HIBRIUKVDVNG 1
1
Ru:ncpvnckc Agomc Bvk Awodokki
1Bojcru:lo odokkc angu angu lambcki Ru:ncpvncbv lekelokkcbong ngoluk abukvdv:dcm lungor lunckvdv:dokki luto; 2cmpige:la sc du:tcr longckvdv:so Bv ngolum Awo akokokki luto, sc:kom Bv appvng attarlo pangkonsuncpc tolvgtoji, sckkokki Bv Mo:pvscm ru:toji. 3Bv Ru:ncpvnckc amin gvnamdcm unkonsumodag odokkc Bvk mour tubjedardcmpc inam-sa:nam lcngkandag, mo:pv ap pv:scm agomdok ilang gvlangki jo:sa:la. Cdvlo Bv pa:pkvdv:dok lcgangc narcngmotonc, Bv taycng amo:to Mcngcru:namlok lagbvgpc tedkang.
Ru:ncpvnckc Awodok Bottcru:nam
4Taycng among lutadlunc kvdv:dcm bottarya:ncpc ila Bv bulumyam aiya:ru:nammcm pa:to. 5Kapcnc taycng lutad lunckvdv:dc lekelokkcbong Ru:ncpvncbv sc:kom okkomna lukanc,
“No ngok Aowo,
Silo ngo nom otobong?”
Cdcmanggom lckoda,
“Ngo Bvkkcpc abukcpc badyc,
odokkc Bv ngokkcpc awokopc iyc?”
6Odokkc lckoda, cdvlo Bv opongarnamkvdv:dcm
mo:pvso:pc gvboyckunc, Bv ludag,
“Ru:ncpvnckc taycng lutad appv:dcm Bvm kummotoka.”
7Taycng among lutad lunckvdv:dok agomcm ludag,
“Sc:kobv Bvk taycng among lutad lunckvdv:dcm csarpc imodagji,
odokkc Bvk pagbokvdv:dcm vmvlok dorncpc imodagji.”
8Cmpige:la Awodok agomcm bv ludag,
“Nok migom dungkodc, O Ru:ncpvnc, lo:dv longkcm du:yc!
Dormo kanc migom ilang–gvla:namdc nok migom doko mo:pvdok ilanggvla:nammc.
9No dormokanamcm aipc mc:to odokkc lujvglurokama:nammcm tayumto.
Cdcmpidag Ru:ncpcpvncbv, nok Ru:ncpvncbv nom mc:pomcngannok
tulangcm yonnvgto nok ajonkvdv:dcmyam bojcya:pc.”
10Odokkc, “No, Ru:tumno, lendo-a:do:do mopvscm pvto,
odokkc taycngkvdv:to nok alakdog agerc.
11Cdcbulu yogpakyc, cmpige:la no du:tvdag;
cdcbulu gcnam attarcmpc, akubomna gvdag.
12No gasorcmpc cdcmbulum yedsa:dag,
odokkc bulum angumoyc.
Cmpige:la no cddvng c:mo:pinnc,
odokkc nok dv:tak kvdv:dc cdvlosin gvngapma:yc.”
13Cmpige:la oko taycng lutad lunncm Bv cdvlai luton,
“Ngok lagbvgpc tedttok,
nok miru kvdv:dcm
nok alckvdv:dok lcgc:pc imoma:sisscm.”
14Cdc appv:dc ager incsa:nc yaloma:lang ager gerdopc mclvgnammc, cdc sc:kobulu moturcm pa:tonc odok buluk lcgangc?
Currently Selected:
HIBRIUKVDVNG 1: MISIBSI
Highlight
Share
Copy
Want to have your highlights saved across all your devices? Sign up or sign in
Mising New Testament - ANU LUGOD
Copyright © 2001 by The Bible Society of India
Used by permission. All rights reserved worldwide.
