Apocalipsis 8
8
Röllucho ganchis caj lagaraycaj sërata Cashni uysha jorgushan
1Röllucho ganchis caj lagaraycaj sërata Cashni uysha jorguriptinmi syëlucho media örano chunyacäcuran.
2Chaypita ricarä Tayta Diospa ñaupancho ganchis anjilcuna ichirpaycajta. Paycunaga cada-ünun trompëtata chasquiran.
3Chaypita juc anjilga altar cajman chayaran goripita rurasha insinsu rupachicunan aptasha. Chaychömi achca insinsuta chasquiran rupachinanpaj.#Éxo. 30.1, 3 Chaytami churaran Tayta Diospa ñaupancho caycaj gori altarman. Rupachiptin goshtaywan tallushami caycaran Tayta Diosman yäracojcuna mañacushancunapis.#Sal. 141.2; Apoc. 5.8 4Anjil goshtachiptin yäracojcuna mañacushanga insinsupa goshtayninwan Tayta Diosman chayaran.
5Insinsu rupachicunanman chay anjil wiñaran altarcho caycaj shanshata. Chay shanshata cay pachaman jitaramuptin#Lev. 16.12; Eze. 10.2 achicyaypa achicyar illguran. Räyupis junruruypa junrururan. Timlurpis fiyupa caran.#Éxo. 19.16; Apoc. 11.19; 16.18
Chuscu anjilcuna trompëtata tucamushan
6Trompëtata chasquej ganchis anjilcunami tucananpaj camaricuran.
7Rimir caj anjil trompëtata tucaptin yawarwan nina tallusha runtu tamya#Éxo. 9.23-25; Eze. 38.22 cay pachaman tamyamuran. Chaura cay pachacho cajtaga pullanpita mastami ruparan yöracunatawan guewatapis.
8Ishcay caj anjilna trompëtata tucamuptin lamarman jatuncaray jirca rataycar tunimuran. Chaymi lamarga pullanpita mas yawarman ticraran.#Éxo. 7.17-21 9Chaura pullanpita masmi lamarcho cajcuna wañuran. Pullanpita masmi büquicunapis ushacaran.
10Quimsa caj anjil trompëtata tucamuptin jatuncaray ratataycaj goyllar shicwamuran.#Isa. 14.12 Mayucunamanga pullan masman chayaran. Yacu pashtajcunamanpis pullan masmanmi chayaran. 11Goyllarpa jutenga caran Ashgaj. Chaymi cay pachacho waquin yacu ashgaj ricacuran.#Jer. 9.15; 23.15 Ashgaj yacuta upur achcaj runacunami wañuran.
12Chuscu caj anjil trompëtata tucamuptin intipis quillapis gueshyaran. Waquin goyllarcunapis mana achicyarannachu. Chaymi intipis, quillapis goyllarcunapis pullanpita mas mana achicyarannachu.#Éxo. 10.21-23; Isa. 13.10; Eze. 32.7; Joel 2.10, 31; 3.15 Junajpa y chacaypapis manana sumaj achicyarannachu.
13Chaypitanami ricarä juc anca altupa tumaycashancho cayno nimojta: «Ay, ay, ay cay pachacho cajcuna imanöraj canga guepa caj quimsan anjilcuna chararaycashan trompëtata tucamuptin.»
Currently Selected:
Apocalipsis 8: qub
Highlight
Copy
Compare
Share
Want to have your highlights saved across all your devices? Sign up or sign in
© 2010, Wycliffe Bible Translators, Inc. All rights reserved. In cooperation with Asociación Cristiana JAWCA.
