SOERA ZINOENÕ 12
12
Sinoenõ 12.
I. Fangarõngarõ ba waʼataja waʼatoelõ, awõ wa lõ farõi. II. Fangandrõ ba Lowalangi ba fanõtõna fanolo.
1Chõ doeka wanoenõ andrõ; lala si w̃aloe. Sinoenõ; chõ Dawido.
2I. Tolo, Jehowa, noa sa ahori zatoelõ, noa saʼae taja zi lõ farõi andrõ, ba nono niha.
3Lalaoe waja, zamõsana chõ nawõnia; lahaogõhaogõ bewera ba doea dõdõra, na moehede ira.
4Enaʼõ na ihori Jehowa dozi bewe si haogõhaogõ fehede faja, awõ lela, solaoe hocha.
5Sangoemaʼõ: ”Ba lelama abõlõ ndraʼaga; itolo ndraʼaga bewema; ha niha Zoʼaja jaʼaga?” (Sin. 73, 8. 9).
6II. Bõrõ me tefalangõgõ zahachõ dõdõda ba fangarõngarõ zi noemana, wa oefazaw̃a ndraʼo, iw̃aʼõ Jehowa, edõna oeʼorifi zihoeloe tõdõ ba daʼõ.
7Taroma li sohaoehaoe daroma li Jehowa andrõ, firõ, si no moechozi ba mbalanga ba danõ, no mewitoe techozi. (Sin. 19, 9).
8Jaʼoegõ Jehowa zanaro jaʼaga, õtimba chõma niha andrõ, iroegi zi lõ aetoe.
9No tefasoei ndraʼaga seboea horõ, na mõna wa lõ ngaroro ba nono niha. (Amaed. 28, 12).
Currently Selected:
SOERA ZINOENÕ 12: NIA
Highlight
Share
Compare
Copy
Want to have your highlights saved across all your devices? Sign up or sign in
Soera Ni’amoni’ö, Nias Bible 2009® © Indonesian Bible Society – Lembaga Alkitab Indonesia, 2009.
