SOERA ZINOENÕ 14
14
Sinoenõ 14.
I. Fangarõngarõ Dawido, ba waʼeloengoe niha. II. Fangoehoekoe seboea horõ; faʼomoeso dõdõ zatoelõ.
Chõ doeka wanoenõ andrõ. Chõ Dawido.
1I. No iwaʼõ tõdõnia sambõ tõdõ: ”Lõ Lowalangi!” Famakiko, sogoro ita, wolaoera; samõsa lõʼõ, solaoe si sõchi.
2No ifaigi Jehowa nono niha, moroi ba zoroego, ba wamaigi, na so zatoeatoea, na so zangaloei Lowalangi, mato samõsa. (Sin. 33, 13).
3No ahori fabali ira, no dozi tekiko, alõsoe lõ solaoe si sõchi, samõsa lõʼõ. (Moz. I. 6, 12. Rom. 3, 10—12).
4Hadia, lõ faʼaboto ba dõdõ chõra fefoe, solaoe si lõ sõchi, si manga mbanoeagoe andrõ, nifemanga roti? Lõ laʼangarõfi li Lowalangi. (Mich. 3, 3).
5II. Ba ihawoei ira faʼataʼoe, so sa Lowalangi ba niha satoelõ tõdõ andrõ.
6Hana na miʼigiʼigiʼõ geraʼera zahachõ dõdõda andrõ, me no saw̃atõnia Jehowa. (Sin. 12, 6).
7 Enaʼõ na iroegi Ndraono Gizeraëli fangorifi andrõ, si oroi Ziona! Na iʼefaʼõ Jehowa mbanoeania andrõ, ba maʼiki Ndraono Jakobo, ba somoeso tõdõ Ndraono Gizeraëli.
Currently Selected:
SOERA ZINOENÕ 14: NIA
Highlight
Share
Compare
Copy
Want to have your highlights saved across all your devices? Sign up or sign in
Soera Ni’amoni’ö, Nias Bible 2009® © Indonesian Bible Society – Lembaga Alkitab Indonesia, 2009.
