ܡܬܠ̈ܐ 30
30
1ܗܹܡܸܙܡܵܢܹ̈ܐ ܕܐܵܓ݂ܘܿܪ، ܒܪܘܿܢܵܐ ܕܝܲܩܝܼ، ܡܲܫܩܠܵܐ.
ܒܹܐܡܵܪܵܐ ܝܠܹܗ ܐܵܗܵܐ ܐ݇ܢܵܫܵܐ ܠܐܝܼܬܝܼܐܹܝܠ، ܠܐܝܼܬܝܼܐܹܝܠ ܘܐܘܼܟܲܠ:
2ܗܹܐ، ܒܘܼܫ ܐܲܗܡܲܩ ܝܼܘܸܢ ܐܵܢܵܐ ܡ̣ܢ ܟܠ ܐ݇ܢܵܫܵܐ،
ܘܠܲܝܬ ܦܲܪܡܵܝܬܵܐ ܕܒܲܪܢܵܫܵܐ ܒܝܼܝܼ.
3ܘܠܵܐ ܝ݇ܠܝܼܦ ܠܝܼ ܚܸܟ݂ܡܬܵܐ،
ܐܵܦܠܵܐ ܝ݇ܕܲܥܬܵܐ ܕܩܲܕܝܼܫܵܐ ܝ݇ܕܝܼܥ ܠܝܼ.
4ܡܵܢܝܼ ܐ݇ܣܝܼܩ ܠܹܗ ܠܫܡܲܝܵܐ ܘܨܠܹܐ ܠܹܗ؟
ܡܵܢܝܼ ܓ̰ܘܼܡܸܥ ܠܹܗ ܦܵܘܚܵܐ ܓܵܘ ܩܛܝܼܪ̈ܘܼܗܝ؟
ܡܵܢܝܼ ܟܬܝܼܪܹܗ ܡ̈ܝܼܵܐ ܓܵܘ ܓ̰ܘܼܠܵܐ؟
ܡܵܢܝܼ ܫܘܼܬܐܸܣ ܠܹܗ ܟܠܲܝܗܝ ܡܲܪ̈ܙܵܢܹܐ ܕܐܲܪܥܵܐ؟
ܡܘܿܕܝܼ ܝܠܹܗ ܫܸܡܹܗ؟ ܘܡܘܿܕܝܼ ܝܠܹܗ ܫܸܡܵܐ ܕܒܪܘܿܢܹܗ؟ ܐܸܢ ܝܵܕܥܹܬ.
5ܟܠ ܗܹܡܸܙܡܵܢ ܕܐܲܠܵܗܵܐ ܨܘܼܪܸܦܬܵܐ ܝܠܵܗ̇،
ܡܵܛܵܠܵܐ ܝܠܹܗ ܐܲܠܵܗܵܐ ܠܐܵܢܝܼ ܕܫܵܩܠܝܼ ܓܵܘܣܵܐ ܒܝܼܹܗ.
6ܠܵܐ ܡܲܙܝܸܕܸܬ ܥܲܠ ܗܹܡܸܙܡܵܢܘܼ̈ܗܝ،
ܕܠܵܐ ܡܲܢܟܸܣ ܠܘܼܟ݂ ܘܦܵܝܫܹܬ ܕܲܓܵܠܵܐ.
7ܬܪܹܝ ܡܸܢܕܝܼܵܢܹ̈ܐ ܛܠܝܼܒ ܠܝܼ ܡܸܢܘܼܟ݂،
ܠܵܐ ܡܲܟܠܹܝܬ ܡܸܢܝܼ ܡ̣ܢ ܩܵܕ݇ܡ ܕܡܵܝܬܹܢ:
8ܒܘܼܚܬܵܢ ܘܚܲܒܪܵܐ ܕܕܘܼܓܠܵܐ ܡܲܪܚܸܩ ܡܸܢܝܼ،
ܡܸܣܟܹܢܘܼܬܵܐ ܘܥܘܼܬܪܵܐ ܠܵܐ ܝܵܗ݇ܒܹܬ ܠܝܼ،
ܐܸܠܵܐ ܡܲܐܟܸܠ ܠܝܼ ܠܲܚܡܵܐ ܕܣܘܼܢܩܵܢܝܼ،
9ܕܠܵܐ ܣܵܒ݂ܥܹܢ ܘܣܵܪܒܹܢ، ܘܐܵܡܪܹܢ، ”ܡܵܢܝܼ ܝܠܹܗ ܡܵܪܝܵܐ؟“
ܘܠܵܐ ܗܵܘܹܐ ܕܡܲܣܟܸܢܸܢ ܘܓܵܢܒܹܢ،
ܘܡܲܣܠܹܝܢ ܫܸܡܵܐ ܕܐܲܠܵܗܝܼ.
