ܡܬܠ̈ܐ 29
29
ܡܲܬܠܹ̈ܐ ܕܡܲܠܟܵܐ ܫܠܹܝܡܘܿܢ ܡܟܘܼܦܫܹܐ ܒܝܲܕ ܐ݇ܢܵܫܹ̈ܐ ܕܚܹܙܲܩܝܵܐ
1ܐ݇ܢܵܫܵܐ ܕܪܵܒܵܐ ܦܵܐܹܫ ܡܘܼܢܟܸܣܵܐ ܘܗܹܫ ܡܲܩܫܹܐ ܩܕܵܠܹܗ،
ܡܸܢܫܸܠܬܵܢܹܐ ܒܸܬ ܦܵܐܹܫ ܬܒ݂ܝܼܪܵܐ، ܘܠܹܐ ܗܵܘܝܵܐ ܠܹܗ ܒܵܣܲܡܬܵܐ.
2ܟܲܕ ܙܵܝܕܝܼ ܙܲܕܝܼܩܹ̈ܐ ܟܹܐ ܚܵܕܹܐ ܥܲܡܵܐ،
ܐܝܼܢܵܐ ܒܫܘܼܠܛܵܢܵܐ ܕܪܲܫܝܼܥܵܐ ܟܹܐ ܬܲܢܸܚ ܥܲܡܵܐ.
3ܐ݇ܢܵܫܵܐ ܕܡܲܚܸܒ ܚܸܟ݂ܡܬܵܐ ܟܹܐ ܡܲܚܕܹܐ ܠܒܵܒܘܼܗܝ،
ܐܝܼܢܵܐ ܚܲܒ݂ܪܵܐ ܕܙܵܢܝܵܬܹ̈ܐ ܟܹܐ ܛܲܠܸܩ ܥܘܼܬܪܹܗ.
4ܡܲܠܟܵܐ ܒܗܵܩܘܼܬܵܐ ܟܹܐ ܡܲܩܘܹܐ ܠܵܗ̇ ܐܲܪܥܵܐ،
ܐܝܼܢܵܐ ܫܵܩܠܵܢܵܐ ܕܪܸ̈ܫܘܲܬܹܐ ܟܹܐ ܬܵܠܹܚ ܠܵܗ̇.
5ܐ݇ܢܵܫܵܐ ܡܲܟ̰ܥܝܼܵܢܵܐ ܕܚܲܒ݂ܪܹܗ،
ܓܲܪܕܵܐ ܟܹܐ ܦܵܪܹܣ ܥܲܠ ܦܵܣܘܿܥܝܵܬܹ̈ܗ.
6ܐ݇ܢܵܫܵܐ ܒܝܼܫܵܐ ܒܓܢܵܗܹܗ ܟܹܐ ܢܵܦܹܠ ܓܵܘ ܦܲܚܵܐ،
ܐܝܼܢܵܐ ܙܲܕܝܼܩܵܐ ܟܹܐ ܩܲܘܸܚ ܘܚܵܕܹܐ.
7ܟܹܐ ܝܵܕܹܥ ܙܲܕܝܼܩܵܐ ܗܵܩܘܼܬܵܐ ܕܡܸܣܟܹܢܹ̈ܐ،
ܐܝܼܢܵܐ ܪܲܫܝܼܥܵܐ ܠܹܐ ܦܲܪܡܹܐ ܠܵܗ̇ ܐܵܗܵܐ ܝ݇ܕܲܥܬܵܐ.
8ܐ݇ܢܵܫܹ̈ܐ ܡܲܣܚܸܪ̈ܵܢܹܐ ܟܹܐ ܡܵܚܝܼ ܢܘܼܪܵܐ ܒܡܕܝܼܢ݇ܬܵܐ،
ܐܝܼܢܵܐ ܚܲܟܝܼܡܹ̈ܐ ܟܹܐ ܡܲܫܠܝܼ ܟܲܪܒܵܐ.
