HOSIA 3
3
Hosiabe benai Lungkahaîlapui
1Tingwang ne achu, “Tat dai rî lau, zai kahemapui pa ’nraipeu je ngau’nrai bampui je ngau’nrai gai rî lau; Israel name kêdabe râ ramme je peutat ti, zai wain bung ramme je ’nchâ ze bam di sede Tingwang ne penui je hungbe luigum zeu.” Ze rang gai de lei. 2Chidadege gepût-rangkâng kereu ze mengeu benai barli hit haî kat ze rengeu ne pechu I lui de lei. 3I ne pechu, pa â betinggetie â a dage bam bam ra, zai pe pum zuateu mak ra, zai hema mak ra lei, zai chipau ting ge â I du pe dage nguabam bam gu lei be rang gai bei de lei. 4Aipau helî gum ze Israelme du penui gu heguang ’ngga, zai kanguame ’ngga, herâtewbe ramme ’ngga zai ka’nchibe chusum ramme du ’ngga, zai mâ luîtewbe ramme teibe gene gekungbe tâ tewbe ramme leine ’ngga di ze beting misongga bam ra chang gu lei. 5Kane nâlangbe tingnaimikpui wangchang dezai â Israel name Tingwang penui Rapeu dage, zai penui gu Heguang Dabidbe dage helatwang dai gu lei, chidezai Tingwang je kehingme penui chang gu lei, zai Tingwang gut keyibe penui ngau gu lei.
Currently Selected:
HOSIA 3: ZEMEBSI
Highlight
Copy
Compare
Share
Want to have your highlights saved across all your devices? Sign up or sign in
Zeme Naga CL Bible - KEMCI BIBLE
Copyright © 2013 by The Bible Society of India
Used by permission. All rights reserved worldwide.
