ایوب ۲۶
۲۶
ایوبٚ جواب
۱ بأزین ایوب جواب بدَه:
۲ «کسی‌یَ کی زور و قوّت نأره عجب کومک بوکودی!
ضعیفٚ بازویَ خُب نجات بدَه‌یی!
۳ بی حکمتٚ مردأکَ عجب نصیحتی بوکودی!
چی عاقلٚ کارأنی نیشأن بدَه‌یی!
۴ کی کومکٚ اَمرأ اَ جور گبأنَ تی زوان بأوردی،
و کی روح ایسه کی تی دَهنٚ جأ گب بزه؟
۵ «مورده‌یأنٚ روحأن پرکیدی،
اوشأنی کی آبٚ جیر ایسَه‌یید و تومامٚ اوشأنی کی اویه زندگی کونیدی.
۶ مورده‌یأنٚ دونیا خودا جُلُو برئنده ایسه،
و اَبَدونَ#۲۶:۶ اَبَد‌ون ایتأ نام ایسه مورده‌یأنٚ دونیا رِه و اَنٚ معنی «نابودَ بوستنٚ جیگا» ایسه. هیچی نپوشأنه.
۷ خودا شومالَ خالی جاجیگاه سر وأشأنه،
و زیمینَ هیچٚ سر وأرگأنه.
۸ آبأنَ، ابرأنٚ دورون پیچأنه،
ولی ابرأن اوشأنٚ فشارٚ جیر وأشکأفته نیبید.
۹ ماهٚ دیمَ پوشأنه
و خو ابرأنَ اونٚ سر وأشأنه.
۱۰ ایتأ گردی، آبأنٚ رو بکشه،
و اونٚ اَمرأ روشنایی و تاریکی وسط مرز بنَه.
۱۱ آسمانٚ سوتونأن پرکیدی
و خودا تشرٚ جأ قاقَ بید.
۱۲ خو قوّتٚ اَمرأ دریایَ آرامَ کونه،
و خو حکمتٚ مره رَحبَ#۲۶:۱۲ افسانه‌یأنٚ میأن بمو کی رَحَب ایتأ هیولایی بو کی دریا دورون زندگی کودی. ایتأ نیشأنه بو جٚه طبیعتی کی نشأستی اونَ کونترول کودن. دُرجینه.
۱۳ اونٚ روحٚ اَمرأ، آسمانأن قشنگَ بوستیدی،
و اونٚ دس، لأنتی‌یَ#۲۶:۱۳ ینی لِویاتان. ایوب باب ۳ آیه ۸ بیدینید. کی توند رأ شه، سولاخَ کوده.
۱۴ رأس رأسی کی اَ کارأن فقط ایتأ پیچه جٚه خودا کارأنه
و چی آرامٚ صدایی اونٚ جأ ایشنأویم!
ولی کیسه کی بتأنه خودا پیله عظمتَ درک بوکونه.»
Currently Selected:
ایوب ۲۶: گیلکی (رشتی)
Highlight
Share
Copy
Want to have your highlights saved across all your devices? Sign up or sign in
© 2010-2019 Gilak Media