9ܐ݇ܢܵܫܵܐ ܚܲܟܝܼܡܵܐ ܟܲܕ ܥܵܒܹܕ ܕܲܥܘܝܼ ܥܲܡ ܐ݇ܢܵܫܵܐ ܣܲܟ݂ܠܵܐ،
ܐܸܢ ܟܵܪܹܒ ܣܲܟ݂ܠܵܐ ܝܲܢ ܓܵܚܹܟ ܠܲܝܬ ܢܝܵܚܬܵܐ.
10ܐ݇ܢܵܫܹ̈ܐ ܫܲܦܟ݂ܵܢܹ̈ܐ ܕܕܸܡܵܐ ܟܹܐ ܣܵܢܝܼ ܠܬܲܡܝܼܡܵܐ،
ܐܝܼܢܵܐ ܬܪ̈ܘܼܨܹܐ ܟܹܐ ܒܵܥܝܼ ܛܵܒ݂ܬܹܗ.
11ܟܠܵܗ̇ ܚܸܡܬܹܗ ܟܹܐ ܦܲܠܸܛ ܠܵܗ̇ ܣܲܟ݂ܠܵܐ،
ܐܝܼܢܵܐ ܚܲܟܝܼܡܵܐ ܟܹܐ ܡܲܫܠܹܐ ܠܵܗ̇.
12ܫܲܠܝܼܛܵܐ ܕܡܲܨܝܸܬ ܠܗܹܡܸܙܡܵܢ ܕܕܘܼܓܠܵܐ،
ܟܠܲܝܗܝ ܦܲܠܵܚܘܼ̈ܗܝ ܪ̈ܲܫܝܼܥܹܐ ܝܢܵܐ.
13ܡܸܣܟܹܢܵܐ ܘܐ݇ܢܵܫܵܐ ܛܵܠܡܵܢܵܐ ܐܲܝܟ݂ ܚܕܵܕܹ̈ܐ ܝܢܵܐ،
ܒܗ̇ܝ ܕܒܲܗܪܸܢܵܢܵܐ ܕܥܲܝܢܹ̈ܐ ܕܬܸܪܘܲܝܗܝ ܡܵܪܝܵܐ ܝܠܹܗ.
14ܡܲܠܟܵܐ ܕܕܵܐܹܢ ܒܫܪܵܪܵܐ ܠܡܸܣܟܹܢܹ̈ܐ،
ܟܘܼܪܣܝܹܗ ܠܥܵܠܲܡ ܒܸܬ ܡܩܵܘܹܐ.
15ܩܲܛܝܼܥܵܐ ܘܡܲܢܟܲܣܬܵܐ ܟܹܐ ܝܵܗ݇ܒ݂ܝܼ ܚܸܟ݂ܡܬܵܐ،
ܐܝܼܢܵܐ ܝܵܠܵܕ݇ܐ ܫܒ݂ܝܼܩܵܐ ܬܚܘܿܬ ܪܹܫܵܐ ܕܓܵܢܹܗ ܟܹܐ ܡܲܢܟܸܦ ܠܝܸܡܹܗ.
16ܟܲܕ ܙܵܝܕܝܼ ܪ̈ܲܫܝܼܥܹܐ ܟܹܐ ܙܵܝܕܵܐ ܓܢܵܗܵܐ،
ܐܝܼܢܵܐ ܙܲܕܝܼܩܹ̈ܐ ܒܸܬ ܚܵܙܝܼ ܢܦܵܠܬܲܝܗܝ.
17ܬܲܥܠܸܡ ܠܒܪܘܿܢܘܼܟ݂، ܘܒܸܬ ܡܲܢܝܸܚ ܠܘܼܟ݂،
ܘܒܸܬ ܝܲܗ݇ܒܸܠ ܒܘܼܣܵܡܹ̈ܐ ܠܓܵܢܘܼܟ݂.
18ܒܠܵܐ ܚܸܙܘܵܐ ܥܲܡܵܐ ܟܹܐ ܗܵܘܹܐ ܫܸܪܝܵܐ،
ܐܝܼܢܵܐ ܛܘܼܒ݂ܵܐ ܠܗ̇ܘ ܕܢܵܛܹܪ ܢܵܡܘܿܣܵܐ.
