SOERA ZINOENÕ 120
120
Sinoenõ 120.
Fangarõngarõ ba zanandraw̃a andrõ, ba danõ niha bõʼõ.
Sinoenõ ba weʼamõi misi jaw̃a.
1 No oeʼangarõfi li Jehowa, ba waʼaboe dõdõgoe andrõ, ba no ifondrondrongo chõgoe.
2He Jehowa, efaʼõ ndraʼodo ba mbewe andrõ, sofaja, ba ba lela si falimo!
3Hadia nilaoe lela si falimo chõoe, ba hadia ninõnõnia chõoe?
4Ono wana ba zabõlõ niʼatarõsi, ba bo galitõ, ba manaze.
5Alai ndraʼo, me no si fatewoe ba Mesechi ndraʼodo, me ba nose Gedara sodo!
6No abõlõ ara ndraʼodo ba zi faʼoedoe ba waʼatoelõ!
7Satoelõ ndraʼo, ba na moehededo, ba lasaoʼõ wasõndrata.
Currently Selected:
SOERA ZINOENÕ 120: NIA
Highlight
Copy
Compare
Share
Want to have your highlights saved across all your devices? Sign up or sign in
Soera Ni’amoni’ö, Nias Bible 2009® © Indonesian Bible Society – Lembaga Alkitab Indonesia, 2009.
