ܡܙܡܘܪ̈ܐ 124 (ܩܟܕ)
124 (ܩܟܕ)
ܙܡܵܪܬܵܐ ܕܐ݇ܣܵܩܬܵܐ، ܒܝܲܕ ܕܵܘܝܼܕ.
1ܐܸܢ ܠܵܐ ܗܵܘܹܐ ܗ݇ܘܵܐ ܡܵܪܝܵܐ ܠܓܹܒܲܢ،
ܫܒ݂ܘܿܩ ܐܵܡܹܪ ܝܼܣܪܵܝܹܠ،
2ܐܸܢ ܠܵܐ ܗܵܘܹܐ ܗ݇ܘܵܐ ܡܵܪܝܵܐ ܠܓܹܒܲܢ،
ܐܝܼܡܲܢ ܕܩܝܼܡ ܠܗܘܿܢ ܥܲܠܲܢ ܐ݇ܢܵܫܹ̈ܐ،
3ܗ̇ܝܓܵܗ ܚܵܝܹ̈ܐ ܒܸܬ ܒܵܠܥܝܼ ܗ݇ܘܵܘ ܠܲܢ،
ܐܝܼܡܲܢ ܕܚܝܼܡ ܠܵܗ̇ ܟܲܪܒܲܝܗܝ ܥܲܠܲܢ.
4ܗ̇ܝܓܵܗ ܡ̈ܝܼܵܐ ܒܸܬ ܓܵܪܦܝܼ ܗ݇ܘܵܘ ܠܲܢ،
ܛܵܘܦܵܢܵܐ ܒܸܬ ܥܵܒܹܪ ܗ݇ܘܵܐ ܡܥܲܠ ܓܵܢܲܢ.
5ܗ̇ܝܓܵܗ ܒܸܬ ܥܵܒ݂ܪܝܼ ܗ݇ܘܵܘ ܥܲܠ ܓܵܢܲܢ ܡ̈ܝܼܵܐ ܓܲܒܓܸܒܵܢܹ̈ܐ.
6ܒܪܝܼܟ݂ܵܐ ܝܠܹܗ ܡܵܪܝܵܐ،
ܕܠܵܐ ܩܲܡ ܝܲܗ݇ܒܸܠ ܠܲܢ ܨܲܝܕܵܐ ܠܟܹܟܲܝ̈ܗܝ.
7ܓܵܢܲܢ ܚܠܝܼܨ ܠܵܗ̇ ܐܲܝܟ݂ ܛܲܝܪܵܐ ܡ̣ܢ ܦܲܚܵܐ ܕܨܲܝܵܕܹ̈ܐ،
ܦܲܚܵܐ ܦܝܼܫ ܠܹܗ ܬܒ݂ܝܼܪܵܐ ܘܐܲܚܢܲܢ ܚܠܝܼܨ ܠܲܢ.
8ܗܵܝܲܪܬܲܢ ܒܫܸܡܵܐ ܕܡܵܪܝܵܐ ܝܠܵܗ̇،
ܥܵܒ݂ܕܵܢܵܐ ܕܫܡܲܝܵܐ ܘܐܲܪܥܵܐ.
Currently Selected:
ܡܙܡܘܪ̈ܐ 124 (ܩܟܕ): ABTAB
Highlight
Share
Copy
Want to have your highlights saved across all your devices? Sign up or sign in
Aramaic Bible Translation Assyrian Bible © 2025 Aramaic Bible Translation