عِزرا ۱۰
۱۰
قوم خو گونایَ ایعتراف کونه
۱ وختی کی عِزرا، دوعا و ایعتراف کودَن‌دوبو و خودا معبدٚ جُلُو اَرسو اَمرأ خو دیمَ زیمینٚ سر بنَه‌بو، ایتأ پیله دسته ایسرائیلٚ مردأکأن، زنأکأن و زأکأن اونَ دورَ کودیدی، چره کی قوم زارزار اَرسو فوکودیدی. ۲ او وخت شِکَنیا، یِحئیلٚ زأی کی عیلامٚ نسلٚ جأ بو، عِزرایَ بوگفته: «اَمأن، بیگانه زنأکأنَ، اَ سرزیمینٚ قومأنٚ جأ بیگیفتیم و اَطویی اَمی خودایَ خیانت بوکودیم. ولی با اَنکی اَ کارَ بوکودیم، هسأیم ایتأ اومید ایسرائیلٚ رِه بمأنسته. ۳ پس بأیید اَمی خودا اَمرأ عهد و پیمان دٚوٚدیم کی اَمی سرورٚ مشورتٚ اَمرأ و اوشأنی کی خودا دستورأنٚ جأ حیساب بریدی، تومامٚ اَ زنأکأن و اوشأنٚ زأکأنَ بیرونَ کونیم. بأیید اَ کارَ شریعتٚ قانونٚ اَمرأ انجام بدیم. ۴ هسأ ویریز، چره کی اَن تی کاره و اَمأنم تی اَمرأ ایسیم. پس تی دیلَ قورصَ کون و اَ کارَ انجام بدن.»
۵ بأزین عِزرا ویریشته، پیله کاهنأن و لاویأن و تومامی ایسرائیلٚ قومَ قسم بدَه کی اَ گبأنٚ مأنستن عمل بوکونید و اوشأنم قسم بوخوردید. ۶ او وخت عِزرا، جٚه معبدٚ جُلُو ویریشته، بوشو یِهوحانان، اِلیاشیبٚ زأکٚ حجره و تا او زمأتی کی اویه ایسَه‌بو، نه نان بوخورده، نه آب، چره کی تبعید بوسته‌یأنٚ خیانتٚ وأسی ماتم بیگیفته‌بو. ۷ بأزین سرتاسرٚ یهودا و اورشلیمٚ دورون حوکم بوکودیدی کی اوشأنی کی تبعیدٚ جأ وأگردسته‌بید وأستی اورشلیمٚ میأن جمَ بید. ۸ و هرکی تا سومی روز نأیه، قومٚ پیله کسأن و ریش سیفیدأنٚ حوکمٚ وأسی، تومامٚ اونٚ مال و منال بیگیفته به و اونم، تبعید بوسته‌یأنٚ جمٚ جأ وأستی بیرون بشه.
۹ سه روزٚ میأن تومامٚ یهودا و بنیامینٚ مردأکأن، اورشلیمٚ میأن جمَ بوستید. بیستمی روز جٚه نهمی ماه، همه‌تأن میدانٚ دورون معبدٚ جُلُو نیشته بید و اَ حوکمٚ وأسی و جٚه اَ خأطر کی توندٚ واران وأرستی، پرکستیدی. ۱۰ بأزین عِزرا کی کاهن بو، ویریشته و اوشأنَ بوگفته: «شومأن خیانت بوکودید و بیگانه زنأکأنَ بیگیفتید و اَطویی ایسرائیلٚ قومٚ گونایَ ویشترَ کودید. ۱۱ پس هسأ یهوه، شیمی پئرأنٚ خودا ورجأ ایعتراف بوکونید و اونٚ خوأسته‌یَ انجام بدید. خودتأنَ، اَ سرزیمینٚ قومأن و شیمی بیگانه زنأکأنٚ جأ سیوأ بوکونید.»
۱۲ تومامٚ مردومأن، صدایٚ بولندٚ اَمرأ جواب بدَه‌یید و بوگفتید: «دوروست گی، وأستی هوطو کی بوگفتی انجام بدیم. ۱۳ ولی خیلی مردومأن اَیه ایسَه‌ییدی و فصلٚ وارشه و اَمأن طاقت نأریم کی بیرون بِئسیم. اَ کارم ایروز دو روزٚ میأن نتأنه انجام ببه، چره کی خیلی جٚه اَمأن اَ فرمانٚ جأ سرپیچی بوکودیم. ۱۴ پس پیله کسأن، جٚه اَمی جماعتٚ دورون جٚه اَمی طرف تعیین بیبید و تومامٚ کسأنی کی اَمی شهرأنٚ دورون، بیگانه‌یأنٚ جأ زن بیگیفتیدی، او زمأتی کی تعیین بوبوسته خوشأنٚ شهرٚ ریش سیفیدأن و داورأنٚ اَمرأ بِئسید، تا اَمی خودا پیله‌دأنه غیظ هَنٚ وأسی اَمی سرٚ جأ اوسأده ببه.» ۱۵ فقط یوناتان، عَسائیلٚ زأی و یَحْزِیا، تِقوَه زأی اَ کارٚ اَمرأ موخالف بید و مِشُلّام و شَبِتای کی لاوی بو، اوشأنٚ جأ طرفداری کودیدی.