10ܠܵܐ ܗܲܡܙܸܡܸܬ ܕܲܠܩܘܼܒ݂ܠ ܕܪܹܓܵܐ ܠܡܵܪܹܗ،
ܕܠܵܐ ܠܵܐܹܛ ܠܘܼܟ݂ ܘܗܵܘܹܝܬ ܚܲܝܵܒ݂ܵܐ.
11ܐܝܼܬ ܬܵܘܠܲܕܬܵܐ ܕܠܵܝܛܵܐ ܒܵܒܘܼܗ̇،
ܘܠܝܸܡܘܼܗ̇ ܠܹܐ ܒܲܪܟ݂ܵܐ،
12ܐܵܗܵܐ ܬܵܘܠܲܕܬܵܐ ܕܟ݂ܝܼܬܵܐ ܝܠܵܗ̇ ܒܥܲܝܢܹ̈ܐ ܕܓܵܢܘܼܗ̇،
ܐܝܼܢܵܐ ܡ̣ܢ ܫܸܚܬܘܼܗ̇ ܠܹܐ ܝܠܵܗ̇ ܚܘܼܠܸܠܬܵܐ،
13ܬܵܘܠܲܕܬܵܐ ܕܟܡܵܐ ܪ̈ܵܡܵܢܹܐ ܝܢܵܐ ܥܲܝܢܘܼ̈ܗ̇،
ܘܛܸܠܦܵܦܘܼ̈ܗ̇ ܦܝܼܫܹܐ ܝܢܵܐ ܡܘܼܪܡܹܐ،
14ܬܵܘܠܲܕܬܵܐ ܕܣܲܝܦܹ̈ܐ ܝܢܵܐ ܟܹܟܘܼ̈ܗ̇، ܘܣܟܝܼܢܝܵܬܹ̈ܐ ܚܘܼܚܝܵܬܘܼ̈ܗ̇،
ܠܹܐܟ݂ܵܠܵܐ ܡܸܣܟܹܢܹ̈ܐ ܡ̣ܢ ܐܲܪܥܵܐ، ܘܣܢܝܼܩܹ̈ܐ ܡ̣ܢ ܒܢܲܝ̈ܢܵܫܵܐ.
15ܙܲܠܘܼ ܐܝܼܬ ܠܵܗ̇ ܬܲܪܬܹܝ ܒܢܵܬܹ̈ܐ، ”ܗܲܒ݂݇ܠ،“ ”ܗܲܒ݂݇ܠ.“
ܐܝܼܬ ܬܠܵܬܵܐ ܡܸܢܕܝܼܵܢܹ̈ܐ ܕܗܵܐ، ܠܹܐ ܣܵܒ݂ܥܝܼ،
ܐܲܪܒܥܵܐ ܕܠܹܐ ܐܵܡܪܝܼ، ”ܒܲܣܵܐ“:
16ܫܝܘܿܠ، ܘܡܲܪܒܥܵܐ ܕܒ݂ܝܼܪܵܐ،
ܐܲܪܥܵܐ ܠܹܐ ܣܵܒ݂ܥܵܐ ܡ̣ܢ ܡ̈ܝܼܵܐ،
ܘܢܘܼܪܵܐ ܠܹܐ ܐܵܡܹܪ، ”ܒܲܣܵܐ.“
17ܥܲܝܢܵܐ ܕܡܲܣܚܸܪܵܐ ܒܒܵܒܘܼܗ̇،
ܘܡܲܣܠܝܼܵܐ ܡܲܨܝܲܬܬܵܐ ܠܝܸܡܘܼܗ̇،
ܒܸܬ ܫܵܪܩܝܼ ܠܵܗ̇ ܥܘܼܪ̈ܒܹܐ ܕܪܵܘܘܿܠܵܐ،
ܘܒܸܬ ܐܵܟ݂ܠܝܼ ܠܵܗ̇ ܙܲܥܝܹ̈ܐ ܕܢܸܫܪܵܐ.
