ܡܙܡܘܪ̈ܐ 136 (ܩܠܘ)
136 (ܩܠܘ)
1ܫܲܟܪܘܼܢ ܠܡܵܪܝܵܐ ܣܵܒܵܒ ܛܵܒ݂ܵܐ ܝܠܹܗ،
ܣܵܒܵܒ ܠܥܵܠܲܡ ܝܼܠܵܗ̇ ܫܵܦܵܩܲܬܹܗ.
2ܫܲܟܪܘܼܢ ܠܐܲܠܵܗܵܐ ܕܐܲܠܵܗܹ̈ܐ،
ܣܵܒܵܒ ܠܥܵܠܲܡ ܝܼܠܵܗ̇ ܫܵܦܵܩܲܬܹܗ.
3ܫܲܟܪܘܼܢ ܠܡܵܪܵܐ ܕܡܵܪ̈ܵܘܵܬܹܐ،
ܣܵܒܵܒ ܠܥܵܠܲܡ ܝܼܠܵܗ̇ ܫܵܦܵܩܲܬܹܗ.
4ܠܥܵܒ݂ܕܵܢܵܐ ܕܕܘܼܡܵܪܹ̈ܐ ܓܘܼܪܹ̈ܐ ܒܢܲܦ̮ܫܹܗ،
ܣܵܒܵܒ ܠܥܵܠܲܡ ܝܼܠܵܗ̇ ܫܵܦܵܩܲܬܹܗ.
5ܠܗ̇ܘ ܕܥܒ݂ܝܼܕ ܠܹܗ ܫܡܲܝܵܐ ܒܦܲܪܡܵܝܬܵܐ،
ܣܵܒܵܒ ܠܥܵܠܲܡ ܝܼܠܵܗ̇ ܫܵܦܵܩܲܬܹܗ.
6ܠܗ̇ܘ ܕܦܪܝܼܣܵܐ ܠܹܗ ܐܲܪܥܵܐ ܥܲܠ ܡ̈ܝܼܵܐ،
ܣܵܒܵܒ ܠܥܵܠܲܡ ܝܼܠܵܗ̇ ܫܵܦܵܩܲܬܹܗ.
7ܠܗ̇ܘ ܕܥܒ݂ܝܼܕ ܠܹܗ ܢܲܗܝܼܪܹ̈ܐ ܓܘܼܪܹ̈ܐ،
ܣܵܒܵܒ ܠܥܵܠܲܡ ܝܼܠܵܗ̇ ܫܵܦܵܩܲܬܹܗ.
8ܫܸܡܫܵܐ ܠܗܲܟܘܼܡܹܐ ܒܐܝܼܡܵܡܵܐ،
ܣܵܒܵܒ ܠܥܵܠܲܡ ܝܼܠܵܗ̇ ܫܵܦܵܩܲܬܹܗ.
9ܣܲܗܪܵܐ ܘܟܵܘܟ݂ܒܹ̈ܐ ܠܗܲܟܘܼܡܹܐ ܒܠܲܝܠܹܐ،
ܣܵܒܵܒ ܠܥܵܠܲܡ ܝܼܠܵܗ̇ ܫܵܦܵܩܲܬܹܗ.
10ܠܗ̇ܘ ܕܡܚܹܐ ܠܹܗ ܠܒܘܼܟ݂ܪܹ̈ܐ ܕܡܸܨܪܹܝܢ،
ܣܵܒܵܒ ܠܥܵܠܲܡ ܝܼܠܵܗ̇ ܫܵܦܵܩܲܬܹܗ.
11ܘܦܘܼܠܸܛ ܠܹܗ ܝܼܣܪܵܝܹܠ ܡ̣ܢ ܓܵܘܲܝܗܝ،
ܣܵܒܵܒ ܠܥܵܠܲܡ ܝܼܠܵܗ̇ ܫܵܦܵܩܲܬܹܗ.
12ܒܐܝܼܕܵܐ ܙܲܪܒܵܢܬܵܐ ܘܒܕܪܲܥܢܵܐ ܦܘܼܫܛܵܐ،
ܣܵܒܵܒ ܠܥܵܠܲܡ ܝܼܠܵܗ̇ ܫܵܦܵܩܲܬܹܗ.
13ܠܗ̇ܘ ܕܦܘܼܠܸܥ ܠܹܗ ܝܵܡܵܐ ܕܣܘܿܦ#136:13 ܥܸܒ݂ܪܵܐܝܼܬ ܒܡܲܥܢܵܝܵܐ: ܝܵܡܵܐ ܕܙܹܠܹ̈ܐ، ܘܦܝܼܫܬܵܐ ܝ݇ܕܝܼܥܬܵܐ ”ܝܵܡܵܐ ܣܡܘܿܩܬܵܐ“ ܒܝܲܕ ܐܲܨܲܚܬܵܐ ܝܵܘܢܵܝܬܵܐ. ܠܬܪܹܝ،
ܣܵܒܵܒ ܠܥܵܠܲܡ ܝܼܠܵܗ̇ ܫܵܦܵܩܲܬܹܗ.
