ایوب ۱۳
۱۳
۱ «می چومأنٚ اَمرأ همه‌یٚ اَشأنَ بیدم،
و می گوشٚ اَمرأ بیشنأوستم و بفأمستم
۲ او چیزأنی کی شومأن دأنیدی، منم دأنم
و شیمی جأ کمتر نی‌یم.
۳ ولی خوأیم قادرٚ مطلقٚ اَمرأ گب بزنم
و می دیل خوأیه اونٚ اَمرأ بحث بوکونم.
۴ ولی شومأن حقیقتَ دورُغٚ اَمرأ لاپوشأنی کونیدی!
رأس رأسی شومأن همه‌تأن بدرد نوخوره طبیبأنٚ مأنیدی.
۵ کأشکی پاک ساکیتَ بوسته‌بید
کی اَن شِمرِه حکمت بو.
۶ خوأهش کونم می دلیلَ بیشنأوید
و دفاعی کی می لبأنٚ جأ بیرون اَیه، گوش بدید.
۷ خودا رِه بی‌اینصافی اَمرأ گب زنیدی؟
اونٚ رِه کلکٚ اَمرأ گب زنیدی؟
۸ خوأییدی خودا طرفَ بیگیرید؟
خوأییدی اونٚ جأ دفاع بوکونید؟
۹ اَن خُبه کی شمرَ ایمتحان بوکونه؟
تأنیدی اونَ اینسأنٚ مأنستن گول بزنید؟
۱۰ رأس رأسی خودا شمرَ تشر زنه،
اگه قأیمکی اونٚ طرفَ بیگیرید.
۱۱ اونٚ هیبت شمرَ نترسأنه
و اونٚ ترس شیمی جان دنکفه؟
۱۲ شیمی پیله پیله گبأن غبارٚ مٚثٚلأنَ مأنه
و شیمی دفاع گیلٚ مأنستن سوستَ و الکی‌یه.
۱۳ «ساکیت بِئسید وئلید گب بزنم،
بأزین هرچی خوأیه می سر بأیه، بأیه!
۱۴ چره می جانٚ گوشتَ به گازَ گیرم
و می جانَ می دسٚ دورون بنَم؟
۱۵ حتی اگه مرَ بوکوشه، اونَ اومید دأرم
ولی اونٚ جُلُو می رفتارأنٚ جأ دفاع کونم.
۱۶ هَنه کی مِره نجات به
چره کی اونی کی خودایَ نشنأسه نتأنه اونٚ جُلُو بِئسه.
۱۷ می گبأنَ دقتٚ اَمرأ گوش بوکونید
وئلید می حرفأن شیمی گوش فأرسه.
۱۸ هسأ می دادخوأهی‌یَ آمادَه کودم
و دأنم کی می بی‌گوناهی ثابتَ به.
۱۹ کی تأنه مرَ متهم بوکونه؟
اگه اَطویی ببه، دِه ساکیتَ بم و می جانَ تسلیم کونم.
۲۰ «خوداوندأ، فقط دوتأ چیز تی جأ خوأیم
کی اگه مرَ فأدی دِه تی حوضورٚ جأ قایمَ نبم:
۲۱ تی دسَ می سرٚ جأ اوسأن
و تی هیبتٚ اَمرأ مرَ نوأ ترسأنئن
۲۲ بأزین تو دوخوأن و من ترَ جواب دهم
یا وهل من گب بزنم و تو مرَ جواب بدن.
۲۳ می خطایأن و گونایأن چقدر ایسه؟
می نافرمانی و گونایَ مرَ نیشأن بدن.
۲۴ چره تی رویَ می جأ جیگا دهی
و مرَ تی دوشمن بحیساب اَوری؟
۲۵ تو ولگی‌یَ کی باد اونَ بردن دره ترسأنی
و ایتأ خوشکٚ کولوشَ دونبألَ کونی؟
۲۶ چره کی زرخٚ چیزأنَ می ضد نویسی
و می خوأنی گونایأنَ ارثٚ مأنستن می حیساب نیهی.
۲۷ می پایأنَ کوندٚه دورون تأودی،
می تومامٚ رأیأنَ پایی
و می پا تأنَ علامت نیهی،
۲۸ در حألی کی بوبوخوسته چیز
و بید بزه (لیباسٚ/رختٚ) مأنستن داغانَ بم.
Currently Selected:
ایوب ۱۳: گیلکی (رشتی)
Highlight
Share
Copy
Want to have your highlights saved across all your devices? Sign up or sign in
© 2010-2019 Gilak Media
