SOERA ZINOENÕ 112
112
Sinoenõ 112.
Faʼohahaoe dõdõ zatoelõ tõdõ, si ndroehoendroehoe.
1 Haleloeja! Ja ahowoe niha sangataʼoefi Lowalangi, somasi sibai oroisania andrõ! (Sin. 1, 1).
2Sabõlõ ba goeli danõ dania maʼoewoenia, ba seboea howoehowoe dania ngaʼõtõ zadõlõ tõdõ. (Amaed. 20, 7).
3So baomo chõra mbalazo ba anaʼa; ba faʼatoelõra, ba lõ teboelõ, iroegi zi lõ aetoe.
4Ba zadõlõ todõ andrõ, ba toemboe haga ba daloe zogõmigõmi; seboea tõdõ ba sahachõ tõdõ ba satoelõ. (Sin. 37, 6).
5Ja ahowoe niha sahachõ tõdõ ba sameʼe nifalali! Lõ teʼala ia ba hoehoeo nifatoenõ. (Sin. 41, 2).
6Lõʼõ sa mangiwa ia, iroegi zi lõ aetoe; gõtõgõtõ waʼara lõ olifoe niha zatoelõ andrõ.
7Lõ tokea ia, na irongo doeria si lõ sõchi; abeʼe dõdõnia, manõtõna chõ Jehowa.
8Aró dõdõnia; lõ ataʼoe ia, irege omoeso dõdõnia, na iʼila zi gõna si faʼoedoe chõnia. (Sin. 91, 8).
9Mamazaewe ia, mameʼe ameʼela ba zi noemana; si lõ mamalõmalõ waʼatoelõnia; alaw̃a dandroenia, motoeria. (Kor. II. 9, 9).
10Iʼila seboea horõ, ba lõ sõchisõchi dõdõnia: ifatangi mbohania ba ariri; ba waja aechoe wangisõ zeboea horõ. (Sin. 35, 16).
Currently Selected:
SOERA ZINOENÕ 112: NIA
Highlight
Copy
Compare
Share
Want to have your highlights saved across all your devices? Sign up or sign in
Soera Ni’amoni’ö, Nias Bible 2009® © Indonesian Bible Society – Lembaga Alkitab Indonesia, 2009.
