ایوب ۱۵
۱۵
اِلیفازٚ گبأن
۱ اِلیفازٚ تیمانی وأگردسته بوگفته:
۲ «آیا حکیمٚ مردای پوچٚ فیکرأنٚ اَمرأ جواب دهه،
و خو شکمَ شرقٚ بادٚ اَمرأ پورَ کونه؟
۳ بیخودٚ گبأنٚ اَمرأ دلیل اَوره؟
حرفأنی مره کی ارزش نأره؟
۴ رأس رأسی کی تو خوداترسی‌یَ کنار نیهی،
و دین و ایمأن دأشتنَ بی‌ارزشَ کونی!
۵ تی گوناه تی دَهنَ یاد دهه
و دغلبازٚ آدمأنٚ زبانٚ اَمرأ گب زنی.
۶ تی دَهن ترَ محکومَ کونه، نه کی من؛
خودتٚ لبأن تی ضد شهادت دیهیدی.
۷ «مگه تو اوّلی آدمی ایسی کی بدونیا بمویی؟
تو تپه‌یأنٚ جأ پیشتر چأکوده بوبوستی؟
۸ مگه تو خودا نقشه‌یأنٚ جأ خبر دأری؟
یا فقط خودتَ حکیم دأنی؟
۹ چی دأنی کی اَمأن نأنیم؟
چی فهمی کی اَمأن نتأنیم بفأمیم؟
۱۰ اَمی میأن پیرٚ مردأکأن و ریش سیفیدأن ایسَه‌ییدی
کی تی پئرٚ جأ پیله‌تریدی.
۱۱ آرامشی کی خودا بخشه تِره کمه،
یا گبأنی کی مولایمتٚ اَمرأ ترَ گه؟
۱۲ چره وئلی تی دیل ترَ هیدایت بوکونه؟
و چره تی چومأن غیظ دأره،
۱۳ کی تی روحَ خودا ضد وأگردأنی
و اَ جور گبأن تی دَهنٚ جأ بیرون اَوری؟
۱۴ «اینسأن چیسه کی پاک ببه
و کسی کی زنٚ جأ بدونیا بمو پارسا بحیساب بأیه؟
۱۵ خودا دِه خو فرشته‌یأنَ اعتماد نأره
و حتی آسمانأنم اونٚ چومٚ جُلُو تیمیز نی‌یه،
۱۶ پس چی فأرسه به اینسأنی کی فاسد و ناپاک ایسه
و شرارت اونٚ رِه هَچین آب خوردنٚ مأنستنه.
۱۷ «مرَ گوش بدن تا تِره بگم،
وهل هرچی کی بیدم ترَ وأگویا بوکونم،
۱۸ هو چیزأنی‌یَ کی حکیمأن خوشأنٚ پئرأنٚ جأ بیشنأوسته‌بید،
بوگفتید و جیگا ندَه‌یید.
۱۹ زیمین فقط اوشأنٚ پئرأن فأدَه بوبوسته
و هیتّأ غریبه اوشأنٚ میأن نِیسه‌بو.
۲۰ شرورٚ مردای تومامٚ روزأنٚ میأن دردٚ جأ خورَه پیچه
و ظالمٚ مردأی تومامٚ خو عمرٚ سالأنٚ دورون.
۲۱ همیشه ترسناکٚ صدایأن ایشنأوه؛
وختی کی اَنٚ خیال راحتَ به، غارتگر اونَ حمله کونه.
۲۲ اومیدی نأره کی تاریکی جأ وأگرده،
آخرم شمشیر اَمرأ مردن اونٚ رِه تعیین بوبوسته.
۲۳ نانٚ وأسی همه جایَ گَرده و وأورسه، ‹کویه نهَه؟›
چره کی دأنه تاریکٚ روز اونٚ جُلُو رو نهَه.
۲۴ موصیبت و فشارٚ جأ اونٚ دیل ترکه
و هَچین پادشا مأنستن کی خوأیه اونَ حمله بوکونه، اونَ پیروزَ به.
۲۵ چره کی خو دسَ خودا ضد بوجور بره
و قادرٚ مطلقٚ جُلُو مغرورَ به
۲۶ خو گردنَ درازَ کونه و اونَ حمله کونه
ایتأ سپرٚ اَمرأ کی محکم و کلفته.
