti lyakwa Lesa umukonkanina inkulo. Fyalelisenda no kulingisha mu calo bapokolwele ku mishobo imbi, ninshi fili na Yoshua. Ni Lesa ewalefulumuna iyi mishobo ilyo ifikolwe fyesu fyaleisa. Itenti lyakwa Lesa epakwikala muli cilya calo mpaka na ku nshita yakwa Davidi. 46#2 Sam 7:1-16; 1 Imila 17:1-14Lesa alitemenwe Davidi. Davidi epakulomba Lesa ukuti akuulile Lesa wakwa Yakobo umwakwikala. 47#1 Isham 6:1-38Lelo ni Solomoni ewakuulile Lesa iŋanda.

48“Lelo Lesa Mukulu tekala mu mayanda yakuulwa na bantu. Efyo na kasesema alanda ati,

49 # Esaya 66:1-2 “‘Lesa atila ati,

Umulu e cipuna candi icabufumu,

icalo naco epo ine nanyanta amakasa yandi.

Nga ni ŋanda nshi mwingankuulila?

Nangu ni pa ncende nshi ningatuushisha?

50Bushe teine ne mwine napanga ifi fyonse?’

51 # Esaya 63:10 “Mwe bantu bakosa imitwe mwe! Mwaumalala imitima no kukanaumfwa nga Benafyalo. Mwabafye nge fikolwe fyenu. Imwe lyonse mukaana ukumfwila Mupashi Wamushilo! 52Bushe palibapo kasesema uo ifikolwe fyenu fishacushishe? Ifikolwe fyenu fyaleipaya inkombe shakwa Lesa ishalesobela ukwisa kwa Mubomfi uwapetamina Lesa. Nomba imwe mwamuposa ku balwani, mwamwipaya. 53Nimwe mwapokelele Amafunde yakwa Mose, ayo bamalaika bamuletele. Nomba kabili mwakaana no kulayakonka!”

Baipaya Stefano ku mabwe

54Ilyo bashicilye baumfwa ifyo Stefano alanda, bafulwa icibi, balasenganya na meno. 55Nomba Stefano aisulamo na Mupashi Wamushilo. Elyo apunamina ku mulu, amona ubucindami bwakwa Lesa na Yesu eminine ku kulyo kwakwa Lesa. 56Stefano elyo asosa ati; “Namona umulu naucenama, elyo no Mwana wa muntu eminine lubali lwa ku kulyo kwakwa Lesa!” 57Awe bashicilye balasowesha, bacilika na matwi. Elyo bonse capamo bamufukukila. 58Balamutintanya, bamufumisha na kunse ya musumba. Elyo balamulasa na mabwe. Abasangilwepo babuula insalu shabo basha pa mulumendo, ishina lyakwe Saulo.#7:58 Saulo: Ishina ilyaishibikwa bwino ni Paulo. Alumbuka nganshi pali ico abombeshe mukubila Imbila Nsuma ku Benafyalo. 59Ilyo balemulasa amabwe, Stefano aikalilefye ukulomba Lesa aleti, “We Mfumu Yesu, pokelela umweo wandi!” 60Elyo afukama panshi apunda ati, “We Mfumu wingababelela uluse pali ubu bubi bacita!” Ati asose ifi, awa afwa no kufwa.

Currently Selected:

Imilimo 7: ILL15

Highlight

Copy