SOERA ZINOENÕ 115
115
Sinoenõ 115.
I. Fangeboea tõi Lowalangi. Faja nadoe andrõ. II. Famarooe tõdõ ba wanõtõna chõ Lowalangi ba ba wanoeno jaʼia.
1I. Bõi beʼe nifosoemange ndraʼaga, Jehowa, bõi jaʼaga, ha tõimõ andrõ nifosoemange, bõrõ waʼeboea dõdõoe ba faʼadoehoemõ andrõ.
2Hana wa tola law̃aʼõ niha baero: ”Heza atṍ so Lowalangira?” (Sin. 42, 4).
3Ba ba zoroego so Lowalangima, hadia zomasi ia, fefoe, ba iwõwõi.
(A. 115, 4—11: Sin. 135, 15—20)
4Adoerā andrõ, ba no firõ ba anaʼa, nifazõchi danga niha. (Moz. V. 4, 28. Jes. 44, 9—20).
5Mobawa, ba lõ moehede; mohõrõ, ba lõ laʼila niha.
6Motõgi dalinga, ba lõ larongo li niha; moʼichoe, ba lõ laʼago hadia ia.
7Lõ lababaja hadia ia tangara; lõ laʼofanõʼõ gahera; ba lõ hedehedera ba dõlõtõlõra.
8Ba no fagõlõgõlõ chõra zamazõchi jaʼira, awõ dozi sanõtõna chõra.
9II. Chõ Jehowa manõtõna ami, jaʼami Iraono Gizeraëli! Jaʼia wangorifira ba baloesera. (Sin. 118, 2).
10Jaʼami ma oewoe Gaʼaroni, chõ Jehowa manõtõna ami! Jaʼia wangorifira ba baloesera. (Sin. 118, 3).
11Jaʼami, sangataʼoefi Jehowa, chõ Jehowa manõtõna ami! Jaʼia wangorifira ba baloesera. (Sin. 118, 4).
12No itõrõ tõdõ Jehowa ita, ifahowoeʼõ ita. Ifahowoeʼõ maʼoewoe Gizeraëli, ifahowoeʼõ maʼoewoe Gaʼaroni.
13Ifahowoeʼõ zangataʼoefi Jehowa andrõ, he iraono ba he satoea.
14Jamoenõnõ ami Jehowa, jaʼami ba iraonomi.
15Nifahowoeʼõ Jehowa ami, nifahoewoeʼõ Jehowa andrõ, samazõchi banoea, awõ danõ.
16Banoea si jaw̃a andrõ, ba no banoea Jehowa; ba tanõ andre, ba no ibeʼe ba nono niha.
17Si no mate, ba lõ lasoeno Jehowa, ba si manõ gõi dozi silalõ mitooe ba zahono ira. (Sin. 6, 6. Jes. 38, 18).
18Ba jaʼita, ba no sanoeno Jehowa, iʼotarai daʼe ba iroegi zi lõ aetoe. Haleloeja!
Currently Selected:
SOERA ZINOENÕ 115: NIA
Highlight
Copy
Compare
Share
Want to have your highlights saved across all your devices? Sign up or sign in
Soera Ni’amoni’ö, Nias Bible 2009® © Indonesian Bible Society – Lembaga Alkitab Indonesia, 2009.
