1 TISSALONIANG 1
1
1Poulbv, Silbanu:bv, odokkc Timoti:bv, Tissaloniang kvdv:dok mondoli:do:pc Ru:ncpvnc Abukolo odokkc Ru:tum Jisu Kristokolo:
Nolukkolo:pc ayangc odokkc mcnganc.
Tissaloniangkvdv:dok Turnamclang Mc:jvgc
2Ngolu lo:dcm Ru:ncpvncmc noluk appvng lcgangc mcma:ru:pai, aipc bido, nolum minna ngoluk kumdom, 3ngoluk Ru:ncpvnc odokkc Abukc kcra:la noluk mc:jvglok agerkvdv:dcm odokkc aipc mcnamlok kvnggv:pc ager gernamcm odokkc mcma:ru:pc mc:tinnammcm ngolu Ru:tum Jisu Kristokolo mc:pa: mc:pa:la. 4Kapila:nc ngolu kindag, Ru:ncpvnckokki mc:bomsunam bvrrangkvdvnga, jc Bv nolum balenna la:to; 5kapcnc ngoluk tadponc lutaddc nolukkolo:pc agomongkokki pvnga:mang, cmpige:la kvnggv:pc ilang gvla:lo:sin odokkc Angunnc Yalodo odokkc pv:namko aropakpc mc:namc bi:danna. Nolu kindag kapinc tani:pc ngolu noluk kcra:lo lcngkansubikaji noluk lcgangc. 6Odokkc nolu ngolukkclang Ru:tumkc iko gvkolo gvmvnncpc ikang, kapila:nc nolu kvnggv:pc du:glo agomdcm torvgsuto, Angunnc Yalodokki mc:pomola. 7Cdcmpila nolu mc:jvgnc appv:lok ara:lo Makedoniangdo:lang Akaia:do kanggotpc ikang. 8Kapila:nc nolukkolokkc Ru:tumkc agomdc Makedoniang do:pclang Akaiango:do:pc gvtomang, cmpige:la noluk Ru:ncpvnckolo mc:jvgdc appv:lo:pc gvngapkang, cdcmpcjc ngolu okkomsin lupcnampc itomang. 9Kapila:nc bulu av avkvdv:dc ngoluk agomcm lutadto kapinc torvgsunamc ngolu nolukkolo pa:toji, odokkc kapc nolu Ru:ncpvnckolo:pc gvlattokuji moimang monamkvdv:dokkc. 10Turra du:nc odokkc aro Ru:ncpvnckolok agerko gerpc, odokkc tayc:tokkcm Bvk Awodok lcgangc toya:la du:pc, sc:kom Bv sikolokkcm turmotokuji, Jisumc sc:kobv a:pcnc palvg lvgnamdokkcm ngolum mopvtyckuji.
Currently Selected:
1 TISSALONIANG 1: MISIBSI
Highlight
Share
Copy
Want to have your highlights saved across all your devices? Sign up or sign in
Mising New Testament - ANU LUGOD
Copyright © 2001 by The Bible Society of India
Used by permission. All rights reserved worldwide.
