ایوب ۳۹
۳۹
۱ «دأنی بوزٚ کوهی کِی زأیه؟
آهو زأئنَ بیده‌یی؟
۲ اوشأنٚ شکم اوسأدنٚ مایأنَ تأنی بیشمأری،
و دأنی کِی زأییدی،
۳ وختی کی خمَ بید و خوشأنٚ زأکأنَ زأییدی،
و خوشأنٚ دردأنٚ جأ راحتَ بید؟
۴ اوشأنٚ زأکأن قوی بیدی،
و صارا دورون پیلَه بیدی؛
بیرون شیدی و دِه اوشأنٚ ورجأ وأنگردید.
۵ «کیسه کی وحشی خرَ ولَ کوده کی بشه؟
کیسه کی اونٚ لافندَ وازَ کوده؟
۶ من بیابانَ اونٚ خانه چأکودم،
و شوره‌زارَ اونٚ جاجیگاه بنَم.
۷ شهرٚ سر و صدایَ رخشنَ گیره،
و چوپانٚ فرمانَ هیدایتٚ وأسی گوش نوکونه.
۸ کویأن اونٚ چراگاه ایسه،
و اویه جورواجورٚ واشأنَ وأمجه.
۹ «کله ورزأ راضی به کی ترَ ختمت بوکونه؟
شب تی آخورٚ ورجأ ایسه؟
۱۰ تأنی اونَ لافندٚ اَمرأ دٚوٚدی کی تی زیمینٚ شخم بزنه،
یا ناهموارٚ زیمینأنَ تی پوشتٚ سر صافَ کونه؟
۱۱ جٚه اَ خأطر کی اونٚ زور و قوّت زیاده، اونَ اعتماد کونی؟
تی کارَ اونَ ایسپری؟
۱۲ اونَ اعتماد کونی کی تی گندمأنَ ترَ وأگردأنه،
و اونَ جمَ کونه و تی خرمنگاه میأن بأوره؟
۱۳ «شوتور مرغ خو بالأنَ شادی اَمرأ تکان دهه،
ولی اونٚ بال و پرَ لکٚ لکٚ اَمرأ نشأ ایتأ دأنستن.
۱۴ چره کی خو تخمأنَ زیمینٚ رو نهِه،
و وئله خاک اوشأنَ گرمَ کونه.
۱۵ فیکر نوکونه کی ایمکأن دأره ایتأ پا اوشأنَ لقد دمج بوکونه،
یا صارا جک و جانورأن اوشأنَ لقد بزنه.
۱۶ خو زأکأنٚ اَمرأ توندی اَمرأ رفتار کونه، اَنٚ مأنه کی اونٚ شین نی‌ییدی؛
خورَه ننِه کی خو زحمت بیخودَ به،
۱۷ چره کی خودا اونَ حکمتٚ جأ محروم بوکوده،
و فأمٚ جأ سهمی اونَ نبخشه.
۱۸ ولی وختی خو بال و پرَ وازَ کونه تا بودُوه،
اسب و اونٚ سوارَ رخشنَ گیره.
۱۹ «تو، اسبَ قوّت دیهی؟
یا اونٚ گردنَ یالٚ اَمرأ پوشانی؟
۲۰ تو اونَ توان فأدَه‌یی کی ملخٚ مأنستن واز بوکونه؟
اونٚ مغرورانه فٚرٚنه زِئن، ترس و وحشت بوجود بأوره.
۲۱ دینی چوطو دشتٚ میأن خو سُمَ زیمینٚ سر زنه و خو قوّتٚ جأ کِیف کونه
و جنگی سلاحأنٚ طرف شه.
۲۲ نترسه و ترسم رخشنَ گیره؛
شمشیرٚ تیغٚ جأ رو وأنگردأنه.
۲۳ تیردان کی اونٚ تکٚ ورجأ نهَه، چک چک کونه
براقٚ نیزه و زوبین اَمرأ.
۲۴ ذوقٚ جأ پرکِه و تاخت زنه، زیمینَ فٚوٚره؛
وختی شیپور صدا دهه، نتأنه آرام خو جا سر بِئسه.
۲۵ وختی کی شیپور صدا بیرون اَیه، شیهه کشه؛
جنگَ جٚه دور حس کشه،
و سردارأنٚ ایجگره و جنگٚ سر و صدایَ.
۲۶ «ینی تی حکمتٚ جأ ایسه کی واشک پر زنه
و خو بالأنَ جنوبٚ طرف وازَ کونه؟
۲۷ تی دستورٚ اَمرأ اَلوغ بوجور شه
و خو لانه‌یَ بولندٚ جاجیگایأنٚ سر چأکونه؟
۲۸ صخره رو، خانه چأکونه و شب اویه ایسه،
تیجٚ صخره‌یأن اونٚ حیصار ایسه.
۲۹ جٚه اویه خو شکارَ وأمجه
و او فاصله جأ خو چومأنٚ اَمرأ اونَ فندره.
۳۰ اونٚ جوجه‌یأن خون اودوشید،
هر جا کی بمرده لش اویه بمأنه، اونم اویه ایسَه.»
