1 TIMOTI: 4
4
Lume: Luyirnc Poyirnckvdv:dc
1Su:pak Yalodc lulendanna ludag jc lcdukc ayirkvdv:do akke mc:jvglokkc gvpakycku yadgo:nc yalokvdv:dok agomcm tadla odokkc uikvdv:dok lukamcm orv:n ncrkvg agomkvdv:dcm tadla, 2lume: luncdok yadnamkokki sc:ko mcngcsagckvdv:dc vmvlo romnamcji, 3sc:ko midangcm moma:ji odokkc donamtv:namcm doma:pc du:dagji okodcm Ru:ncpvncbv aipai bila torvgsudopc ru:tungaji cdc sc:kobulu mc:jvgdagji odokkc arodcm kindagji. 4Kapcnc Ru:ncpvnckc ru:nam appv:dc aidag, odokkc okodcmsin aimang cmna lupakpcnammang cdcm jodi aipai bila torvgsutomvlo; 5kapcnc odo cdc Ru:ncpvckc gomugdokki angunmotakbong odokkc kumnamki.
Kristo Jisukc Ainc Ager Gerya:nc
6Jodi nolu sc luyir lunamkvdv:scm bvrokvdv:dok kcra:do lc:biyc nolu Jisu Kristokc ainc migom ager gerncpc iyc, mc:jvglok agomlo mosv:momola odokkc ainc lukam agom okodcm nolu tadla gvmvntoji. 7Dormo kama:nc odokkc lekekc atvma:nc do:yvng kvdv:dokki okkomsin ipcnammag. 8No av-avyc ainc dormo kanamki iyir-gvyirsutoka; kapcnc amvr-amo iyir-gvyirsunamdc asudowko arc kadoji, dormokanamdc appvng agerlo arckadag, kapcnnc cdc silomclokc turnamsok pesupcnamdcm gagla du:dag odokkc a:pcnc turnamdok lcgangcsin. 9Cdc lunamdc arorungc odokkc aiyo:pc torvgsunamdc arckadag. 10Kapcnc su:paklo:pc ngolu agercm gerdung odokkc kvnggv:pc ankvla ka:dung, kapcnc ngolukkc ngoluk mc:tincm turla du:nc Ru:ncpvnckolo mc:tintung, sc:kobv tani:appv:lok Moturncji, anggo-scscmpc cdc sc:kobulu mc:jvgdagji.
11Lulvgtoka odokkc sc agomkvdv:scm poyirtoka. 12Nok ya:me sv:sangcm sc:komsin lupak-luyakkosuyok, cmpige:la mc:jvgnc kvdv:dcm agom lunamko odokkc du:nam-dagnamlok kanggotpc imotoka, aipc mc:namlo, mc:jvglo, angunno. 13Ngok gvlatkuma:sisscm, tani:kvdv:dok dungkolo astrong agom ponamdcm potvlangka, lutadcm luyirtvlang, poyirlang. 14Nok aman du:ncdcm mc:ya-mc:sayoka, okodcm cdvlo nom lungor lunamkokki bitungaji cdvlo abv:nc kvdv:dok kcba:dc buluk alakkvdv:dcm nokkolo pigapkaji. 15Sc gerpcnam agerkvdv:scm iyit-gvyittoka, odobulu no avyc tolvgsulangka, odomvlo jen appvngc nok gvgcla gvnamdcm ka:begycpc. 16No avyc-avycm ansulangka odokkc nok poyirnam kvdv:dcm; cdcmbulum gagbomna du:toka, kapcnc cdcmpc itvla du:la no avyc motusuyc odokkc tadnckvdv:dcmsin.
Currently Selected:
1 TIMOTI: 4: MISIBSI
Highlight
Share
Copy
Want to have your highlights saved across all your devices? Sign up or sign in
Mising New Testament - ANU LUGOD
Copyright © 2001 by The Bible Society of India
Used by permission. All rights reserved worldwide.
