SOERA GESITERA FAZA 6.
FAZA 6.
I. Itõrõ tõdõ razo wanolo Morodochai jaʼia. Niw̃aʼõ Hamano. II. Ifosoemange Morodochai Hamano. Faʼaboe dõdõnia ba daʼõ.
1I. Ba ba zi bongi andrõ, ba lõ alaoe hõrõ razo. Ba iʼoroiʼõ zoera hikaja, ba labaso chõnia. 2Ba lasõndra, wa no moetanõ ba zoera andrõ, wa no iʼombachaʼõ Morodochai, me laboenoe enaʼõ razo Ahasiwero enoni jomo andrõ chõ razo, si daroea, Bigitana ba Teresi, sanaro ba mbawandroehõ. 3Ba imane razo: Hadia mege nibeʼe ba daʼõ chõ Morodochai soemange ba si sõchi? Ba lamane ngoningoni razo: 4Lõ moebeʼe hadia ia. Ba imane razo: Ha niha ba golajama? No iroegi sibai golajama tánõ baero ba gõdo razo Hamano, ba wangandrõ chõ razo, enaʼõ lataw̃i Morodochai, ba gatoenga andrõ, nifalaoeʼõnia chõnia. 5Ba lamane chõ razo ngoningoninia: Hamano zi so ba golajama. Ba imane razo: Jamõi jomo! 6Ba mõi jomo Hamano, ba imane chõnia razo: He lawisa ba niha somasi razo ifosoemange? Ba imane dõdõnia Hamano: Ha niha zomasi razo ifosoemange, na tenga jaʼodo? 7Ba imane chõ razo: Na so zomasi razo ifosoemange, 8ba ndramoehalõ mbaroe razo, niʼobaroe razo mege. Awõ koedo, niʼokoedo razo, nifanaemboe saemboe chõ razo, 9ba ndramoebeʼe ba danga nawõ razo salaw̃a mbaroe andrõ, awõ koedo, enaʼõ labeʼe baroe niha andrõ, somasi razo ifosoemange, ba enaʼõ lafakoedo ia ba koedo andrõ, ba lafanõrõnõrõ ba newali, ba ndra moeʼao fõnania: Daʼe nilaoe ba niha, somasi razo ifosoemange! (Moz. I. 41, 43).
10II. Ba imane razo chõ Hamano: Taʼitaʼi halõ mbaroe andrõ, awõ koedo si mane niw̃aʼõoe, ba laoe daʼõ chõ Morodochai, niha Jehoeda andrõ, sidaodao ba zinga mbawa gõli chõ razo; bõi ambõsi niw̃aʼõoe andrõ, fefoe! 11Ba ihalõ mbaroe andrõ Hamano, awõ koedo, ifobaroe Morodochai ba ifakoedo ba ifanõrõnõrõ ba newali ba moeʼao ia fõnania, imane: Si mané wolaoe ba niha, somasi razo ifosoemange! 12Ba ifoeli ia ba zinga mbawa gõli chõ razo Morodochai. Ba foelõi Hamano, isaw̃a chõra, no aboe dõdõnia ba no ibaloegõ hõgõnia. (Sam. II. 15, 30). 13Ba itoenõ chõ woʼomonia Seresi ba ba zi fahoewoe chõnia daʼõ no mege fefoe. Ba lamane chõnia satoeatoea andrõ chõnia: Na iwa niha Jehoeda Morodochai andrõ — me no ibõrõtaigõ ahõndrõ ndraʼoegõ fõnania — ba tebai õlaw̃a ia, ba tobali aloea manõ ahõndrõ ndraʼoegõ chõnia. 14Ba lõ saetoe hoehoeora na, ba so genoni razo, samangaõsõ Hamano ba gõ andrõ, nihalõ Gesitera.
Currently Selected:
SOERA GESITERA FAZA 6.: NIA
Highlight
Copy
Compare
Share
Want to have your highlights saved across all your devices? Sign up or sign in
Soera Ni’amoni’ö, Nias Bible 2009® © Indonesian Bible Society – Lembaga Alkitab Indonesia, 2009.