Currently Selected:
ایوب ۳۹: گیلکی (رشتی)
Highlight
Share
Copy
Want to have your highlights saved across all your devices? Sign up or sign in
© 2010-2019 Gilak Media
ایوب ۳۹
۳۹
۱ «دأنی بوزٚ کوهی کِی زأیه؟
آهو زأئنَ بیده‌یی؟
۲ اوشأنٚ شکم اوسأدنٚ مایأنَ تأنی بیشمأری،
و دأنی کِی زأییدی،
۳ وختی کی خمَ بید و خوشأنٚ زأکأنَ زأییدی،
و خوشأنٚ دردأنٚ جأ راحتَ بید؟
۴ اوشأنٚ زأکأن قوی بیدی،
و صارا دورون پیلَه بیدی؛
بیرون شیدی و دِه اوشأنٚ ورجأ وأنگردید.
۵ «کیسه کی وحشی خرَ ولَ کوده کی بشه؟
کیسه کی اونٚ لافندَ وازَ کوده؟
۶ من بیابانَ اونٚ خانه چأکودم،
و شوره‌زارَ اونٚ جاجیگاه بنَم.
۷ شهرٚ سر و صدایَ رخشنَ گیره،
و چوپانٚ فرمانَ هیدایتٚ وأسی گوش نوکونه.
۸ کویأن اونٚ چراگاه ایسه،
و اویه جورواجورٚ واشأنَ وأمجه.
۹ «کله ورزأ راضی به کی ترَ ختمت بوکونه؟
شب تی آخورٚ ورجأ ایسه؟
۱۰ تأنی اونَ لافندٚ اَمرأ دٚوٚدی کی تی زیمینٚ شخم بزنه،
یا ناهموارٚ زیمینأنَ تی پوشتٚ سر صافَ کونه؟
۱۱ جٚه اَ خأطر کی اونٚ زور و قوّت زیاده، اونَ اعتماد کونی؟
تی کارَ اونَ ایسپری؟
۱۲ اونَ اعتماد کونی کی تی گندمأنَ ترَ وأگردأنه،
و اونَ جمَ کونه و تی خرمنگاه میأن بأوره؟
۱۳ «شوتور مرغ خو بالأنَ شادی اَمرأ تکان دهه،
ولی اونٚ بال و پرَ لکٚ لکٚ اَمرأ نشأ ایتأ دأنستن.
۱۴ چره کی خو تخمأنَ زیمینٚ رو نهِه،
و وئله خاک اوشأنَ گرمَ کونه.
۱۵ فیکر نوکونه کی ایمکأن دأره ایتأ پا اوشأنَ لقد دمج بوکونه،
یا صارا جک و جانورأن اوشأنَ لقد بزنه.
۱۶ خو زأکأنٚ اَمرأ توندی اَمرأ رفتار کونه، اَنٚ مأنه کی اونٚ شین نی‌ییدی؛
خورَه ننِه کی خو زحمت بیخودَ به،
۱۷ چره کی خودا اونَ حکمتٚ جأ محروم بوکوده،
و فأمٚ جأ سهمی اونَ نبخشه.
۱۸ ولی وختی خو بال و پرَ وازَ کونه تا بودُوه،
اسب و اونٚ سوارَ رخشنَ گیره.
۱۹ «تو، اسبَ قوّت دیهی؟
یا اونٚ گردنَ یالٚ اَمرأ پوشانی؟
۲۰ تو اونَ توان فأدَه‌یی کی ملخٚ مأنستن واز بوکونه؟
اونٚ مغرورانه فٚرٚنه زِئن، ترس و وحشت بوجود بأوره.
۲۱ دینی چوطو دشتٚ میأن خو سُمَ زیمینٚ سر زنه و خو قوّتٚ جأ کِیف کونه
و جنگی سلاحأنٚ طرف شه.
۲۲ نترسه و ترسم رخشنَ گیره؛
شمشیرٚ تیغٚ جأ رو وأنگردأنه.
۲۳ تیردان کی اونٚ تکٚ ورجأ نهَه، چک چک کونه
براقٚ نیزه و زوبین اَمرأ.
۲۴ ذوقٚ جأ پرکِه و تاخت زنه، زیمینَ فٚوٚره؛
وختی شیپور صدا دهه، نتأنه آرام خو جا سر بِئسه.
۲۵ وختی کی شیپور صدا بیرون اَیه، شیهه کشه؛
جنگَ جٚه دور حس کشه،
و سردارأنٚ ایجگره و جنگٚ سر و صدایَ.
۲۶ «ینی تی حکمتٚ جأ ایسه کی واشک پر زنه
و خو بالأنَ جنوبٚ طرف وازَ کونه؟
۲۷ تی دستورٚ اَمرأ اَلوغ بوجور شه
و خو لانه‌یَ بولندٚ جاجیگایأنٚ سر چأکونه؟
۲۸ صخره رو، خانه چأکونه و شب اویه ایسه،
تیجٚ صخره‌یأن اونٚ حیصار ایسه.
۲۹ جٚه اویه خو شکارَ وأمجه
و او فاصله جأ خو چومأنٚ اَمرأ اونَ فندره.
۳۰ اونٚ جوجه‌یأن خون اودوشید،
هر جا کی بمرده لش اویه بمأنه، اونم اویه ایسَه.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2010-2019 Gilak Media