18ܬܠܵܬܵܐ ܝܼܢܵܐ ܪܵܒܵܐ ܡܲܥܓ̰ܸܒܵܢܹ̈ܐ ܩܵܬܝܼ،
ܐܲܪܒܥܵܐ ܠܹܐ ܝܵܕܥܹܢܗܘܿܢ:
19ܐܘܼܪܚܵܐ ܕܢܸܫܪܵܐ ܒܫܡܲܝܵܐ،
ܐܘܼܪܚܵܐ ܕܚܘܼܘܹܐ ܥܲܠ ܐܝܼܨܵܪܵܐ،
ܐܘܼܪܚܵܐ ܕܓܵܡܝܼ ܒܠܸܒܵܐ ܕܝܵܡܵܐ،
ܘܐܘܼܪܚܵܐ ܕܓܲܒ݂ܪܵܐ ܥܲܡ ܚܵܡܬܵܐ.
20ܗܲܕܟ݂ܵܐ ܝܠܵܗ̇ ܐܘܼܪܚܵܐ ܕܒܲܟ݂ܬܵܐ ܓܲܝܵܪܬܵܐ،
ܟܹܐ ܐܵܟ݂ܠܵܐ ܘܡܵܫܝܵܐ ܦܘܼܡܘܼܗ̇،
ܘܐܵܡܪܵܐ، ”ܠܵܐ ܦܠܝܼܚ ܠܝܼ ܥܵܘܠܵܐ.“
21ܬܚܘܿܬ ܬܠܵܬܵܐ ܟܹܐ ܫܵܥܫܵܐ ܐܲܪܥܵܐ،
ܘܬܚܘܿܬ ܐܲܪܒܥܵܐ ܠܹܐ ܡܵܨܝܵܐ ܠܸܛܥܵܢܵܐ:
22ܬܚܘܿܬ ܥܲܒ݂ܕܵܐ ܟܲܕ ܗܵܘܹܐ ܡܲܠܟܵܐ،
ܘܣܲܟ݂ܠܵܐ ܟܲܕ ܣܵܒܹܥ ܒܠܲܚܡܵܐ،
23ܬܚܘܿܬ ܣܢܝܼܬܵܐ ܟܲܕ ܗܵܘܝܵܐ ܓܒ݂ܝܼܪܬܵܐ،
ܘܚܹܕܲܡܬܵܐ ܟܲܕ ܝܵܪܬܵܐ ܠܡܵܪܬܘܼܗ̇.
24ܐܲܪܒܥܵܐ ܝܢܵܐ ܙܥܘܿܪܹ̈ܐ ܒܐܲܪܥܵܐ،
ܐܝܼܢܵܐ ܒܘܼܫ ܚܲܟܝܼܡܹ̈ܐ ܝܢܵܐ ܡ̣ܢ ܚܲܟܝܼܡܹ̈ܐ:
25ܫܸܟܘܵܢܹ̈ܐ ܟܸܢܫܵܐ ܝܢܵܐ ܕܠܲܝܬ ܒܝܼܲܝܗܝ ܥܘܼܫܢܵܐ،
ܐܝܼܢܵܐ ܟܹܐ ܗܲܕܪܝܼ ܒܩܲܝܛܵܐ ܠܲܚܡܲܝܗܝ،
26ܝܲܪ̈ܒܘܼܥܹܐ ܥܲܡܵܐ ܝܢܵܐ ܕܠܲܝܬ ܒܝܼܲܝܗܝ ܚܲܝܠܵܐ،
ܐܝܼܢܵܐ ܟܹܐ ܡܲܬܒ݂ܝܼ ܒܩܵܝܵܐ ܒܲܝܬܲܝܗܝ،
27ܡܲܠܟܵܐ ܠܲܝܬ ܠܩܲܡܨܹ̈ܐ،
ܐܝܼܢܵܐ ܟܹܐ ܦܵܠܛܝܼ ܚܪ̈ܝܼܙܹܐ ܟܠܲܝܗܝ،
28ܘܡܵܙܘܿܙܬܵܐ ܒܐܝܼܕܵܬܹ̈ܐ ܟܹܐ ܕܵܒ݂ܩܵܐ،
ܐܝܼܢܵܐ ܓܵܘ ܒܵܬܹ̈ܐ ܕܡܲܠܟܵܐ ܝܠܵܗ̇.
