ایوب ۱۴
۱۴
۱ «اینسأن، کی زنٚ جأ بدونیا اَیه،
اونٚ روزأن کم و پور جٚه موصیبته.
۲ گولٚ مأنستن رُشت کونه، بأزین دوچلکه؛
سایه مأنستن شه و دِه نمأنه.
۳ آیا اَ جور آدمٚ رِه تی چومأنَ وازَ کونی،
و مرَ تی ورجأ محاکمه کونی؟
۴ کیسه کی نجستٚ چیزٚ جأ تیمیزٚ اسبابَ بیرون بأوره؟
هیکس!
۵ اینسأنٚ روزأن تعیین بوبوسته و تو اونٚ ماهأنَ بیشمرده دری،
و اونٚ رِه اندازه قرار بدَه‌یی کی اونٚ جأ جیویشتن نتأنه.
۶ پس تی رویَ اونٚ جأ وأگردأن کی آرام بیگیره
و مواجب فیگیرٚ مأنستن خو روزأنٚ جأ لیذت ببره.
۷ «چره کی درخت اومید دأره
کی اگه وأوِه ببه دوواره رشت کونه
و اونٚ غومچه یأن جٚه بین نیشیدی.
۸ حتی اگه اونٚ ریشه‌یأن زیمینٚ دورون کهنه ببه
و اونٚ کوندٚه خاکٚ میأن بیمیره،
۹ آبٚ بو جأ سبزَ به
و تازه نهالٚ مأنستن شاخه زنه.
۱۰ ولی آدمی میره و جٚه بین شه؛
آدمی وختی جان دهه، کویه شه؟
۱۱ هَطو کی آبأن، دریا جأ بخار بیدی
و خوشکی موقع خوشکی موقع روخان جٚه بین شه،
۱۲ هَطویم آدمی خوسِه و دِه وینریزه؛
و تا وختی کی آسمانأن باقی ایسیدی بیدارَ نیبه
و خو خوابٚ جأ کسی نتأنه اونَ ویریزأنه.
۱۳ «کأشکی تا وختی کی تی غیظ نوخوفته
مرَ مورده‌یأنٚ دونیا دورون قایم کونی
و ایتأ وخت تعیین بوکونی کی مرَ بخاطر بأوری.
۱۴ اگه آدمی بیمیره، آیا دوواره زندَه به؟
تومامٚ اَ روزأنی کی زحمت بکشم، رافا ایسم
تا وختی کی می شرایط تغییر بوکونه.
۱۵ تو مرَ دوخوأنی و من جواب دهم
و ذوق دأری کی تی دسٚ خلقتَ بیدینی.
۱۶ چره کی او وخت می قدمأنَ ایشمری
و می گونایَ تی چومٚ جُلُو نَنی.
۱۷ می نافرمانی کیسه دورون مهر و موم به
و می خطایأنَ پوشانی.
۱۸ «ولی هَطویی کی کوهی کی فوگُرده، جٚه بین شه
و صخره‌یأن جا به جا بیدی
۱۹ و آب سنگأنَ سابه
و سیلابأن زیمینٚ خاکَ شوره بره،
هَطویم تو اینسأنٚ اومیدَ جٚه بین بری.
۲۰ تو تا اَبد پیروزَ بی و اون میره؛
اونٚ دیمَ عوضَ کونی و اونَ اوسه کونی.
۲۱ اونٚ زأکأن سربولندَ بیدی ولی اون وأخبرَ نیبه؛
خوار و ذلیلَ بید ولی اونَ نیدینه.
۲۲ فقط خو جانٚ دردَ فأمه،
اونٚ جان فقط خو وأسی عزا گیره.»
Currently Selected:
ایوب ۱۴: گیلکی (رشتی)
Highlight
Share
Copy
Want to have your highlights saved across all your devices? Sign up or sign in
© 2010-2019 Gilak Media
ایوب ۱۴
۱۴
۱ «اینسأن، کی زنٚ جأ بدونیا اَیه،
اونٚ روزأن کم و پور جٚه موصیبته.
۲ گولٚ مأنستن رُشت کونه، بأزین دوچلکه؛
سایه مأنستن شه و دِه نمأنه.
۳ آیا اَ جور آدمٚ رِه تی چومأنَ وازَ کونی،
و مرَ تی ورجأ محاکمه کونی؟
۴ کیسه کی نجستٚ چیزٚ جأ تیمیزٚ اسبابَ بیرون بأوره؟
هیکس!
۵ اینسأنٚ روزأن تعیین بوبوسته و تو اونٚ ماهأنَ بیشمرده دری،
و اونٚ رِه اندازه قرار بدَه‌یی کی اونٚ جأ جیویشتن نتأنه.
۶ پس تی رویَ اونٚ جأ وأگردأن کی آرام بیگیره
و مواجب فیگیرٚ مأنستن خو روزأنٚ جأ لیذت ببره.
۷ «چره کی درخت اومید دأره
کی اگه وأوِه ببه دوواره رشت کونه
و اونٚ غومچه یأن جٚه بین نیشیدی.
۸ حتی اگه اونٚ ریشه‌یأن زیمینٚ دورون کهنه ببه
و اونٚ کوندٚه خاکٚ میأن بیمیره،
۹ آبٚ بو جأ سبزَ به
و تازه نهالٚ مأنستن شاخه زنه.
۱۰ ولی آدمی میره و جٚه بین شه؛
آدمی وختی جان دهه، کویه شه؟
۱۱ هَطو کی آبأن، دریا جأ بخار بیدی
و خوشکی موقع خوشکی موقع روخان جٚه بین شه،
۱۲ هَطویم آدمی خوسِه و دِه وینریزه؛
و تا وختی کی آسمانأن باقی ایسیدی بیدارَ نیبه
و خو خوابٚ جأ کسی نتأنه اونَ ویریزأنه.
۱۳ «کأشکی تا وختی کی تی غیظ نوخوفته
مرَ مورده‌یأنٚ دونیا دورون قایم کونی
و ایتأ وخت تعیین بوکونی کی مرَ بخاطر بأوری.
۱۴ اگه آدمی بیمیره، آیا دوواره زندَه به؟
تومامٚ اَ روزأنی کی زحمت بکشم، رافا ایسم
تا وختی کی می شرایط تغییر بوکونه.
۱۵ تو مرَ دوخوأنی و من جواب دهم
و ذوق دأری کی تی دسٚ خلقتَ بیدینی.
۱۶ چره کی او وخت می قدمأنَ ایشمری
و می گونایَ تی چومٚ جُلُو نَنی.
۱۷ می نافرمانی کیسه دورون مهر و موم به
و می خطایأنَ پوشانی.
۱۸ «ولی هَطویی کی کوهی کی فوگُرده، جٚه بین شه
و صخره‌یأن جا به جا بیدی
۱۹ و آب سنگأنَ سابه
و سیلابأن زیمینٚ خاکَ شوره بره،
هَطویم تو اینسأنٚ اومیدَ جٚه بین بری.
۲۰ تو تا اَبد پیروزَ بی و اون میره؛
اونٚ دیمَ عوضَ کونی و اونَ اوسه کونی.
۲۱ اونٚ زأکأن سربولندَ بیدی ولی اون وأخبرَ نیبه؛
خوار و ذلیلَ بید ولی اونَ نیدینه.
۲۲ فقط خو جانٚ دردَ فأمه،
اونٚ جان فقط خو وأسی عزا گیره.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2010-2019 Gilak Media