ایوب ۹
۹
ایوبٚ جواب
۱ بأزین ایوب وأگردسته بوگفته:
۲ «یقین دأنم کی هَطویه.
ولی اینسأن چوطویی خودا ورجأ پارسا بحیساب اَیه؟
۳ اگه بخوأیه خودا اَمرأ بحث بوکونه،
جٚه هیزارتأ سؤال، ایتأیم نتأنه جواب بده.
۴ چره کی خودا دیل حکیمه و اونٚ قودرت عظیم ایسه؛
کیسه کی بتأنه اونٚ روبرو بِئسه و موفق ببه؟
۵ هونه کی کویأنَ جابجا کونه بدونٚ اَنکی اوشأنَ حألی ببه
و غیظٚ اَمرأ اوشأنَ فوگُردأنه.
۶ زیمینَ، جٚه خو جا تکان دهه
و اونٚ سوتونأنَ لرزأنه.
۷ خورشیدَ دستور دهه و اون بیرون نأیه
و ونأله ستاره‌یأن سوسو بوکونید.
۸ اینفری تومامٚ آسمانَ ایتأ فرشٚ مأنستن وأشأنه
و دریا موجأنٚ سر رأ شه.
۹ اونه کی دُبٚ اکبر و جبّار
و ثریا و تومامٚ جنوبٚ ستاره‌یأنَ خلق بوکوده،
۱۰ اونه کی پیله کارأنی کونه کی نشأ وأمختن
و اونٚ معجزه‌یأنَ نشه ایشمردن.
۱۱ می ورجأ دوأره و من اونَ نیدینم،
گوذره و من اونَ حس نوکونم.
۱۲ هرچی خوأیه خو اَمرأ بره و کی تأنه اونٚ جولُویَ بیگیره؟
و کی تأنه اونَ بگه: ‹چی کودَن دری؟›
۱۳ خودا خو غیظ جأ دس اونسأنه
و رَحَبٚ یارأنَ#۹:۱۳ افسانه‌یأنٚ میأن بمو کی رَحَب ایتأ هیولایی بو کی دریا دورون زندگی کودی. ایتأ نیشأنه بو جٚه طبیعتی کی نشأستی اونَ کونترول کودن. لقد دمج کونه.
۱۴ «پس من کیسم کی اونَ جواب بدم؟
و چی گبأنی ایستفاده بوکونم کی بتأنم اونٚ اَمرأ بحث بوکونم؟
۱۵ اگه چی دوروستکار ایسم، ولی نتأنم اونَ جواب بدم؛
فقط تأنم می داورٚ جأ ایلتماس کونم کی مرَ رحم بوکونه.
۱۶ حتی اگه اونَ دوخوأده‌بیم و مرَ جواب بدَه‌بی،
باور نوکونم کی می گبأنَ گوش بدَه‌بی،
۱۷ چره کی توندٚ بادٚ اَمرأ مرَ له و لورده کونه
و بی دلیل می زخمأنَ زیادَ کونه.
۱۸ ونأله ایتأ نَفَس تازه کونم،
بلکی زرخی اَمرأ مرَ سِئرَ کونه.
۱۹ اگه زور و قوّتٚ جأ گب بزنیم، اونی‌یه کی توانا ایسه!
و اگه عیدالتٚ جأ گب بزنیم، کیسه کی بتأنه اونَ وأزخوأست بوکونه؟
۲۰ حتی اگه دوروستکار ببم، می دَهنٚ گبأن مرَ محکومَ کونه
و اگه بی‌عیب و ایراد ببم، مرَ گوناهکار بحیساب اَوره.
۲۱ من عیبی نأرم،
ولی با اَنکی مرَ پیله کس نأنم
و می زندگی جأ بیزارم.
۲۲ هیچ توفیری نوکونه، هَنٚ وأسی گم:
‹اون، بی‌عیبٚ آدمأن و شرورأنَ هلاکَ کونه›.
۲۳ وختی کی درد و بلا ایوأرکی کوشه،
اون بی‌گونایأنٚ ناامیدی‌یَ رخشنَ گیره.
۲۴ وختی دونیا، شرورٚ آدمأنٚ دس دکفه،
اون، دونیا داورأنَ دیمأنَ پوشأنه.
اگه اون نی‌یه، پس کیسه کی اَ کارَ کونه؟
۲۵ «می عمرٚ روزأن جٚه کسی کی دُوه توندتریدی؛
گوریزیدی بدونٚ اَنکی خوشی رنگَ بیدینید.
۲۶ لوله‌یی لوتکا مأنستن توند ردَ بیدی،
ایتأ عقابٚ مأنیدی کی خو طعمه‌یَ فُتُرکه.
۲۷ اگه بگم: ‹می گله و شکایتَ جٚه خأطر برم
و غم و غورصه‌یَ می دیمٚ جأ اوسأنم و شاد و خوشحالَ بم›،
۲۸ تومامٚ می دردأنٚ جأ به وحشت دکفم
و دأنم کی مرَ بی‌گوناه بحیساب نأوری؟
۲۹ پس من کی محکومَ بم،
چره بیخودی تقلا بوکونم؟
۳۰ حتی اگه مرَ ورفٚ اَمرأ بوشورم،
و می دسأنَ قلیابٚ#۹:۳۰ اَ کلمه متنٚ عبری دورون ایتأ قلیایی ماده ایسه کی بوسوخته سبزیجاتٚ جأ گیفتیدی و شوستنٚ وأسی ایستفاده کودیدی. مره پاکَ کونم،
۳۱ مرَ لجنزارٚ دورون فرو کونی
تا اویه کی حتی می لیباسأنم می جأ بیزارَ بید.
۳۲ چره کی اون می مأنستن اینسأن نی‌یه تا بتأنم اونَ جواب بدم
و همدیگرٚ مره محکمه‌یَ بیشیم.
۳۳ اَمی میأن هیکس حوکم کودنٚ وأسی نِیسه
تا اَمرَ آشتی بده.
۳۴ کأشکی خوداوند خو چوبدسی‌یَ کی اونٚ اَمرأ تنبیه کونه می سرٚ جور اوسأنه
و اونٚ هیبت مرَ نترسأنه.
۳۵ او وخت گب زه‌ییم و اونٚ جأ نترسه‌ییم،
ولی هسأ اَطویی نی‌یم.
Currently Selected:
ایوب ۹: گیلکی (رشتی)
Highlight
Share
Copy
Want to have your highlights saved across all your devices? Sign up or sign in
© 2010-2019 Gilak Media