29ܬܠܵܬܵܐ ܝܢܵܐ ܕܫܲܦܝܼܪܹܐ ܟܹܐ ܦܵܣܥܝܼ،
ܘܐܲܪܒܥܵܐ ܫܲܦܝܼܪܹܐ ܟܹܐ ܚܵܕܪܝܼ:
30ܐܲܪܝܵܐ ܓܲܢ݇ܒܵܪܵܐ ܓܵܘ ܚܲܝܘܵܬܹ̈ܐ،
ܘܠܹܐ ܕܵܐܹܪ ܡ̣ܢ ܩܵܕ݇ܡ ܐܘܼܦ ܚܲܕ،
31ܩܵܪܘܿܝܵܐ ܙܲܢܦܘܼܪܹܐ، ܘܬܲܝܫܵܐ،
ܘܡܲܠܟܵܐ ܒܚܲܝܠܵܘܵܬܹ̈ܐ ܥܲܡܹܗ.
32ܐܸܢ ܥܒ݂ܝܼܕ ܠܘܼܟ݂ ܣܲܟ݂ܠܘܼܬܵܐ ܒܡܲܪܲܡܬܵܐ ܕܓܵܢܘܼܟ݂،
ܘܐܸܢ ܬܘܼܚܡܸܢܘܼܟ݂ ܦܸܠܡܵܐ،
ܐܝܼܕܘܼܟ݂ ܡܲܬܸܒ݂ ܥܲܠ ܦܘܼܡܘܼܟ݂.
33ܣܵܒܵܒ ܕܵܐܟ݂ܝܼ ܕܡܝܵܥܬܵܐ ܕܚܲܠܒ݂ܵܐ ܟܹܐ ܦܲܠܛܵܐ ܟܲܪܥܵܐ،
ܘܚܠܵܨܬܵܐ ܕܢܵܚܝܼܪܵܐ ܟܹܐ ܦܲܠܛܵܐ ܕܸܡܵܐ،
ܗܲܕܟ݂ܵܐ ܚܠܵܨܬܵܐ ܕܟܲܪܒܵܐ ܟܹܐ ܦܲܠܛܵܐ ܡܲܩܲܪܵܨܘܼܬܵܐ.
Currently Selected:
ܡܬܠ̈ܐ 30: ABTAB
Highlight
Share
Copy
Want to have your highlights saved across all your devices? Sign up or sign in
Aramaic Bible Translation Assyrian Bible © 2025 Aramaic Bible Translation
ܡܬܠ̈ܐ 30
30
1ܗܹܡܸܙܡܵܢܹ̈ܐ ܕܐܵܓ݂ܘܿܪ، ܒܪܘܿܢܵܐ ܕܝܲܩܝܼ، ܡܲܫܩܠܵܐ.
ܒܹܐܡܵܪܵܐ ܝܠܹܗ ܐܵܗܵܐ ܐ݇ܢܵܫܵܐ ܠܐܝܼܬܝܼܐܹܝܠ، ܠܐܝܼܬܝܼܐܹܝܠ ܘܐܘܼܟܲܠ:
2ܗܹܐ، ܒܘܼܫ ܐܲܗܡܲܩ ܝܼܘܸܢ ܐܵܢܵܐ ܡ̣ܢ ܟܠ ܐ݇ܢܵܫܵܐ،
ܘܠܲܝܬ ܦܲܪܡܵܝܬܵܐ ܕܒܲܪܢܵܫܵܐ ܒܝܼܝܼ.
3ܘܠܵܐ ܝ݇ܠܝܼܦ ܠܝܼ ܚܸܟ݂ܡܬܵܐ،
ܐܵܦܠܵܐ ܝ݇ܕܲܥܬܵܐ ܕܩܲܕܝܼܫܵܐ ܝ݇ܕܝܼܥ ܠܝܼ.
4ܡܵܢܝܼ ܐ݇ܣܝܼܩ ܠܹܗ ܠܫܡܲܝܵܐ ܘܨܠܹܐ ܠܹܗ؟
ܡܵܢܝܼ ܓ̰ܘܼܡܸܥ ܠܹܗ ܦܵܘܚܵܐ ܓܵܘ ܩܛܝܼܪ̈ܘܼܗܝ؟
ܡܵܢܝܼ ܟܬܝܼܪܹܗ ܡ̈ܝܼܵܐ ܓܵܘ ܓ̰ܘܼܠܵܐ؟
ܡܵܢܝܼ ܫܘܼܬܐܸܣ ܠܹܗ ܟܠܲܝܗܝ ܡܲܪ̈ܙܵܢܹܐ ܕܐܲܪܥܵܐ؟
ܡܘܿܕܝܼ ܝܠܹܗ ܫܸܡܹܗ؟ ܘܡܘܿܕܝܼ ܝܠܹܗ ܫܸܡܵܐ ܕܒܪܘܿܢܹܗ؟ ܐܸܢ ܝܵܕܥܹܬ.
