MALAKI 4
4
Tingwang gu Naimikpui Wang’nnadibe
1“Chidaze pie le lau, chi naimikpui wangmie de lei, ’mmang ge hemi getaube gum zeu, chipau mai ge â gechîrettewme leine benai tâ-kesiabe tewme leine â, megau mui gum ze chang gai du de lei; pema benai bekeî ’nsangdu mâ de ’nsakpat mak ra chipau mai wangbe gezene chiramme rû kam ’ndu lei,” ze baudime gu Tingwang ne kacheu de lei. 2Kane ningnui a ji je hingchime hang â kapelingbe naimik pat ku lei, tewka’mmibe pe kan ge pung lu zeu. Getumpoine ramme je pe ki gene ’mpat kai bei ze ’nsakkedingpat gum ze penui zuapat ku lei. 3Kesiame je ningnui ne kutchim gu lei, I ne tâtewliagaibe mai dezai ningnui pî kangge penui â timbun gum ze chang gai du daseu, ze baudime gu Tingwang ne kacheu de lei.
4“A luntewpeu Mosabe gu hingde ze chî bam lau, Israelme leine hangge Horeb gene I ne pechu diegaibe hingdetewgaibe ramme benai rawdiakkaibe-hingde ramme zeu.
5“Pie le lau ni, Tingwang ngeudibe benai mi ngauhingbe naimikpui wangchangrabe suage kemeu’mpeu Elijabe je ningnui dage I lang gai gu lei. 6Dezaine pa ne bepeume lungtak ze penui name dage tei’nreiwang gai gu, zai penui name lung tak ze hêpeume dage tei’nreiwang gai gu lei, dezai I ne wang ze heram je deset kai ze tew’nsia gai mak ra hangge zeu,” kacheu de lei.
Currently Selected:
MALAKI 4: ZEMEBSI
Highlight
Share
Copy
Want to have your highlights saved across all your devices? Sign up or sign in
Zeme Naga CL Bible - KEMCI BIBLE
Copyright © 2013 by The Bible Society of India
Used by permission. All rights reserved worldwide.