SOERA ZINOENÕ 103
103
Sinoenõ 103.
Fanoeno Lowalangi, me no seboea tõdõ ba mo sahachõ tõdõ.
Chõ Dawido.
1 Soeno Jehowa, jaʼoegõ tõdõgoe, ba hadia ia zi so bacha ba dõdõgoe, fefoe, ba jamoesoeno dõinia niʼamoniʼõ andrõ!
2 Soeno Jehowa, jaʼoegõ tõdõgoe, ba bõi olifoegõʼõ zi sõchi andrõ, fefoe, nibeʼenia chõoe.
3 Sameʼe aefa chõoe lalõoe fefoe, ba samadõhõ fõchõoe fefoe. (Sin. 32, 1).
4 Sangefaʼõ nosooe ba waʼatekiko, samotakoela jaʼoegõ faʼeboea dõdõ ba faʼahachõ dõdõ. (Sin. 5, 13).
5Sangaboesoiʼõ si sõchi jaʼoegõ ba waʼatoeamõ; tebohooeni waʼono matoea chõoe, hoelõ ba mojo. (Jes. 40, 31).
6Sateolõ ilaoe Jehowa, ba iʼohe ba lala hoehoeo nifakao, fefoe.
7No ifarongogõ chõ Moze lala andrõ chõnia, ba no iʼoromaʼõ ba Ndraono Gizeraëli wolaoenia andrõ, seboea. (Moz. II. 33, 13).
8 Sahachõ tõdõ Jehowa ba seboea tõdõ; ebolo sibai dõdõnia ba no obõwõ sibai ia. (Moz. II. 34, 6. Sin. 86, 15).
9Tenga si lõ mamalõmalõ watahisania, ba fõnoenia, ba tenga si lõ aetoe. (Jes. 57, 1).
10 Lõ nibeʼenia dali horõda ba lõ nisoelõninia chõda olalõw̃ada.
11 Si mane faʼalaw̃a mbanoea si jaw̃a sa, jaw̃a danõ, si manõ waʼeboea dõdõnia ba zangataʼoefi jaʼia. (Sin. 36, 6).
12 Si mane otaloeara gatoemboecha gaechoela, si manõ waʼeboea gotaloeada lalõda ibeʼe.
13 Si mane faʼahachõ dõdõ nama nononia, si manõ waʼahachõ dõdõ Jehowa zangataʼoefi jaʼia.
14Iʼila sa gamoeatada, jaʼita nifazõchinia; itõrõ tõdõnia, wa no gawoegawoe ita. (Job. 10, 9. Moz. I. 2, 7; 3, 19).
15Noso niha andrõ, ba no hoelõ ndroeʼoe ba danõ; mobowo ia, hoelõ mbowo ndroeʼoe ba mbenoea. (Sin. 90, 5. 6. Fet. I. 1, 24. 25).
16Na itõrõ angi, ba lõ jaʼia saʼae, ba lõʼõ saʼae iʼila ia nahania andrõ.
17Ba faʼeboea dõdõ Jehowa andrõ, ba gõtõgõtõ waʼara, ba zangataʼoefi jaʼia; ba faʼatoelõ dõdõnia andrõ, ba iroegi maʼoewoe. (Ngen. Jer. 3, 22. Loek. 1, 50).
18Ba zi lõ mamõhõi fawoeʼoesa li andrõ chõnia ba ba zi lõ olifoe oroisania, ba woloʼõ jaʼia.
19Jehowa andrõ, ba no ifazõchi dadaomania ba zoroego, ba faʼasalaw̃ania andrõ, ba iroegi fefoe hadia ia.
20Misoeno Jehowa, jaʼami malaʼikania, jaʼami sabõlõ, samaloea niw̃aʼõnia, woloʼõ taroma linia andrõ! (Sin. 29, 1. Dan. 7, 10).
21Misoeno Jehowa, jaʼami, sato chõnia, enoninia, samaloea somasi ia.
22Misoeno Jehowa, jaʼami nifazõchinia fefoe, fefoe gofoe heza, ba gamatõrõw̃ania. Soeno Jehowa, jaʼoegõ tõdõgoe! (Sin. 148).
Currently Selected:
SOERA ZINOENÕ 103: NIA
Highlight
Copy
Compare
Share
Want to have your highlights saved across all your devices? Sign up or sign in
Soera Ni’amoni’ö, Nias Bible 2009® © Indonesian Bible Society – Lembaga Alkitab Indonesia, 2009.