19ܐܲܚܟ̰ܝܼ ܒܗܹܡܸܙܡܵܢܹ̈ܐ ܠܹܐ ܦܵܐܹܫ ܬܘܼܥܠܸܡܵܐ ܪܹܓܵܐ،
ܣܵܒܵܒ ܐܵܦܸܢ ܟܹܐ ܦܲܪܡܹܐ ܐܝܼܢܵܐ ܠܹܐ ܥܵܒܹܕ.
20ܚܙܹܐ ܠܘܼܟ݂ ܐ݇ܢܵܫܵܐ ܡܲܠܝܸܙܵܢܵܐ ܒܗܹܡܸܙܡܵܢܘܼ̈ܗܝ؟
ܐܝܼܬ ܗܹܒ݂ܝܼ ܠܣܲܟ݂ܠܵܐ ܒܘܼܫ ܙܵܘܕܵܐ ܡܸܢܹܗ.
21ܗ̇ܘ ܕܛܲܠܸܙ ܪܹܓܹܗ ܡ̣ܢ ܙܥܘܿܪܘܼܬܵܐ،
ܒܚܲܪܬܵܐ ܒܸܬ ܗܵܘܹܐ ܐܸܠܹܗ ܝܵܪܘܿܬܵܐ.
22ܐ݇ܢܵܫܵܐ ܟܵܪܘܿܒܵܐ ܟܹܐ ܡܲܩܸܡ ܕܘܼܪܵܫܵܐ،
ܘܐ݇ܢܵܫܵܐ ܚܸܡܬܵܢܵܐ ܟܹܐ ܡܲܙܝܸܕ ܓܢܵܗܵܐ.
23ܪܵܡܘܼܬܵܐ ܕܐ݇ܢܵܫܵܐ ܟܹܐ ܡܲܟܸܦܵܐ ܠܹܗ،
ܐܝܼܢܵܐ ܟܘܼܦܵܐ ܕܪܘܼܚܵܐ ܒܸܬ ܩܵܢܹܐ ܐܝܼܩܵܪܵܐ.
24ܦܲܠܸܥܵܢܵܐ ܥܲܡ ܓܹܢܵܒ݂ܵܐ ܟܹܐ ܣܵܢܹܐ ܓܵܢܹܗ،
ܟܹܐ ܫܵܡܹܥ ܡܵܘܡܝܼܬܵܐ ܐܝܼܢܵܐ ܠܹܐ ܡܲܕܸܥ ܫܪܵܪܵܐ.
25ܙܕܘܼܥܬܵܐ ܕܐ݇ܢܵܫܵܐ ܟܹܐ ܡܲܝܬܝܵܐ ܢܸܫܒ݂ܵܐ،
ܐܝܼܢܵܐ ܣܵܒܪܵܢܵܐ ܒܡܵܪܝܵܐ ܒܸܬ ܦܵܐܹܫ ܡܘܼܪܡܵܐ ܠܫܲܝܢܵܐ.
26ܪܵܒܵܐ ܟܹܐ ܛܵܥܝܼ ܛܵܒ݂ܬܵܐ ܡ̣ܢ ܫܲܠܝܼܛܵܐ،
ܐܝܼܢܵܐ ܡ̣ܢ ܡܵܪܝܵܐ ܝܠܵܗ̇ ܗܵܩܘܼܬܵܐ ܕܐ݇ܢܵܫܵܐ.
27ܛܲܡܐܘܼܬܵܐ ܝܠܹܗ ܠܙܲܕܝܼܩܹ̈ܐ ܐ݇ܢܵܫܵܐ ܥܵܘܵܠܵܐ،
ܘܛܲܡܐܘܼܬܵܐ ܝܠܹܗ ܠܪܲܫܝܼܥܵܐ ܬܪܘܼܨܵܐ ܕܐܘܼܪܚܵܐ.
