ܡܙܡܘܪ̈ܐ 149 (ܩܡܛ)
149 (ܩܡܛ)
1ܗܲܠܸܠܘܼܝܵܐ،
ܙܡܘܿܪܘܼܢ ܠܡܵܪܝܵܐ ܙܡܵܪܬܵܐ ܚܲܕܬܵܐ،
ܬܸܫܒܘܿܚܬܹܗ ܒܟܸܢܫܵܐ ܕܙܲܕܝܼܩܹ̈ܐ.
2ܚܵܕܹܐ ܝܼܣܪܵܝܹܠ ܒܥܵܒ݂ܕܵܢܹܗ،
ܒܢܲܝ̈ ܨܸܗܝܘܿܢ ܦܵܨܚܝܼ ܒܡܲܠܟܲܝܗܝ.
3ܫܲܒܚܝܼ ܠܫܸܡܹܗ ܒܪܸܩܕܵܐ،
ܒܦܠܲܓܵܐ ܘܟܸܢܵܪܵܐ ܙܵܡܪܝܼ ܐܸܠܹܗ.
4ܣܵܒܵܒ ܟܹܐ ܒܵܣܡܵܐ ܠܹܗ ܡܵܪܝܵܐ ܒܥܲܡܹܗ،
ܟܹܐ ܫܲܦܪܸܢ ܠܡܸܣܟܹܢܹ̈ܐ ܒܦܘܼܪܩܵܢܵܐ.
5ܦܵܨܚܝܼ ܙܲܕܝܼܩܹ̈ܐ ܒܐܝܼܩܵܪܵܐ،
ܡܲܩܘܸܚܝܼ ܥܲܠ ܫܘܝܼܵܬܲܝ̈ܗܝ.
6ܪܘܼܡܪܵܡܵܐ ܕܐܲܠܵܗܵܐ ܗܵܘܹܐ ܒܒܵܠܘܿܥܬܲܝܗܝ،
ܘܣܲܝܦܵܐ ܕܬܪܹܝ ܦܘܼܡܵܢܹ̈ܐ ܒܐܝܼܕܲܝܗܝ،
7ܠܸܥܒ݂ܵܕܵܐ ܬܘܼܥܠܵܐ ܒܐܸܡܘܵܬܹ̈ܐ،
ܬܲܥܠܲܡܝܵܬܹ̈ܐ ܒܥܲܡܡܹ̈ܐ.
8ܠܹܐܣܵܪܵܐ ܡܲܠܟܲܝ̈ܗܝ ܒܫܹܫܠܵܬܹ̈ܐ،
ܘܡܝܘܼܩܪ̈ܲܝܗܝ ܒܩܵܘܕܹ̈ܐ ܕܦܪܸܙܠܵܐ.
9ܠܸܥܒ݂ܵܕܵܐ ܒܝܼܲܝܗܝ ܕܝܼܘܵܢ ܕܝܼܠܵܗ̇ ܟܬܝܼܒ݂ܬܵܐ–
ܣܸܩܠܵܐ ܝܠܹܗ ܠܟܠܲܝܗܝ ܙܲܕܝܼܩܘܼ̈ܗܝ.
ܗܲܠܸܠܘܼܝܵܐ.
Currently Selected:
ܡܙܡܘܪ̈ܐ 149 (ܩܡܛ): ABTAB
Highlight
Share
Copy
Want to have your highlights saved across all your devices? Sign up or sign in
Aramaic Bible Translation Assyrian Bible © 2025 Aramaic Bible Translation