مزامیر ۱۷
۱۷
بی‌گوناه مردأکٚ دوعا
داوودٚ دوعا
۱ اَی خوداوند، می دادخوأهی‌یَ گوش بوکون
و می ایجگره صدایَ توجه بوکون.
می دوعایَ گوش بوکون
کی می بی‌شیله‌پیله لبأنٚ جأ بیرون اَیه.
۲ تی حوضورٚ جأ مرَ حوکم بوکون؛
تی چومأن، اینصافٚ اَمرأ فندره.
۳ تو می دیلَ ایمتحان بوکودی، شب می ورجأ بمویی؛
مرَ ایمتحان بوکودی و هیچی نیأفتی،
چونکی تصمیم بیگیفتم می دیل و زوانٚ اَمرأ گوناهی نوکونم.
۴ ولی در موردٚ آدمأنٚ کردکارأن
تی لبأنٚ کلامٚ اَمرأ
مرَ ظالمٚ آدمأنٚ رأیأنٚ جأ دور بدأشتم.
۵ می قدمأن تی رأیأنٚ دورون قایم ایسیدی؛
می پایأن لغزش نوخوردید.
۶ خودایا، ترَ دوخوأنم، چونکی می جوابَ دیهی؛
می گبأنَ بیشنو و گوش بوکون.
۷ تی عجیبٚ موحبتَ نیشأن بدن،
تو کی تی راستٚ دسٚ اَمرأ
اوشأنی‌یَ کی ترَ پناه اَوریدی، دوشمنأنٚ دسٚ جأ نجات دیهی.
۸ مرَ تی چومأنٚ نی‌نی مأنستن حفظ بوکون
و مرَ تی پر و بالٚ جیر جیگا بدن،
۹ جٚه شرورٚ آدمأنی کی خوأییدی مرَ جٚه بین ببرید
و جٚه می دوشمنأنی کی می دورَ بیگیفتیدی تا می جانَ فیگیرید.
۱۰ اوشأن، خوشأنٚ دیلأنَ سنگ دٚوٚدیدی
و خوشأنٚ زوان غرورٚ اَمرأ گب زنیدی.
۱۱ می پا ماله‌یَ دونبألَ کودیدی و هسأ می دورَه بیگیفتید؛
مرَ فندرستَن‌دریدی کی مرَ زیمینٚ سر تأودید.
۱۲ اوشأن، ایتأ شیرٚ مأنستن ایسیدی کی تیکه‌پاره کودنٚ وأسی حرص زنه،
ایتأ وحشی شیرٚ مأنستن کی ایتأ خلوتٚ جیگا کمین بوکوده دره.
۱۳ خوداوندأ، ویریز و اَشأنٚ جُلُو بِئس و اَشأنَ بزیمین بزن؛
تی شمشیرٚ اَمرأ می جانَ شرورٚ آدمأنٚ دسٚ جأ خلاصَ کون.
۱۴ اَی خوداوند، تی دسأنٚ اَمرأ نجات بدن مرَ جٚه هَجور آدمأن،
جٚه اَ دونیا مردومأنی کی اوشأنٚ دیل و فیکر فقط زندگی کودن هَه دونیا دورونی ایسه؛
جٚه مردومأنی کی اوشأنٚ شکمأنَ تی برکتٚ زیمینی اَمرأ پورَ کونی
و صاحبٚ زأکأنٚ زیادی‌یم بیدی،
و هو چیزی کی جٚه اَشأنٚ مال و منال مأنه، اَشأنٚ زأکأنَ فأرسه.
۱۵ ولی من پارسایی اَمرأ تی رویَ فندرم
وختی‌یم کی بیدارَ بم، جٚه اَ خأطر کی تی دیمَ فندرم، سِئرَ بم.
Currently Selected:
مزامیر ۱۷: گیلکی (رشتی)
Highlight
Share
Copy
Want to have your highlights saved across all your devices? Sign up or sign in
© 2010-2019 Gilak Media