5ܟܠ ܗܹܡܸܙܡܵܢ ܕܐܲܠܵܗܵܐ ܨܘܼܪܸܦܬܵܐ ܝܠܵܗ̇،
ܡܵܛܵܠܵܐ ܝܠܹܗ ܐܲܠܵܗܵܐ ܠܐܵܢܝܼ ܕܫܵܩܠܝܼ ܓܵܘܣܵܐ ܒܝܼܹܗ.
6ܠܵܐ ܡܲܙܝܸܕܸܬ ܥܲܠ ܗܹܡܸܙܡܵܢܘܼ̈ܗܝ،
ܕܠܵܐ ܡܲܢܟܸܣ ܠܘܼܟ݂ ܘܦܵܝܫܹܬ ܕܲܓܵܠܵܐ.
7ܬܪܹܝ ܡܸܢܕܝܼܵܢܹ̈ܐ ܛܠܝܼܒ ܠܝܼ ܡܸܢܘܼܟ݂،
ܠܵܐ ܡܲܟܠܹܝܬ ܡܸܢܝܼ ܡ̣ܢ ܩܵܕ݇ܡ ܕܡܵܝܬܹܢ:
8ܒܘܼܚܬܵܢ ܘܚܲܒܪܵܐ ܕܕܘܼܓܠܵܐ ܡܲܪܚܸܩ ܡܸܢܝܼ،
ܡܸܣܟܹܢܘܼܬܵܐ ܘܥܘܼܬܪܵܐ ܠܵܐ ܝܵܗ݇ܒܹܬ ܠܝܼ،
ܐܸܠܵܐ ܡܲܐܟܸܠ ܠܝܼ ܠܲܚܡܵܐ ܕܣܘܼܢܩܵܢܝܼ،
9ܕܠܵܐ ܣܵܒ݂ܥܹܢ ܘܣܵܪܒܹܢ، ܘܐܵܡܪܹܢ، ”ܡܵܢܝܼ ܝܠܹܗ ܡܵܪܝܵܐ؟“
ܘܠܵܐ ܗܵܘܹܐ ܕܡܲܣܟܸܢܸܢ ܘܓܵܢܒܹܢ،
ܘܡܲܣܠܹܝܢ ܫܸܡܵܐ ܕܐܲܠܵܗܝܼ.
10ܠܵܐ ܗܲܡܙܸܡܸܬ ܕܲܠܩܘܼܒ݂ܠ ܕܪܹܓܵܐ ܠܡܵܪܹܗ،
ܕܠܵܐ ܠܵܐܹܛ ܠܘܼܟ݂ ܘܗܵܘܹܝܬ ܚܲܝܵܒ݂ܵܐ.
11ܐܝܼܬ ܬܵܘܠܲܕܬܵܐ ܕܠܵܝܛܵܐ ܒܵܒܘܼܗ̇،
ܘܠܝܸܡܘܼܗ̇ ܠܹܐ ܒܲܪܟ݂ܵܐ،
12ܐܵܗܵܐ ܬܵܘܠܲܕܬܵܐ ܕܟ݂ܝܼܬܵܐ ܝܠܵܗ̇ ܒܥܲܝܢܹ̈ܐ ܕܓܵܢܘܼܗ̇،
ܐܝܼܢܵܐ ܡ̣ܢ ܫܸܚܬܘܼܗ̇ ܠܹܐ ܝܠܵܗ̇ ܚܘܼܠܸܠܬܵܐ،
13ܬܵܘܠܲܕܬܵܐ ܕܟܡܵܐ ܪ̈ܵܡܵܢܹܐ ܝܢܵܐ ܥܲܝܢܘܼ̈ܗ̇،
ܘܛܸܠܦܵܦܘܼ̈ܗ̇ ܦܝܼܫܹܐ ܝܢܵܐ ܡܘܼܪܡܹܐ،
14ܬܵܘܠܲܕܬܵܐ ܕܣܲܝܦܹ̈ܐ ܝܢܵܐ ܟܹܟܘܼ̈ܗ̇، ܘܣܟܝܼܢܝܵܬܹ̈ܐ ܚܘܼܚܝܵܬܘܼ̈ܗ̇،
ܠܹܐܟ݂ܵܠܵܐ ܡܸܣܟܹܢܹ̈ܐ ܡ̣ܢ ܐܲܪܥܵܐ، ܘܣܢܝܼܩܹ̈ܐ ܡ̣ܢ ܒܢܲܝ̈ܢܵܫܵܐ.
