یونس یونسٚ کیتابٚ معرفی کودن
یونسٚ کیتابٚ معرفی کودن
یونسٚ نبی کیتاب با تومامٚ کیتابأنی کی عهدٚ عتیقٚ میأن وجود دأره، فرق کونه، چره کی اَ کیتاب در موردٚ ایتأ پیغمبر ایسه کی خودا فرمانٚ جأ سرپیچی کونه ولی خودا اونَ نجات دهه و ایتأ وختٚ دیگرَ فده تا ایطاعت بوکونه.
یونس، شهرٚ جَتخِفِر، ناصره نزدیکی، اوستانٚ جلیلٚ شین بو. اون هشت صد سال قبلٚ عیسی مسیحٚ تولد زندگی کودی.
اَ کیتابٚ اصلٚ موضوع، ایتأ مردای و ایتأ پیلهدأنه ماهی ماجرا نییه، بلکی راجع به میلتٚ بُتپرستی ایسه کی ایتأ پیله شهرٚ شین بید کی فسادٚ جأ پورَ بوستهبو و اونٚ نام نینوا بو. اوشأن خوداوندٚ پیامَ، یونسٚ زبانٚ جأ قوبیل و توبه بوکودید.
اَ ایتفاقأن قومٚ ایسرائیلٚ رِه ایتأ درس بو کی وأ بدأنید اگه چی اینتخاب بوبوسته ایسیدی ولی خودا تومامٚ دونیای خلق بوکوده و هر کسی کی خو گونایأنٚ جأ توبه بوکونه تأنه خودا اَمرأ ایرتباط بدأره. یونسٚ کیتاب نیشأن دهه کی خودا، خودای مهر و موحبت ایسه. اون، ویشتر جٚه اَنکی اینسأنَ موجازات بوکونه، اونٚ توبهیَ قوبیلَ کونه و بخشه و نجات دهه.
کیتابٚ فهرست
یونس خودا جٚه فرار کونه (باب ۱)
خودا یونسَ مرگٚ جأ نجات دهه (باب ۲)
خودا اراده به انجام فأرسه (باب ۳)
خودا رحمت و یونسٚ خشم (باب ۴)
Currently Selected:
یونس یونسٚ کیتابٚ معرفی کودن: گیلکی (رشتی)
Highlight
Share
Copy
Want to have your highlights saved across all your devices? Sign up or sign in
© 2010-2019 Gilak Media