SOERA ZINOENÕ 90
90
IV.
Sinoenõ 90.
I. Famasoegi wa si lõ aetoe Lowalangi, awõ wa si lõ boto niha, wa lõ anaoe nosonia ba goeli danõ. II. Fangandrõ faʼeboea dõdõ.
Fangandrõ genoni Lowalangi andrõ, Moze.
1I. He Soʼaja! Saw̃atõma ndraʼoegõ, gõtõgõtõ waʼara.
2 Me lõʼõ na si toemboe hili, me lõ niwõwõimõ na tanõ, awõ golia oeli danõ fefoe, gõtõgõtõ waʼara, ba no Lowalangi ndraʼoegõ.
3Õfoeli õbaliʼo gawoegawoe niha, ba õfoeli õw̃aʼõ: Mifaʼaso ami, ono niha! (Sangomb. 1, 4; 12, 7).
4Hoelõ zi maʼṍchõ menewi, na no noemalõ ia, si manõ chõoe zi hõnõ fache, hoelõ zangoʼõfa zi sara wongi. (Fet. II. 3, 8).
5Õhanigõ ira, fangifi irá; ba na mahemoloe mbanoea, ba hoelõ ndroeʼoe, si foeli molõndroe. (Sin. 102, 12; 103, 15. Job. 14, 2. Jes. 40, 6. 7).
6Sobowo si hoelõ wongi ba soboeloe, ba na tánõ owi, ba lataba ia ba aleoe.
7Fõnoemõ andrõ sa zi manga jaʼaga ba ba waʼabao dõdõoe andrõ tekeani ndraʼaga.
8Horõma no õbeʼe ba gamaoedoemõ, ba folaoema si lõ oroma, ba no õbe e ba haga mbawamõ andrõ.
9Tajataja sa mbongima fefoe, ba waʼabao dõdõoe andrõ; hoelõ deatea mbewe waʼanoemalõ ndrõfima andrõ.
10Faʼanaoe nosoma andrõ, ba fitoe ngafoeloe fache, ba na anaoe, ba w̃aloe ngafoeloe fache, ba si sõchinia, ba fangerege dõdõ ba famakao, si foelõi ia waʼanoemalõ, sihombo ndraʼaga. (Sangomb. 1, 3. 8).
11Ha niha zaboto ba dõdõ faʼabõlõ wõnoemõ andrõ, ba faʼabao dõdõoe andrõ, wangataʼoefi jaʼia?
12 Fahaõ ndraʼaga ba wangerai bongima, enaʼõ masõndra dõdõ satoeatoea. (Sin. 39, 5).
13II. Foeliʼõ, Jehowa: Ha lõ araʼõ! ba hachõsi tõdõ genonimõ andre.
14Hoelõ wongi aboesoiʼõ ndraʼaga faʼeboea dõdõoe andrõ, ba owoeawoea dõdõma ba omoeso dõdõma, sagõtõ jaʼaga.
15Omoesoiʼõ dõdõma, ndrohoegõ mbaw̃a, si mane me õhõndrõgõ ndraʼaga mege, ba ndrohoegõ ndrõfi, si mane me maʼila zi lõ sõchi.
16Oromaʼõ ba genonimõ halõw̃õoe andrõ, ba oromaʼõ lachõmioe ba ndraʼonora.
17Ja oroma chõma waʼasõchi dõdõ Zoʼaja, Lowalangima, chõma; tolo ndraʼaga ba halõw̃õ dangama andrõ; jaʼia, ba halõw̃õ dangama andrõ tologa!
Currently Selected:
SOERA ZINOENÕ 90: NIA
Highlight
Copy
Compare
Share
Want to have your highlights saved across all your devices? Sign up or sign in
Soera Ni’amoni’ö, Nias Bible 2009® © Indonesian Bible Society – Lembaga Alkitab Indonesia, 2009.