15ܙܲܠܘܼ ܐܝܼܬ ܠܵܗ̇ ܬܲܪܬܹܝ ܒܢܵܬܹ̈ܐ، ”ܗܲܒ݂݇ܠ،“ ”ܗܲܒ݂݇ܠ.“
ܐܝܼܬ ܬܠܵܬܵܐ ܡܸܢܕܝܼܵܢܹ̈ܐ ܕܗܵܐ، ܠܹܐ ܣܵܒ݂ܥܝܼ،
ܐܲܪܒܥܵܐ ܕܠܹܐ ܐܵܡܪܝܼ، ”ܒܲܣܵܐ“:
16ܫܝܘܿܠ، ܘܡܲܪܒܥܵܐ ܕܒ݂ܝܼܪܵܐ،
ܐܲܪܥܵܐ ܠܹܐ ܣܵܒ݂ܥܵܐ ܡ̣ܢ ܡ̈ܝܼܵܐ،
ܘܢܘܼܪܵܐ ܠܹܐ ܐܵܡܹܪ، ”ܒܲܣܵܐ.“
17ܥܲܝܢܵܐ ܕܡܲܣܚܸܪܵܐ ܒܒܵܒܘܼܗ̇،
ܘܡܲܣܠܝܼܵܐ ܡܲܨܝܲܬܬܵܐ ܠܝܸܡܘܼܗ̇،
ܒܸܬ ܫܵܪܩܝܼ ܠܵܗ̇ ܥܘܼܪ̈ܒܹܐ ܕܪܵܘܘܿܠܵܐ،
ܘܒܸܬ ܐܵܟ݂ܠܝܼ ܠܵܗ̇ ܙܲܥܝܹ̈ܐ ܕܢܸܫܪܵܐ.
18ܬܠܵܬܵܐ ܝܼܢܵܐ ܪܵܒܵܐ ܡܲܥܓ̰ܸܒܵܢܹ̈ܐ ܩܵܬܝܼ،
ܐܲܪܒܥܵܐ ܠܹܐ ܝܵܕܥܹܢܗܘܿܢ:
19ܐܘܼܪܚܵܐ ܕܢܸܫܪܵܐ ܒܫܡܲܝܵܐ،
ܐܘܼܪܚܵܐ ܕܚܘܼܘܹܐ ܥܲܠ ܐܝܼܨܵܪܵܐ،
ܐܘܼܪܚܵܐ ܕܓܵܡܝܼ ܒܠܸܒܵܐ ܕܝܵܡܵܐ،
ܘܐܘܼܪܚܵܐ ܕܓܲܒ݂ܪܵܐ ܥܲܡ ܚܵܡܬܵܐ.
20ܗܲܕܟ݂ܵܐ ܝܠܵܗ̇ ܐܘܼܪܚܵܐ ܕܒܲܟ݂ܬܵܐ ܓܲܝܵܪܬܵܐ،
ܟܹܐ ܐܵܟ݂ܠܵܐ ܘܡܵܫܝܵܐ ܦܘܼܡܘܼܗ̇،
ܘܐܵܡܪܵܐ، ”ܠܵܐ ܦܠܝܼܚ ܠܝܼ ܥܵܘܠܵܐ.“
21ܬܚܘܿܬ ܬܠܵܬܵܐ ܟܹܐ ܫܵܥܫܵܐ ܐܲܪܥܵܐ،
ܘܬܚܘܿܬ ܐܲܪܒܥܵܐ ܠܹܐ ܡܵܨܝܵܐ ܠܸܛܥܵܢܵܐ:
22ܬܚܘܿܬ ܥܲܒ݂ܕܵܐ ܟܲܕ ܗܵܘܹܐ ܡܲܠܟܵܐ،
ܘܣܲܟ݂ܠܵܐ ܟܲܕ ܣܵܒܹܥ ܒܠܲܚܡܵܐ،
23ܬܚܘܿܬ ܣܢܝܼܬܵܐ ܟܲܕ ܗܵܘܝܵܐ ܓܒ݂ܝܼܪܬܵܐ،
ܘܚܹܕܲܡܬܵܐ ܟܲܕ ܝܵܪܬܵܐ ܠܡܵܪܬܘܼܗ̇.