Currently Selected:
ܡܬܠ̈ܐ 29: ABTAB
Highlight
Share
Copy
Want to have your highlights saved across all your devices? Sign up or sign in
Aramaic Bible Translation Assyrian Bible © 2025 Aramaic Bible Translation
ܡܬܠ̈ܐ 29
29
ܡܲܬܠܹ̈ܐ ܕܡܲܠܟܵܐ ܫܠܹܝܡܘܿܢ ܡܟܘܼܦܫܹܐ ܒܝܲܕ ܐ݇ܢܵܫܹ̈ܐ ܕܚܹܙܲܩܝܵܐ
1ܐ݇ܢܵܫܵܐ ܕܪܵܒܵܐ ܦܵܐܹܫ ܡܘܼܢܟܸܣܵܐ ܘܗܹܫ ܡܲܩܫܹܐ ܩܕܵܠܹܗ،
ܡܸܢܫܸܠܬܵܢܹܐ ܒܸܬ ܦܵܐܹܫ ܬܒ݂ܝܼܪܵܐ، ܘܠܹܐ ܗܵܘܝܵܐ ܠܹܗ ܒܵܣܲܡܬܵܐ.
2ܟܲܕ ܙܵܝܕܝܼ ܙܲܕܝܼܩܹ̈ܐ ܟܹܐ ܚܵܕܹܐ ܥܲܡܵܐ،
ܐܝܼܢܵܐ ܒܫܘܼܠܛܵܢܵܐ ܕܪܲܫܝܼܥܵܐ ܟܹܐ ܬܲܢܸܚ ܥܲܡܵܐ.
3ܐ݇ܢܵܫܵܐ ܕܡܲܚܸܒ ܚܸܟ݂ܡܬܵܐ ܟܹܐ ܡܲܚܕܹܐ ܠܒܵܒܘܼܗܝ،
ܐܝܼܢܵܐ ܚܲܒ݂ܪܵܐ ܕܙܵܢܝܵܬܹ̈ܐ ܟܹܐ ܛܲܠܸܩ ܥܘܼܬܪܹܗ.
4ܡܲܠܟܵܐ ܒܗܵܩܘܼܬܵܐ ܟܹܐ ܡܲܩܘܹܐ ܠܵܗ̇ ܐܲܪܥܵܐ،
ܐܝܼܢܵܐ ܫܵܩܠܵܢܵܐ ܕܪܸ̈ܫܘܲܬܹܐ ܟܹܐ ܬܵܠܹܚ ܠܵܗ̇.
5ܐ݇ܢܵܫܵܐ ܡܲܟ̰ܥܝܼܵܢܵܐ ܕܚܲܒ݂ܪܹܗ،
ܓܲܪܕܵܐ ܟܹܐ ܦܵܪܹܣ ܥܲܠ ܦܵܣܘܿܥܝܵܬܹ̈ܗ.
6ܐ݇ܢܵܫܵܐ ܒܝܼܫܵܐ ܒܓܢܵܗܹܗ ܟܹܐ ܢܵܦܹܠ ܓܵܘ ܦܲܚܵܐ،
ܐܝܼܢܵܐ ܙܲܕܝܼܩܵܐ ܟܹܐ ܩܲܘܸܚ ܘܚܵܕܹܐ.
7ܟܹܐ ܝܵܕܹܥ ܙܲܕܝܼܩܵܐ ܗܵܩܘܼܬܵܐ ܕܡܸܣܟܹܢܹ̈ܐ،
ܐܝܼܢܵܐ ܪܲܫܝܼܥܵܐ ܠܹܐ ܦܲܪܡܹܐ ܠܵܗ̇ ܐܵܗܵܐ ܝ݇ܕܲܥܬܵܐ.
8ܐ݇ܢܵܫܹ̈ܐ ܡܲܣܚܸܪ̈ܵܢܹܐ ܟܹܐ ܡܵܚܝܼ ܢܘܼܪܵܐ ܒܡܕܝܼܢ݇ܬܵܐ،
ܐܝܼܢܵܐ ܚܲܟܝܼܡܹ̈ܐ ܟܹܐ ܡܲܫܠܝܼ ܟܲܪܒܵܐ.