۲۷ اگه چی اونٚ دیمَ چربی بپوشأنه
و اونٚ کمرٚ دورَ پی بیگیفته دره،
۲۸ ولی خالی شهرأنٚ دورون ساکنه،
و خانه‌یأنی کی کسی اوشأنٚ دورون زندگی نوکونه،
خانه‌یأنی کی فوگُردستَن دریدی.
۲۹ اون دِه پولدار نمأنه و اونٚ مال و منال جٚه بین شه،
و اونٚ اموال دِه زیمینٚ سر زیادَ نیبه.
۳۰ تاریکی جأ نتأنه جیویزه؛
آتش اونٚ غومچه‌یأنَ خوشکَ کونه
و خودش، خودا نٚفٚسٚ اَمرأ جٚه بین شه.
۳۱ «نوأ بیخودٚ چیزأنَ توکل بوکونه و اَطویی خورَه گول بزنه
چره کی بیخودٚ چیزأن اونٚ دسمزد به.
۳۲ عمرٚ بهارٚ میأن، تومام و کمال اونٚ رِه ایتفاق دکفه
و اونٚ شاخه‌یأن سبز نمأنه.
۳۳ رزٚ مأنستن قبلٚ اَنکی برسه، خو غوره‌یَ فیشأنه،
هَطویم زیتونٚ دارٚ مأنستن خو گولأنَ فوکونه.
۳۴ چره کی اوشأنی کی خودایَ نشنأسیدی زأیدار نیبیدی،
و رشوه خورأنٚ خیمه‌یأن آتشٚ دورون سوجه.
۳۵ شکمدارٚ زنأکٚ مأنیدی ولی اوشأنٚ دورون شرارتٚ جأ پوره، بأزین گوناه زأییدی،
و اوشأنٚ رحم دوز و کلک چأکونه.»
Currently Selected:
ایوب ۱۵: گیلکی (رشتی)
Highlight
Share
Copy
Want to have your highlights saved across all your devices? Sign up or sign in
© 2010-2019 Gilak Media
ایوب ۱۵
۱۵
اِلیفازٚ گبأن
۱ اِلیفازٚ تیمانی وأگردسته بوگفته:
۲ «آیا حکیمٚ مردای پوچٚ فیکرأنٚ اَمرأ جواب دهه،
و خو شکمَ شرقٚ بادٚ اَمرأ پورَ کونه؟
۳ بیخودٚ گبأنٚ اَمرأ دلیل اَوره؟
حرفأنی مره کی ارزش نأره؟
۴ رأس رأسی کی تو خوداترسی‌یَ کنار نیهی،
و دین و ایمأن دأشتنَ بی‌ارزشَ کونی!
۵ تی گوناه تی دَهنَ یاد دهه
و دغلبازٚ آدمأنٚ زبانٚ اَمرأ گب زنی.
۶ تی دَهن ترَ محکومَ کونه، نه کی من؛
خودتٚ لبأن تی ضد شهادت دیهیدی.
۷ «مگه تو اوّلی آدمی ایسی کی بدونیا بمویی؟
تو تپه‌یأنٚ جأ پیشتر چأکوده بوبوستی؟
۸ مگه تو خودا نقشه‌یأنٚ جأ خبر دأری؟
یا فقط خودتَ حکیم دأنی؟
۹ چی دأنی کی اَمأن نأنیم؟
چی فهمی کی اَمأن نتأنیم بفأمیم؟
۱۰ اَمی میأن پیرٚ مردأکأن و ریش سیفیدأن ایسَه‌ییدی
کی تی پئرٚ جأ پیله‌تریدی.
