SOERA ZINOENÕ 80
80
Sinoenõ 80.
Fangarõngarõ, me no awoewoe mbanoea Lowalangi andrõ: amaedola w̃ew̃e nagoe, nitanõ Lowalangi.
1Chõ doeka wanoenõ andrõ, dali: ”Ladari mbõhõ.” Famadoehoeʼõ; chõ Gasafo; oemanõ.
2 Fondrondrongo, jaʼoegõ koebalo Ndraono Gizeraëli! Jaʼoegõ solohe tanga Ndraono Josefo, nifolohe biribiri! Sidadao jaw̃a Keroebi, oromaʼõgõ!
3Oromaʼõ waʼabõlõoe tánõ fõna Ndraono Geferaji ba tánõ fõna Ndraono Mbenijami ba tánõ fõna Ndraono Manase! tologa!
4 He Lowalangi! foeli azõchi ndraʼaga, ba fohaga mbawaoe, enaʼõ aoeri ndraʼaga! (A. 7. 19).
5He Jehowa, Lowalangi ngahõnõ, heza iroegi, wa mofõnoe ndraʼoegõ, na mangandrõ mbanoeamõ?
6Atoroe daw̃a hõrõ ba gõ andrõ, nibeʼeoe chõra, õfabadoegõ chõra daw̃a hõrõ, si no fahõna. (Sin. 102, 10).
7Õbeʼe amadõniw̃a zi so ba ngaima ndraʼaga, ba laʼoʼaja ndraʼaga si faʼoedoe chõma.
8 He Lowalangi ngahõnõ, foeli azõchi ndraʼaga, ba fohaga mbawaoe, enaʼõ aoeri ndraʼaga! (A. 3. 19. Jes. 5, 1—7. Hos. 10, 1).
9W̃ew̃e nagoe no õdeha ba danõ Miseraji! no õtimba niha baero, ba no õtanõ ia.
10No õfonaha fõnania, ba mow̃aʼa ia, ibaloegõ danõ.
11Teloemõ hili chõnia, ba ibaloegõ geresi Lowalangi andrõ dahania.
12Ibologõ ndrahania, iroegi nasi ba lewiõnia, iroegi nidanõ seboea andrõ [Oifarati].
13Hana wa no õdoedoegõ gõlinia, fa lafafatõ ia dozi sanõrõ? (Sin. 89, 42).
14Isoelagõ ia laʼimbaʼimba ba gatoea, ba laʼā ia saliw̃aliw̃a ba danõ.
15He Lowalangi ngahõnõ, enaʼõ na õfoeliʼõ! Faigi moroi ba zoroego ba nehegõ, ba tolo w̃ew̃e nagoe andrõ,
16tanõmõ andrõ, nitanõ dangaoe kambõlõ, ono andrõ, niʼabeʼeʼõmõ chõoe.
17No iʼā alitõ, no lafaloʼo; ba wõnoe mbawamõ andrõ mate ira.
18Baloegõ tangaoe niha gambõlõoe andrõ, ono niha andrõ niʼabeʼeʼõmõ chõoe.
19Ba lõ farõi ndraʼaga chõoe! Orifi ndraʼaga, ba maʼangarõfi li dõimõ.
20 He Jehowa, Lowalangi ngahõnõ, foeli azõchi ndraʼaga! Fohaga mbawaoe, enaʼõ aoeri ndraʼaga. (A. 3. 7).
Currently Selected:
SOERA ZINOENÕ 80: NIA
Highlight
Copy
Compare
Share
Want to have your highlights saved across all your devices? Sign up or sign in
Soera Ni’amoni’ö, Nias Bible 2009® © Indonesian Bible Society – Lembaga Alkitab Indonesia, 2009.
