SOERA ZINOENÕ 16
16
Sinoenõ 16.
I. Faʼohahaoe dõdõ zi lõ mamõhõli Lowalangi. II. Famaʼeleʼõ femaoso Keriso dania.
1I. Timba chõgoe zi lõ sõchi, Lowalangi, chõoe oedõnadõna!
2Oemane chõ Jehowa: Jaʼoegõ Zoʼaja jaʼo; lõ si sõchi chõgoe, baerooe! (Sin. 73, 25).
3Niʼamoniʼõ andrõ, si so ba danõ, daʼõ zoadoe, somasido, oi so waʼomasigoe.
4Oja ngawalõ waʼafõchõ ba zoloʼõ Lowalangi bõʼõ; lõ edõnado oebeʼe zoemange nibadoe andrõ chõra, do andrõ, ba lõ edõnado oetõtõi dõira bewegoe.
5Jehowa goerachagoe ba õsi makogoe andrõ; õʼabeʼeʼõ dahõdahõ andrõ chõgoe. (Ngen. Jer. 3, 24).
6Ba wondrege zomasi ita gõna wanoeʼa andrõ chõgoe, ba somasido dána chõgoe andrõ.
7Oesoeno Jehowa, si no mamolala tõdõgoe, ba ba zi bongi ifarooe ndraʼo boeagoe. (Sin. 4, 5; 17, 3).
8II. No oebeʼe ba gametahõgoe Jehowa, si lõ mamalõmalõ: na so ia ba gambõlõgoe, ba lõ mangiwa ndraʼo.
9Andrõ omoeso dõdõgoe, ba maʼiki lachõmigoe andrõ, ba õsigoe gõi molombase, lõ hadia ia. (Moz. I. 49, 6).
10 Lõʼõ sa õloeloe ba mbanoea tooe nosogoe ba lõ õtehe, iʼila satoelõ tõdõ andrõ chõoe waʼobooe barõ danõ. (Hal. zin. 2, 25—32; 13, 35—37).
11 Õfarongogõ chõgoe lala ba waʼaoeri andrõ: ahonoa waʼomoeso dõdõ fõnaoe ba somasi ita ba gambõlõoe, si lõ aetoe.
Currently Selected:
SOERA ZINOENÕ 16: NIA
Highlight
Share
Compare
Copy
Want to have your highlights saved across all your devices? Sign up or sign in
Soera Ni’amoni’ö, Nias Bible 2009® © Indonesian Bible Society – Lembaga Alkitab Indonesia, 2009.
