ܡܙܡܘܪ̈ܐ 127 (ܩܟܙ)
127 (ܩܟܙ)
ܙܡܵܪܬܵܐ ܕܐ݇ܣܵܩܬܵܐ، ܒܝܲܕ ܫܠܹܝܡܘܿܢ.
1ܐܸܢ ܡܵܪܝܵܐ ܠܵܐ ܒܵܢܹܐ ܒܲܝܬܵܐ،
ܣܪܝܼܩܵܐ ܝܠܹܗ ܥܲܡܠܵܐ ܕܒܲܢܵܝܘܼ̈ܗܝ،
ܐܸܢ ܡܵܪܝܵܐ ܠܵܐ ܢܵܛܹܪ ܡܕܝܼܢ݇ܬܵܐ،
ܣܪܝܼܩܬܵܐ ܝܠܵܗ̇ ܫܵܗܲܪܬܵܐ ܕܢܵܛܘܿܪܵܐ.
2ܣܪܝܼܩܬܵܐ ܝܠܵܗ̇ ܐܸܠܵܘܟ݂ܘܿܢ ܕܩܵܕܡܝܼܬܘܿܢ ܠܸܩܝܵܡܵܐ، ܥܲܪܩܸܠܝܼܬܘܿܢ ܠܝܼܬܵܒ݂ܵܐ،
ܐܵܟ݂ܠܝܼܬܘܿܢ ܠܲܚܡܵܐ ܕܓ̰ܵܦܹ̈ܐ،
ܣܵܒܵܒ ܟܹܐ ܝܲܗ݇ܒܸܠ ܠܡܘܼܚܸܒܹܗ ܒܫܸܢܬܹܗ.
3ܗܵܐ، ܝܵܪܬܘܼܬܵܐ ܡ̣ܢ ܡܵܪܝܵܐ ܒܢܘܿܢܹ̈ܐ ܝܢܵܐ،
ܦܘܼܪܥܵܢܵܐ ܝܠܵܗ̇ ܛܥܘܼܢܬܵܐ ܕܡܲܪܒܥܵܐ.
4ܐܲܝܟ݂ ܓܹܐܪܹ̈ܐ ܓܵܘ ܐܝܼܕܵܐ ܕܓܲܢ݇ܒܵܪܵܐ،
ܗܲܕܟ݂ܵܐ ܝܢܵܐ ܒܢܘܿܢܹ̈ܐ ܕܫܸܢܹ̈ܐ ܕܥܠܲܝܡܘܼܬܵܐ.
5ܛܘܼܒ݂ܵܐ ܠܓܲܒ݂ܪܵܐ ܕܡܠܹܐ ܠܹܗ ܚܸܠܬܹܗ ܡܸܢܲܝܗܝ،
ܠܹܐ ܢܵܟ݂ܦܝܼ،
ܟܲܕ ܗܲܡܙܸܡܝܼ ܥܲܡ ܕܸܫܡܸܢܹ̈ܐ ܒܕܲܪܘܵܙܵܐ.
Currently Selected:
ܡܙܡܘܪ̈ܐ 127 (ܩܟܙ): ABTAB
Highlight
Share
Copy
Want to have your highlights saved across all your devices? Sign up or sign in
Aramaic Bible Translation Assyrian Bible © 2025 Aramaic Bible Translation