9ܐ݇ܢܵܫܵܐ ܚܲܟܝܼܡܵܐ ܟܲܕ ܥܵܒܹܕ ܕܲܥܘܝܼ ܥܲܡ ܐ݇ܢܵܫܵܐ ܣܲܟ݂ܠܵܐ،
ܐܸܢ ܟܵܪܹܒ ܣܲܟ݂ܠܵܐ ܝܲܢ ܓܵܚܹܟ ܠܲܝܬ ܢܝܵܚܬܵܐ.
10ܐ݇ܢܵܫܹ̈ܐ ܫܲܦܟ݂ܵܢܹ̈ܐ ܕܕܸܡܵܐ ܟܹܐ ܣܵܢܝܼ ܠܬܲܡܝܼܡܵܐ،
ܐܝܼܢܵܐ ܬܪ̈ܘܼܨܹܐ ܟܹܐ ܒܵܥܝܼ ܛܵܒ݂ܬܹܗ.
11ܟܠܵܗ̇ ܚܸܡܬܹܗ ܟܹܐ ܦܲܠܸܛ ܠܵܗ̇ ܣܲܟ݂ܠܵܐ،
ܐܝܼܢܵܐ ܚܲܟܝܼܡܵܐ ܟܹܐ ܡܲܫܠܹܐ ܠܵܗ̇.
12ܫܲܠܝܼܛܵܐ ܕܡܲܨܝܸܬ ܠܗܹܡܸܙܡܵܢ ܕܕܘܼܓܠܵܐ،
ܟܠܲܝܗܝ ܦܲܠܵܚܘܼ̈ܗܝ ܪ̈ܲܫܝܼܥܹܐ ܝܢܵܐ.
13ܡܸܣܟܹܢܵܐ ܘܐ݇ܢܵܫܵܐ ܛܵܠܡܵܢܵܐ ܐܲܝܟ݂ ܚܕܵܕܹ̈ܐ ܝܢܵܐ،
ܒܗ̇ܝ ܕܒܲܗܪܸܢܵܢܵܐ ܕܥܲܝܢܹ̈ܐ ܕܬܸܪܘܲܝܗܝ ܡܵܪܝܵܐ ܝܠܹܗ.
14ܡܲܠܟܵܐ ܕܕܵܐܹܢ ܒܫܪܵܪܵܐ ܠܡܸܣܟܹܢܹ̈ܐ،
ܟܘܼܪܣܝܹܗ ܠܥܵܠܲܡ ܒܸܬ ܡܩܵܘܹܐ.
15ܩܲܛܝܼܥܵܐ ܘܡܲܢܟܲܣܬܵܐ ܟܹܐ ܝܵܗ݇ܒ݂ܝܼ ܚܸܟ݂ܡܬܵܐ،
ܐܝܼܢܵܐ ܝܵܠܵܕ݇ܐ ܫܒ݂ܝܼܩܵܐ ܬܚܘܿܬ ܪܹܫܵܐ ܕܓܵܢܹܗ ܟܹܐ ܡܲܢܟܸܦ ܠܝܸܡܹܗ.
16ܟܲܕ ܙܵܝܕܝܼ ܪ̈ܲܫܝܼܥܹܐ ܟܹܐ ܙܵܝܕܵܐ ܓܢܵܗܵܐ،
ܐܝܼܢܵܐ ܙܲܕܝܼܩܹ̈ܐ ܒܸܬ ܚܵܙܝܼ ܢܦܵܠܬܲܝܗܝ.
17ܬܲܥܠܸܡ ܠܒܪܘܿܢܘܼܟ݂، ܘܒܸܬ ܡܲܢܝܸܚ ܠܘܼܟ݂،
ܘܒܸܬ ܝܲܗ݇ܒܸܠ ܒܘܼܣܵܡܹ̈ܐ ܠܓܵܢܘܼܟ݂.
18ܒܠܵܐ ܚܸܙܘܵܐ ܥܲܡܵܐ ܟܹܐ ܗܵܘܹܐ ܫܸܪܝܵܐ،
ܐܝܼܢܵܐ ܛܘܼܒ݂ܵܐ ܠܗ̇ܘ ܕܢܵܛܹܪ ܢܵܡܘܿܣܵܐ.
