SOERA ZINOENÕ 60
60
Sinoenõ 60.
Fangandrõ femõna ba nemali, si no tõra faʼabõlõ.
1Chõ doeka wanoenõ andrõ, dali: ”Ladari mbõhõ ba wamadoehoeʼõ;” oemanõ; chõ Dawido; famahaõ,
2me fasoewõ ia ba Ndrawa Ziria ba Mezofatamia ba ba Zoba, me mangawoeli Joabi, me iʼalani Ndraono Gedomo ba ndraso nasio, si felendroea ngahõnõ. (Sin. 44. Sam. II. 8, 3. 13 b. t.; 10, 13. 18).
3 He Lowalangi, no õtiboʼõ ndraʼaga, no õfazawiliga; sofõnoe ndraʼoegõ; ohe mangawoeli ndraʼaga.
4No õfahisi danõ, no õfabali; fadõhõ zasilania, hoemeoe saʼae.
5Faʼabeʼe niʼoromaʼõoe ba mbanoeaoe andrõ: no õfabadoegõ chõma nagoe, salimboeanõ ndraʼaga. (Jes. 51, 17. 22).
6Ba ba zangataʼoefi jaʼoegõ, ba no õbeʼe dandra, enaʼõ lafazaw̃a ira, bõrõ zi doehoe andrõ. (Sin. 20, 6).
(A. 60, 5—12: Sin. 108, 7—14)
7Ba enaʼõ aoeri zomasi ndraʼoegõ, ba tologa tangaoe kambõlõ ba fondrondrongo chõma.
8No moehede Lowalangi, ba waʼohaoehaoenia andrõ: Sowoeawoea tõdõ ndraʼodo, oefosasi Zichema ba oesoeʼa ndraso Zoekota.
9Chõgoe mado Gileadi, ba chõgoe mado Manase; nõoegoe ba hõgõgoe mado Geferaji ba siʼo zalaw̃a chõgoe mado Joeda. (Moz. I. 49, 10).
10Naha wanasa chõgoe Ndraono Moabi, ba Ndraono Gedomo oefazaoemba mbadagahegoe, ba sowoeawoea tõdõ ndraʼoegõ chõgoe, jaʼoegõ tanõ Ndrawa Wilisiti.
11Ha niha zolohe jaʼodo ba mbanoea saro? Ha niha zamasao jaʼo, iroegi ba Ndraono Gedomo?
12Hadia, tenga jaʼoegõ zaniboʼõ jaʼaga, Lowalangi, ba si lõ mõi awõ zanoewõ andrõ chõma, jaʼoegõ Lowalangi?
13Tologa, ba zanasagõ jaʼaga andrõ; faja saʼae wangorifi ba niha!
14Na awõ Lowalangi, ba malaoe, nifolaoe zabõlõ; jaʼia zi hoendragõ tooe sanasagõ jaʼaga.
Currently Selected:
SOERA ZINOENÕ 60: NIA
Highlight
Copy
Compare
Share
Want to have your highlights saved across all your devices? Sign up or sign in
Soera Ni’amoni’ö, Nias Bible 2009® © Indonesian Bible Society – Lembaga Alkitab Indonesia, 2009.