۱۱ آرامشی کی خودا بخشه تِره کمه،
یا گبأنی کی مولایمتٚ اَمرأ ترَ گه؟
۱۲ چره وئلی تی دیل ترَ هیدایت بوکونه؟
و چره تی چومأن غیظ دأره،
۱۳ کی تی روحَ خودا ضد وأگردأنی
و اَ جور گبأن تی دَهنٚ جأ بیرون اَوری؟
۱۴ «اینسأن چیسه کی پاک ببه
و کسی کی زنٚ جأ بدونیا بمو پارسا بحیساب بأیه؟
۱۵ خودا دِه خو فرشته‌یأنَ اعتماد نأره
و حتی آسمانأنم اونٚ چومٚ جُلُو تیمیز نی‌یه،
۱۶ پس چی فأرسه به اینسأنی کی فاسد و ناپاک ایسه
و شرارت اونٚ رِه هَچین آب خوردنٚ مأنستنه.
۱۷ «مرَ گوش بدن تا تِره بگم،
وهل هرچی کی بیدم ترَ وأگویا بوکونم،
۱۸ هو چیزأنی‌یَ کی حکیمأن خوشأنٚ پئرأنٚ جأ بیشنأوسته‌بید،
بوگفتید و جیگا ندَه‌یید.
۱۹ زیمین فقط اوشأنٚ پئرأن فأدَه بوبوسته
و هیتّأ غریبه اوشأنٚ میأن نِیسه‌بو.
۲۰ شرورٚ مردای تومامٚ روزأنٚ میأن دردٚ جأ خورَه پیچه
و ظالمٚ مردأی تومامٚ خو عمرٚ سالأنٚ دورون.
۲۱ همیشه ترسناکٚ صدایأن ایشنأوه؛
وختی کی اَنٚ خیال راحتَ به، غارتگر اونَ حمله کونه.
۲۲ اومیدی نأره کی تاریکی جأ وأگرده،
آخرم شمشیر اَمرأ مردن اونٚ رِه تعیین بوبوسته.
۲۳ نانٚ وأسی همه جایَ گَرده و وأورسه، ‹کویه نهَه؟›
چره کی دأنه تاریکٚ روز اونٚ جُلُو رو نهَه.
۲۴ موصیبت و فشارٚ جأ اونٚ دیل ترکه
و هَچین پادشا مأنستن کی خوأیه اونَ حمله بوکونه، اونَ پیروزَ به.
۲۵ چره کی خو دسَ خودا ضد بوجور بره
و قادرٚ مطلقٚ جُلُو مغرورَ به
۲۶ خو گردنَ درازَ کونه و اونَ حمله کونه
ایتأ سپرٚ اَمرأ کی محکم و کلفته.
۲۷ اگه چی اونٚ دیمَ چربی بپوشأنه
و اونٚ کمرٚ دورَ پی بیگیفته دره،
۲۸ ولی خالی شهرأنٚ دورون ساکنه،
و خانه‌یأنی کی کسی اوشأنٚ دورون زندگی نوکونه،
خانه‌یأنی کی فوگُردستَن دریدی.
۲۹ اون دِه پولدار نمأنه و اونٚ مال و منال جٚه بین شه،
و اونٚ اموال دِه زیمینٚ سر زیادَ نیبه.
۳۰ تاریکی جأ نتأنه جیویزه؛
آتش اونٚ غومچه‌یأنَ خوشکَ کونه
و خودش، خودا نٚفٚسٚ اَمرأ جٚه بین شه.
۳۱ «نوأ بیخودٚ چیزأنَ توکل بوکونه و اَطویی خورَه گول بزنه
چره کی بیخودٚ چیزأن اونٚ دسمزد به.
۳۲ عمرٚ بهارٚ میأن، تومام و کمال اونٚ رِه ایتفاق دکفه
و اونٚ شاخه‌یأن سبز نمأنه.
۳۳ رزٚ مأنستن قبلٚ اَنکی برسه، خو غوره‌یَ فیشأنه،
هَطویم زیتونٚ دارٚ مأنستن خو گولأنَ فوکونه.
۳۴ چره کی اوشأنی کی خودایَ نشنأسیدی زأیدار نیبیدی،
و رشوه خورأنٚ خیمه‌یأن آتشٚ دورون سوجه.
۳۵ شکمدارٚ زنأکٚ مأنیدی ولی اوشأنٚ دورون شرارتٚ جأ پوره، بأزین گوناه زأییدی،
و اوشأنٚ رحم دوز و کلک چأکونه.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2010-2019 Gilak Media