SOERA ZINOENÕ 63
63
Sinoenõ 63.
Fehoeloe dõdõ ba Lowalangi ba ba niʼamoniʼõ andrõ chõnia.
1Sinoenõ; chõ Dawido, me so ia ba danõ si mate, tanõ mado Joeda. (Sam. I. 22, 5; 23, 14; 24, 1).
2 He Lowalangi, Lowalangigoe ndraʼoegõ, oehoelõ wongi wangaloei jaʼoegõ; owõchi dõdõgoe chõoe, no sodoefodoefo lela nõsigoe, ba danõ si mate, si no okõlikõli, si lõ idanõ. (Sin. 42, 3; 143, 6).
3Si manõ wamaigigoe jaʼoegõ, ba niʼamoniʼõ andrõ, enaʼõ oeʼila waʼabõlõoe, awõ lachõmioe andrõ.
4Sõchi moroi ba waʼaoeri waʼeboea dõdõoe andrõ. Isoeno ndraʼoegõ bewegoe.
5Ba gõtõ waʼanaoe nosogoe oesoeno ndraʼoegõ, oefazaw̃a dangagoe ba dõimõ andrõ.
6Hoelõ niʼaboesoiʼõ oeto dõla ba tawõ dõdõgoe, ba manoenõ mbawagoe, maʼiki mbewegoe.
7 Na itõrõ tõdõgoe ndraʼoegõ ba gasogoe; oefatooetooe tõdõgoe ndraʼoegõ ba zi bongi.
8Fanologoe saʼae ndraʼoegõ, ba ba loemõ gafioe andrõ maʼiki ndraʼodo.
9Lõ ibõhõli ndraʼoegõ tõdõgoe; itoewoe ndraʼodo tangaoe kambõlõ.
10Ba jaʼira, sangaloei nosogoe, ba wamakiko jaʼodo, ba ba wondrege gohokoho danõ nahara dania.
11Ba mbawa ziʼõli tetooeʼõ ira, ba õ nasoe anaʼa ira dania.
12Ba omoeso dõdõ razo ba chõ Lowalangi; lasoeno ira dozi si fahõloe ba chõnia; tefaʼafoe saʼae mbawa zolaoe faja.
Currently Selected:
SOERA ZINOENÕ 63: NIA
Highlight
Copy
Compare
Share
Want to have your highlights saved across all your devices? Sign up or sign in
Soera Ni’amoni’ö, Nias Bible 2009® © Indonesian Bible Society – Lembaga Alkitab Indonesia, 2009.