۱۶ بأزین اوشأنی کی تبعیدٚ جأ وأگردسته‌بید اَطویی بوکودید. عِزرا کی کاهن بو، مردأکأنَ خاندأنأنٚ پیله کسأنٚ جأ اینتخاب بوکوده و تومامٚ اوشأنٚ ایسمَ بینیوشته. اوشأن اوّلی روزٚ دهمی ماه میأن، اَ موضوع‌یٚ وارسی کودنٚ وأسی بینیشتید. ۱۷ و تا اوّلی روزٚ اوّلی ماه، وارسی تومام مردأکأنی کی بیگانه زنأکأنَ بیگیفته‌بید تومامَ بوسته.
کسایی کی قومأنٚ دیگرٚ اَمرأ عروسی بوکودید
۱۸ کاهنأنٚ نسلٚ جأ، مردأکأنی کی بیگانه زنأکأنٚ اَمرأ عروسی بوکوده‌بید، اَشأن بید:
یِشوعَ خاندانٚ جأ، یوصاداقٚ زأی و اونٚ برأرأن:
مَعَسیا و اِلعازار و یاریب و جِدَلیا.
۱۹ و اوشأن قول بدَه‌یید کی خوشأنٚ زنأکأنَ اوسه کونید بیشید و گله جأ ایتأ قوچ خوشأنٚ گوناه وأسی قوربانی بوکودید.
۲۰ اِمّیرٚ خاندانٚ جأ:
حَنانی و زِبَدیا.
۲۱ حاریمٚ خاندانٚ جأ:
مَعَسیا، ایلیا، شِمَعیا، یِحیئیل و عُزّیا.
۲۲ فَشحورٚ خاندانٚ جأ:
اِلیوعینای، مَعَسیا، ایسماعیل، نِتَنئیل، یوزاباد و اِلِعاسَه.
۲۳ لاویأنٚ خاندانٚ جأ:
یوزاباد، شِمعی، قِلایا کی هو قِلیطا ایسه، فِتَحیا، یهودا و اِلعازار.
۲۴ سرود خوأنأنٚ جأ:
اِلیاشیب.
دربانأنٚ جأ:
شَلّوم، طِلِم و اوری.
۲۵ و الباقی ایسرائیلی‌یأنٚ جأ، فَرعوشٚ خاندانٚ جأ:
رَمیا، یِزّیا، مَلْکیا، میامین، اِلعازار، مَلْکیا و بِنایا.
۲۶ عیلامٚ خاندانٚ جأ:
مَتَّنیا، زکریا، یِحیئیل، عَبدی، یِرِموت و ایلیا.
۲۷ زَتّو خاندانٚ جأ:
اِلیوعینای، اِلیاشیب، مَتَّنیا و یِرِموت، زاباد و عَزیزا.
۲۸ بِبای خاندانٚ جأ:
یِهوحانان، حَنَنیا و زَبّای و عَتلای.
۲۹ بانی خاندانٚ جأ:
مِشُلّام، مَلّوک، عَدایا، یاشوب، شِئَل و یِرِموت.
۳۰ فَحَت‌موآبٚ خاندان جأ:
عَدنا، کِلال، بِنایا، مَعَسیا، مَتَّنیا، بِصَلئیل، بِنّوی و مَنَسی.
۳۱ حاریمٚ خاندان جأ:
اِلیعزر، یِشّیا و مَلْکیا، شِمَعیا و شمعون، ۳۲ بِنیامین، مَلّوک و شِمَریا.
۳۳ حاشومٚ خاندانٚ جأ:
مَتِنای، مَتَّتَّا، زاباد، اِلیفِلِط، یِرِمای، مَنَسی و شِمعی.
۳۴ بانی خاندانٚ جأ:
مَعَدای، عَمرام، اوئیل ۳۵ بِنایا، بیدیا، کِلوهی ۳۶ وَنیا، مِرِموت، اِلیاشیب ۳۷ مَتَّنیا، مَتِنای و یَعَسو.
۳۸ بِنّوی خاندانٚ جأ: شِمعی، ۳۹ شِلِمیا، ناتان، عَدایا، ۴۰ مَکنَدِبای، شاشای، شارای، ۴۱ عَزَرئیل، شِلِمیا، شِمَریا، ۴۲ شَلّوم، اَمَریا و یوسف.
۴۳ نِبو خاندانٚ جأ:
یِعیئیل، مَتّیتیا، زاباد، زِبینا، یَدّو، یوئیل و بِنایا.
۴۴ تومامٚ اَشأن بیگانه زنأکأنٚ اَمرأ عروسی بوکوده‌بید و بعضی جٚه اوشأن، او زنأکأنٚ جأ زأیدارم بوبوسته‌بید.
Currently Selected:
عِزرا ۱۰: گیلکی (رشتی)
Highlight
Share
Copy
Want to have your highlights saved across all your devices? Sign up or sign in
© 2010-2019 Gilak Media
