1 TISSALONIANG 3
3
1Cdcmpidag cdvlo cdcm mcrasula:toma:bo:nc, ngolu Etendo atcrongcm lc:pakkosulv:to, 2odokkc ngolu Timoti:mc mclvgto, ngoluk bvrodcm odokkc Ru:ncpvncmc ager gerya:ncdcm Kristokc tadponc lutaddo, noluk mc:jvglo nolum mcjv:sudopc odokkc nolum lusv:mosv:pc, 3jc sc:kosin ipusire:sokki cngunma:ycpc cmna. Nolu av avkvdv:dci kindag jc cdc ngoluk pa:pcnampc ipcnammc. 4Kapila:nc cdvlo ngolu noluk lcdulo dunganc, ngolu po:pcbong nolum luka jc ngolu ipusire:ycm pa:pcnammc; kappar cdc cdcmpc ika:ji, odokkc kapc nolu kindagji. 5Kapcnc sok lcgangc, cdvlo ngo cmpcsin menrasula:toma:bo:ji, ngo mclvgto jc ngo:jen noluk mc:jvgdcm kinna:ycpc, kapcnc pcsonam lcgangc jc kapcji ila cdc ka:bomc:bomoncdc nolum ka:bomc:bomoto odokkc jc ngoluk ager gernamdc cmmumpc iycpc.
6Cmpige:la su:pak jc Timoti:bv ngolukkolo:pc gvdo nolukkolokkc, odokkc noluk mc:jvgdok tadponc lutaddokla: aipc mc:namdok bombido odokkc lubitung jc nolu lo:dvscm ngolum aya:pc mc:la mc:pa:dodokkc ngolum ka:lv:dag, 7ngolu kapc nolum ka:lv:dagji–sok lcga:sok, bvrokvdvnga, ngoluk appvng dungkoycko kamangkolo, du:g gvnamlo odokkc asin mc:dvrro ngolum nolukkokki noluk mc:jvgkokki mc:pomoto; 8Kapila:nc ngolu su:pak turdo, nolu jodi Ru:tumkolo cngunma:pc du:yc. 9Kapila:nc oko aipai binamcm ngolu Ru:ncmc noluk lcgangc bila:ycn, kapila:nc mc:po appv:dcm ngolu okodcm noluk lcgangc mc:dagnc ngoluk Ru:ncpvnckc kcra:do, 10kvnggv:pc mcnga:la kumna yummcmna: longgcm jc ngolu ka:de: ka:de:pc ka:begycpc odokkc noluk mc:jvgdo okodcm kama:ji cdcm bidopc.
11Su:pak ngoluk Ru:ncpvncbv odokkc Abubv avdc, odokkc ngoluk Ru:tum Jisubv, ngolum lambcm nolukkolo:pc lcngkantcika; 12odokkc Ru:tumbv nolum akonc akoncm odokkc appvng tani:ycm aipc mc:namdcm mc:barra gvmoteika, ngolu kapc nolum idagji, 13odomvlo jc Bv noluk asinkvdv:dcm lujckko kama:dopc angunno ngoluk Ru:ncpvnckc odokkc Abukc kcra:lo, ngoluk Ru:tum Jisukc Bvk aipc kumnc tani: appv:dokkc gvdokudo.
Currently Selected:
1 TISSALONIANG 3: MISIBSI
Highlight
Share
Copy
Want to have your highlights saved across all your devices? Sign up or sign in
Mising New Testament - ANU LUGOD
Copyright © 2001 by The Bible Society of India
Used by permission. All rights reserved worldwide.
