ایوب ۱۰
۱۰
۱ «زندگی کودنٚ جأ مرَ بد اَیه،
هَنٚ وأسی بدونٚ اَنکی بترسم، می گله و شکایتَ اعلام بوکونم
و جان زرخی اَمرأ گب بزنم.
۲ خودایَ گم: مرَ محکوم نوکون،
مرَ بوگو کی چره مرَ متهم کونی.
۳ ترَ خوش اَیه کی ظلم بوکونی
و کسی‌یَ کی تی دسأنٚ اَمرأ به وجود بأوردی خوارَ کونی؟
و شرورٚ آدمأنٚ نقشه‌یأنٚ جأ راضی بیبی؟
۴ مگه تی چومأن، آدمأنٚ چومأنَ مأنه
و اینسأنٚ مأنستن فندری؟
۵ مگه تی روزأن، اینسأنٚ روزأنَ مأنه،
تی سالأنم، آدمأنٚ سالأنَ مأنستنه؟
۶ کی اَطویی می گونایأنَ پاپِی بی
و می ایشتبایأنَ وأمجی؟
۷ اگرچی تو دأنی کی من گوناهی نوکودم،
و کسی نتأنه مرَ تی دسٚ جأ نجات بده.
۸ «تی دسأنٚ اَمرأ تومام و کمال مرَ خلق بوکودی و به وجود بأوردی،
هسأ خوأیی مرَ هلاکَ کونی؟
۹ تی جأ خوأیم کی به خأطر بأوری کی مرَ گیلٚ جأ چأکودی؛
هسأ خوأیی دوواره مرَ وأگردأنی خاکٚ دورون؟
۱۰ مرَ شیرٚ مأنستن دونکودی
و پینیرٚ مأنستن دنوَستی#۱۰:۱۰ شیر و پینیر ایشاره کونه به نطفه‌یی کی مارٚ شکمٚ دورون دٚوٚسته به. ؟
۱۱ مرَ گوشت و پوستٚ اَمرأ بپوشأنه‌یی
و خاشأن و رگ و پی اَمرأ ببأفتی.
۱۲ مرَ زندگی و موحبت فدَیی
و تی لطفٚ اَمرأ می روحَ حفظ بوکودی.
۱۳ ولی اَ چیزأنَ تی دیلٚ دورون قایمَ کودی
و دأنم کی اَشأن تی فیکرٚ میأن نهَه‌بو:
۱۴ اگه گوناه بوکونم، مرَ پایی
و می تقصیرٚ جأ نگوذری.
۱۵ اگه گوناهی بوکونم خاک می سر،
و اگه گوناهی نوکونم، می سرَ بوجور نأورم،
چره کی خیلی خجالت زده‌یم
و می سیابختی‌یَ دینم.
۱۶ اگه می سرَ راستَ گیرم
شیرٚ مأنستن مرَ شکار کونی
و دوواره تی عجیبٚ کارأن مرَ نیشأن دهی.
۱۷ می ضد شاهدأنی اَوری
و تی غیظ می جأ ویشترَ به،
تازه نفسٚ لشکرأنَ تترج می ضد ویریزأنی.
۱۸ «چره مرَ می مارٚ رحمٚ جأ بیرون بأوردی؟
کأشکی بمرده‌بیم و هیچ چومی مرَ نیده‌بی،
۱۹ جوری کی هیوخت بدونیا نمو بیم
و می مارٚ رحمٚ جأ مرَ قبرستان ببرده‌بید.
۲۰ مگه چقدر خوأیم عمر بوکونم؟
پس مرَ ولَ کون تا ایتأ پیسخأله خوش ببم،
۲۱ قبلٚ اَنکی اویه بشم کی دِه نشأ وأگردستن،
او جاجیگایی کی ظولمأت و تومامٚ تاریکی ایسه.
۲۲ هویه کی تاریکٚ ظولمأت ایسه
کی اونٚ میأن هیچ نظمی ننَه،
اویه کی روشنایی‌یم تاریکی‌یَ مأنه.»
Currently Selected:
ایوب ۱۰: گیلکی (رشتی)
Highlight
Share
Copy
Want to have your highlights saved across all your devices? Sign up or sign in
© 2010-2019 Gilak Media
