SOERA ZINOENÕ 75
75
Sinoenõ 75.
Fangandrõ saoha gõlõ, me no ihõndrõgõ zanao horõ Lowalangi.
(Faigi gõi Raz. II. 19: Sin. 46)
1Chõ doeka wanoenõ andrõ, dali: ”Bõi fakiko!” Sinoenõ; chõ Gasafo; oemanõ.
2 Maʼandrõ saoha gõlõoe, jaʼoegõ Lowalangi, maʼandrõ saoha gõlõoe, ba tenga sarõoe, dõimõ andrõ; ladoenõdoenõ zahõlihõli dõdõma andrõ chõoe! (Jes. 46, 13).
3”Oefaigi saʼae ginõtõ, oeʼohe ba waʼadõlõ hoehoeo.
4Na mangoeloe danõ, awõ zowanoea ba goelinia, fefoe, ba jaʼodo zangaroʼõ ehomonia.”
5Oemane ba zi fajaw̃a: ”Bõi misoeno ami!” ba ba zeboea horõ: ”Bõi miʼalaw̃aʼõ dandroemi!”
6Bõi miʼalaw̃aʼõ jaw̃a dandroemi; bõi milaoe hocha, wamazaw̃a bagimi.
7Tenga sa moroi ba gatoemboecha ba tenga moroi ba gaechoela ba tenga moroi ba danõ si mate iʼotarai faʼeboea.
8Lowalangi saʼae zangoehoekoe; ihõndrõgõ zi samõsa ba iʼalaw̃aʼõ jaw̃a zi samõsa. (Sam. I. 2, 7).
9So saʼae ba danga Jehowa mako soʼõsi agoe soʼotoe, no afõnoe nifaroeka andrõ, ba ifabadoegõ ba niha, ba irege wõrõwõrõnia, ba lõ tola lõ lasowo dozi seboea horõ andrõ ba goeli danõ, ba lõ tola lõ labadoe. (Sin. 60, 5).
10Ba jaʼodo, ba oedoenõdoenõ, iroegi zi lõ aetoe; oesoeno Lowalangi Jakobo andrõ.
11Ba oeʼew̃a fefoe dandroe zeboea horõ andrõ; ba ja alaw̃a jaw̃a dandroe zatoelõ tõdõ!
Currently Selected:
SOERA ZINOENÕ 75: NIA
Highlight
Copy
Compare
Share
Want to have your highlights saved across all your devices? Sign up or sign in
Soera Ni’amoni’ö, Nias Bible 2009® © Indonesian Bible Society – Lembaga Alkitab Indonesia, 2009.
