Hosea 3
3
Kerensa Duw orth Ysrael
1Ena an Arloedh a leveris dhymm arta, ‘Ke, kar benyn yw kares kentrevek, hag avoutres, kepar ha kerensa an Arloedh orth mebyon Ysrael, kyn treylyons dhe dhuwow erell, ha kara tesennow-grappys.’ 2Ytho my a's prenas ragov a bymthek bath arghans, ha homer a heydh ha lethek a heydh.#3:2 ha homer a heydh ha lethek a heydh: Homer yw 394 liter, Lethek yw hanter homer. Po amendyans ha homer a heydh ha kroghen a win. 3Ena my a leveris dhedhi, ‘Meur a dhydhyow ty a wra triga genev; ny vydhydh hora, na bos gans gour, hag ynwedh my yw dhis.’ 4Rag mebyon Ysrael a wra triga meur a dhydhyow heb myghtern, ha heb penntern, ha heb sakrifis, ha heb peulven, ha heb efod na terafim. #3:4 terafim: Imajys duwow teylu. 5A-wosa, mebyon Ysrael a wra dehweles ha hwilas an Arloedh aga Duw, ha Davydh aga myghtern. I a dheu gans own dhe'n Arloedh ha dh'y dhader y'n dydhyow diwettha.
Currently Selected:
Hosea 3: ABK
Highlight
Copy
Compare
Share
Want to have your highlights saved across all your devices? Sign up or sign in
© Kesva an Taves Kernewek 2004, 2024
© Cornish Language Board 2004, 2024
