ROMANKVDVNG 3

1Cmpcmvlo Jiwukvdv:dokkc oko arcko du:n? Cdcmanggom gadpuknamdokkc oko arcko du:n? 2Appv:loi bojcdag. Lurobbompc, Jiwukvdv:dcm Ru:ncpvnckc agomkvdv:dcm togc:lvgtagai. 3Akedc mc:jvgma:mvlo kapc iycsong? Buluk mc:jvg kama:nam kvdv:dc Ru:ncpvnckc mc:jvg-jvrvgnamdcm topakycnci? 4Kapcsin ima:yc! Ru:ncpvncbv aroka:langka appvng tani:yc lume:daggom, cdcm adla lc:namdcmpc,

“Jc no nok agomlo arro cmna luycpc,

odokkc nom kcba: ba:dodo:sin mopvsuycpc.”

5Ckvdaggom ngoluk aima:namki dormo kamangkoki Ru:ncpvncmc dormo innc cmna lcngkandagmvlo, ngolu okkomna luycn? 6Kapila:nc cdcmpcmvlo kapc Ru:ncpvncbv mo:pvscm kcbangcm ba:la:ycn?

7Cmpige:la ngok lume: lunamkokki Ru:ncpvnckc aro arodcm Bvk amin gvnam lcga:pc biyc, kapila ngo su:paksin pa:b innc cmna kcba: ba:la mokekosuycn? 8Odokkc kapila aima:nc agercm ainc lendopc germa:nc? kapc tani: akke aima:pc lugcla ngolum lua:dang cdcmpc lula. Bulum kcba:ba:la mokenam kvdv:dc arodo.

Akosin Dormo Kannc Kamang

9Cmpcmvlo okkon? Ngolu Jiwu kvdv:dc ammemyam atvko aiya:dagnci? Ma:, cmpcsinmang; kapila:nc ngo samjcmla luttoibong jc appv tani:yc, Jiwuyclang Girik anyipagc, 10pa:b ara:lo dung, cdcm adla lc:namdcmpc:

“Sc:kosin dormo kancmang, ma:, akosin.

11Akosin mcngkin-sakkinmang,

sc:kosin Ru:ncpvncmc mamang.

12Appv:dc gvyodla gvkang,

lckko:pc bulu gvmurra gvpakkang;

sc:kosin ainc agercm germang, akkoukosinci.”

13“Buluk gvrvkvdv:dc moge:nam aggo,

buluk ayokvdv:dcm yadnapc lunadag.”

“Aima:n tabvlok dvgncdc buluk ayo kcyvgdo du:dag.”

14“Buluk nappangc pelvgnammclang konnc bi:dag.”

15“Buluk alckvdv:dc i:yycm bidmopc lomna korrvgdag;

16buluk lambckvdv:do momvgmosvgclang mc:dvr-mc:songc,

17Odokkc mcngandok lambcdcm bulu kinmang.”

18“Buluk amikkvdv:dok kangkolo Ru:ncpvnckc pcsso kamang.”

19Su:pak ngolu kindag jc lujvg lurodc okodcm ludagji cdc sc:kobulu lujvg lurodok lukamdo du:dagji cdcmbulum ludag, odomvlo jen appvng nappangcm motumycpc, odokkc mo:pv appv:sc Ru:ncpvnckolo ajcngc du:yc. 20Kapila:nc oko taniycmsin Bvk kangkolo ainc cmna lujvg lurodok agerkokki luma:yc, lujvg-lurodokki pa:b kinam a:la:yam.

Ru:ncpvncbv Kapc Ngolum Bvkkolo Aimodakkun

21Cmpige:la su:pak Ru:ncpvnckc dormokanamdcm lujvglurodokki lcngkantobong, lujvglurodc:lang lungor lunckvdv:dc cdcm odok lcga:pc lukan lubidaggom, 22Ru:ncpvnckc dormokanamdc Jisu Kristom mc:jvgnamkokki appvngkc lcgang sc:kobulu mc:jvgdagji. Kapila:nc angupc lcngkannammc kamang; 23appvngc pa:bcm ila:yam odokkc Ru:ncpvnckc amin gvnamdokkc opakletkang, 24bulu Bvk ayangkokki ainc cmna amankopc ludag, Kristo Jisukolo pa:nam mopvnamkokki, 25sc:kom Ru:ncpvncbv porasit inckoncmpc bvk i:dokki topolvgtoji, mc:jvgkokki torvgsunamdcmpc. Cdc Ru:ncpvnckc dormo kanamdcm lcngkampc, kapcnc Bvk taycng among oila dunggcnamdokki Bv po:pckc inam pa:b kvdv:dcm gvbo:la gvkang; 26silomclokc ayirso cdcm arro cmna inamai jc Bv avdci dormokannc odokkc jc Bv ainc cmna ludag sc:kokc Jisukolo mc:jvgc du:ji.

27Cmpcmvlo okodc ngoluk bottcpc lusunampc idon? Cdcm la:paktobong. Kapinc lutcnggvtcng-kokki? Kapinc agerlok lujvglurokki? Ma:, cdcmpige:la mc:jvgnamlok lujvglurokokki. 28Kapila:nc ngolu gagdo jc lujvg lurodok agerdok angupcgom tani: akonc mc:jvgdokki ainc cmna ludo. 29Cdcmanggom Ru:ncpvncbv Jiwu kvdungo:lok Ru:ncpvnnongci? Bv Angu tani:kvdv:dok Ru:ncpvncsinma:lang? 30C:, Angu tani:kvdv:dokkcsin, Ru:ncpvncbv akkongkola:yam; odokkc Bv gadpuknam kvdv:dcm ainc cmna luyc buluk mc:jvgnam kvdv:dcm ainc cmna luyc buluk mc:jvgnam lcgangc odokkc gadpuknam kvdv:dcm buluk mc:jvgnamkvdv:dokki. 31Cdcmpcmvlo ngolu lujvglurodcm sc mc:jvgsokki yogpakmodu:nci? Kapcsinmang! Kekonpc, ngolu lujvg lurodcm kvnggv:pc dungkamdcmpc du:mu:dung.

Currently Selected:

ROMANKVDVNG 3: MISIBSI

Highlight

Copy