14ܘܡܘܼܥܒܸܪܹܗ ܝܼܣܪܵܝܹܠ ܡܓܵܘܘܼܗ̇،
ܣܵܒܵܒ ܠܥܵܠܲܡ ܝܼܠܵܗ̇ ܫܵܦܵܩܲܬܹܗ.
15ܘܛܪܝܼܦ ܠܹܗ ܠܦܸܪܥܘܿܢ ܘܠܚܲܝܠܵܘܵܬܹ̈ܗ ܒܝܵܡܵܐ ܕܣܘܿܦ#136:15 ܥܸܒ݂ܪܵܐܝܼܬ ܒܡܲܥܢܵܝܵܐ: ܝܵܡܵܐ ܕܙܹܠܹ̈ܐ، ܘܦܝܼܫܬܵܐ ܝ݇ܕܝܼܥܬܵܐ ”ܝܵܡܵܐ ܣܡܘܿܩܬܵܐ“ ܒܝܲܕ ܐܲܨܲܚܬܵܐ ܝܵܘܢܵܝܬܵܐ. ،
ܣܵܒܵܒ ܠܥܵܠܲܡ ܝܼܠܵܗ̇ ܫܵܦܵܩܲܬܹܗ.
16ܠܗ̇ܘ ܕܡܘܼܚܕܸܪܹܗ ܠܥܲܡܹܗ ܓܵܘ ܒܲܪܝܼܵܐ،
ܣܵܒܵܒ ܠܥܵܠܲܡ ܝܼܠܵܗ̇ ܫܵܦܵܩܲܬܹܗ.
17ܠܗ̇ܘ ܕܡܚܹܐ ܠܹܗ ܡܲܠܟܹ̈ܐ ܓܘܼܪܹ̈ܐ،
ܣܵܒܵܒ ܠܥܵܠܲܡ ܝܼܠܵܗ̇ ܫܵܦܵܩܲܬܹܗ.
18ܘܩܛܝܼܠ ܠܹܗ ܡܲܠܟܹ̈ܐ ܥܲܫܝܼܢܹ̈ܐ،
ܣܵܒܵܒ ܠܥܵܠܲܡ ܝܼܠܵܗ̇ ܫܵܦܵܩܲܬܹܗ.
19ܠܣܝܼܚܘܿܢ ܡܲܠܟܵܐ ܕܐܵܡܘܿܪ̈ܵܝܹܐ،
ܣܵܒܵܒ ܠܥܵܠܲܡ ܝܼܠܵܗ̇ ܫܵܦܵܩܲܬܹܗ.
20ܘܠܥܘܿܓ݂ ܡܲܠܟܵܐ ܕܒܲܝܫܵܢ،
ܣܵܒܵܒ ܠܥܵܠܲܡ ܝܼܠܵܗ̇ ܫܵܦܵܩܲܬܹܗ.
21ܘܝܘܼܗ݇ܒ݂ܵܐ ܠܹܗ ܐܲܪܥܲܝܗܝ ܠܝܵܪܬܘܼܬܵܐ،
ܣܵܒܵܒ ܠܥܵܠܲܡ ܝܼܠܵܗ̇ ܫܵܦܵܩܲܬܹܗ.
22ܝܵܪܬܘܼܬܵܐ ܠܝܼܣܪܵܝܹܠ ܪܹܓܹܗ،
ܣܵܒܵܒ ܠܥܵܠܲܡ ܝܼܠܵܗ̇ ܫܵܦܵܩܲܬܹܗ.
23ܕܒܟܘܼܦܘܼܬܲܢ ܕܟ݂ܝܼܪܹܗ ܐܸܠܲܢ،
ܣܵܒܵܒ ܠܥܵܠܲܡ ܝܼܠܵܗ̇ ܫܵܦܵܩܲܬܹܗ.
24ܘܦܘܼܪܩܲܚ ܠܹܗ ܡ̣ܢ ܕܸܫܡܸܢܲܢ̈،
ܣܵܒܵܒ ܠܥܵܠܲܡ ܝܼܠܵܗ̇ ܫܵܦܵܩܲܬܹܗ.
25ܟܹܐ ܝܲܗ݇ܒܸܠ ܠܲܚܡܵܐ ܠܟܠ ܓܵܢܵܐ،
ܣܵܒܵܒ ܠܥܵܠܲܡ ܝܼܠܵܗ̇ ܫܵܦܵܩܲܬܹܗ.
26ܫܲܟܪܘܼܢ ܠܐܲܠܵܗܵܐ ܕܫܡܲܝܵܐ،
ܣܵܒܵܒ ܠܥܵܠܲܡ ܝܼܠܵܗ̇ ܫܵܦܵܩܲܬܹܗ.
Currently Selected:
ܡܙܡܘܪ̈ܐ 136 (ܩܠܘ): ABTAB
Highlight
Share
Copy
Want to have your highlights saved across all your devices? Sign up or sign in
Aramaic Bible Translation Assyrian Bible © 2025 Aramaic Bible Translation