19ܐܲܚܟ̰ܝܼ ܒܗܹܡܸܙܡܵܢܹ̈ܐ ܠܹܐ ܦܵܐܹܫ ܬܘܼܥܠܸܡܵܐ ܪܹܓܵܐ،
ܣܵܒܵܒ ܐܵܦܸܢ ܟܹܐ ܦܲܪܡܹܐ ܐܝܼܢܵܐ ܠܹܐ ܥܵܒܹܕ.
20ܚܙܹܐ ܠܘܼܟ݂ ܐ݇ܢܵܫܵܐ ܡܲܠܝܸܙܵܢܵܐ ܒܗܹܡܸܙܡܵܢܘܼ̈ܗܝ؟
ܐܝܼܬ ܗܹܒ݂ܝܼ ܠܣܲܟ݂ܠܵܐ ܒܘܼܫ ܙܵܘܕܵܐ ܡܸܢܹܗ.
21ܗ̇ܘ ܕܛܲܠܸܙ ܪܹܓܹܗ ܡ̣ܢ ܙܥܘܿܪܘܼܬܵܐ،
ܒܚܲܪܬܵܐ ܒܸܬ ܗܵܘܹܐ ܐܸܠܹܗ ܝܵܪܘܿܬܵܐ.
22ܐ݇ܢܵܫܵܐ ܟܵܪܘܿܒܵܐ ܟܹܐ ܡܲܩܸܡ ܕܘܼܪܵܫܵܐ،
ܘܐ݇ܢܵܫܵܐ ܚܸܡܬܵܢܵܐ ܟܹܐ ܡܲܙܝܸܕ ܓܢܵܗܵܐ.
23ܪܵܡܘܼܬܵܐ ܕܐ݇ܢܵܫܵܐ ܟܹܐ ܡܲܟܸܦܵܐ ܠܹܗ،
ܐܝܼܢܵܐ ܟܘܼܦܵܐ ܕܪܘܼܚܵܐ ܒܸܬ ܩܵܢܹܐ ܐܝܼܩܵܪܵܐ.
24ܦܲܠܸܥܵܢܵܐ ܥܲܡ ܓܹܢܵܒ݂ܵܐ ܟܹܐ ܣܵܢܹܐ ܓܵܢܹܗ،
ܟܹܐ ܫܵܡܹܥ ܡܵܘܡܝܼܬܵܐ ܐܝܼܢܵܐ ܠܹܐ ܡܲܕܸܥ ܫܪܵܪܵܐ.
25ܙܕܘܼܥܬܵܐ ܕܐ݇ܢܵܫܵܐ ܟܹܐ ܡܲܝܬܝܵܐ ܢܸܫܒ݂ܵܐ،
ܐܝܼܢܵܐ ܣܵܒܪܵܢܵܐ ܒܡܵܪܝܵܐ ܒܸܬ ܦܵܐܹܫ ܡܘܼܪܡܵܐ ܠܫܲܝܢܵܐ.
26ܪܵܒܵܐ ܟܹܐ ܛܵܥܝܼ ܛܵܒ݂ܬܵܐ ܡ̣ܢ ܫܲܠܝܼܛܵܐ،
ܐܝܼܢܵܐ ܡ̣ܢ ܡܵܪܝܵܐ ܝܠܵܗ̇ ܗܵܩܘܼܬܵܐ ܕܐ݇ܢܵܫܵܐ.
27ܛܲܡܐܘܼܬܵܐ ܝܠܹܗ ܠܙܲܕܝܼܩܹ̈ܐ ܐ݇ܢܵܫܵܐ ܥܵܘܵܠܵܐ،
ܘܛܲܡܐܘܼܬܵܐ ܝܠܹܗ ܠܪܲܫܝܼܥܵܐ ܬܪܘܼܨܵܐ ܕܐܘܼܪܚܵܐ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Aramaic Bible Translation Assyrian Bible © 2025 Aramaic Bible Translation