24ܐܲܪܒܥܵܐ ܝܢܵܐ ܙܥܘܿܪܹ̈ܐ ܒܐܲܪܥܵܐ،
ܐܝܼܢܵܐ ܒܘܼܫ ܚܲܟܝܼܡܹ̈ܐ ܝܢܵܐ ܡ̣ܢ ܚܲܟܝܼܡܹ̈ܐ:
25ܫܸܟܘܵܢܹ̈ܐ ܟܸܢܫܵܐ ܝܢܵܐ ܕܠܲܝܬ ܒܝܼܲܝܗܝ ܥܘܼܫܢܵܐ،
ܐܝܼܢܵܐ ܟܹܐ ܗܲܕܪܝܼ ܒܩܲܝܛܵܐ ܠܲܚܡܲܝܗܝ،
26ܝܲܪ̈ܒܘܼܥܹܐ ܥܲܡܵܐ ܝܢܵܐ ܕܠܲܝܬ ܒܝܼܲܝܗܝ ܚܲܝܠܵܐ،
ܐܝܼܢܵܐ ܟܹܐ ܡܲܬܒ݂ܝܼ ܒܩܵܝܵܐ ܒܲܝܬܲܝܗܝ،
27ܡܲܠܟܵܐ ܠܲܝܬ ܠܩܲܡܨܹ̈ܐ،
ܐܝܼܢܵܐ ܟܹܐ ܦܵܠܛܝܼ ܚܪ̈ܝܼܙܹܐ ܟܠܲܝܗܝ،
28ܘܡܵܙܘܿܙܬܵܐ ܒܐܝܼܕܵܬܹ̈ܐ ܟܹܐ ܕܵܒ݂ܩܵܐ،
ܐܝܼܢܵܐ ܓܵܘ ܒܵܬܹ̈ܐ ܕܡܲܠܟܵܐ ܝܠܵܗ̇.
29ܬܠܵܬܵܐ ܝܢܵܐ ܕܫܲܦܝܼܪܹܐ ܟܹܐ ܦܵܣܥܝܼ،
ܘܐܲܪܒܥܵܐ ܫܲܦܝܼܪܹܐ ܟܹܐ ܚܵܕܪܝܼ:
30ܐܲܪܝܵܐ ܓܲܢ݇ܒܵܪܵܐ ܓܵܘ ܚܲܝܘܵܬܹ̈ܐ،
ܘܠܹܐ ܕܵܐܹܪ ܡ̣ܢ ܩܵܕ݇ܡ ܐܘܼܦ ܚܲܕ،
31ܩܵܪܘܿܝܵܐ ܙܲܢܦܘܼܪܹܐ، ܘܬܲܝܫܵܐ،
ܘܡܲܠܟܵܐ ܒܚܲܝܠܵܘܵܬܹ̈ܐ ܥܲܡܹܗ.
32ܐܸܢ ܥܒ݂ܝܼܕ ܠܘܼܟ݂ ܣܲܟ݂ܠܘܼܬܵܐ ܒܡܲܪܲܡܬܵܐ ܕܓܵܢܘܼܟ݂،
ܘܐܸܢ ܬܘܼܚܡܸܢܘܼܟ݂ ܦܸܠܡܵܐ،
ܐܝܼܕܘܼܟ݂ ܡܲܬܸܒ݂ ܥܲܠ ܦܘܼܡܘܼܟ݂.
33ܣܵܒܵܒ ܕܵܐܟ݂ܝܼ ܕܡܝܵܥܬܵܐ ܕܚܲܠܒ݂ܵܐ ܟܹܐ ܦܲܠܛܵܐ ܟܲܪܥܵܐ،
ܘܚܠܵܨܬܵܐ ܕܢܵܚܝܼܪܵܐ ܟܹܐ ܦܲܠܛܵܐ ܕܸܡܵܐ،
ܗܲܕܟ݂ܵܐ ܚܠܵܨܬܵܐ ܕܟܲܪܒܵܐ ܟܹܐ ܦܲܠܛܵܐ ܡܲܩܲܪܵܨܘܼܬܵܐ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Aramaic Bible Translation Assyrian Bible © 2025 Aramaic Bible Translation