JENESIS 50
50
1Chidadege Josepbe pe peu ju ge ’mbeî gai lu, hap ze pechu kakeput te lei. 2Zai Josepbe ne pe guâ ka’ngguame reheu chime je pe peu je reheu ’nnuk kai ze teleu gai ra rang gai bei de lei. Chipau luigum ze reheu chime ne Israelbe je reheu kai ze teleu gai de lei; 3misongga ze reheu ’nnuk kai ra ka’nnangbe ziegene, hezie hedai ka’nnang de lei, zai Ijipme ne hezie riaksena pechu puîhap ze bam de lei. 4Zai pechu kadesuibe ting tua di dege, Josepbe ne Pharaobe kiduîme je ’mpau ze, acheu sa ze, “Chunage ningnui mikngau ge achu ningnui ka’nchâbe chang zai â ningnui dage I kie lei, Pharaobe seube ge acheu sa gai lau, 5A peu ne pe dage deseutew ra achu tew gai ze acheu sa ze, ‘I â chai zi gu de lei: Kanaanram ge I ne a raw hang sugailube ge nang achu bai gai ra lei,’ kacheu de lei. Chunage chidaze I hang ze a peu je bai gai ra tat ra pei lau, ning dage I kie de lei; dezai I helatwang dai gu lei,” ze kacheu de lei. 6Zai Pharaobe ne kak ze, “Hang zu lau, pe dage nang deseugailube luigum ze ning peu je bai le lau,” kacheu de lei. 7Chidadege pe peu je bai ra hang Josepbe hang di de lei; zai pe dage Pharaobe guâ ka’ngguame leine, pe kichîngme leine, zai Ijipram ge gechîngme leine, 8Josepbe kiduîme leine, pe sikiname, zai pe peu kiduîme du ’nteumena je ngua lu hang di de lei; penui name, penui gu kaurui ramme, zai getumdung ramme je runne Goshenram ge ’nsak-kaidiak te lei. 9Zai pe dage chige hekuntimriang ramme benai hekun chingchuame ramme je nguatat ka’mpam de lei; ziemmena pebau kie-desang di de lei.
10Jordan giam ge Atad gechaîpung penui wangchang dege, chige penui suisiabe gene kechai puîhap-kadesang de lei; zai pa ne pe peu je hezie sena puîhap ze bam de lei. 11Chipau ram deiname Kanaanme ne Atad gechaîpung ge kadesuibe ngau lu dege penui acheu sa ze, “Aize Ijipme ne desui-kadesangbe kau de lei,” kacheu de lei. Chipauziegene chipau bâm ze Abel-mizraim ’ntak kai de lei; chize â Jordan gene hela ’mbe la lei. 12Chigum ze pa ne ranggaibeibe luigum ze pe name ne tew gai de lei; 13pe name ne pechu Kanaanram ’mbe puatat lu Het’mpeu Ephronbe dagene Abrahambe ne heraw bâm hang helu benai luisuâlube bâm, Mamre gene naimikpat ’mbia Mak-pela ge helu ge hekâuki bambe ge pechu bai gai bei daseu. 14Pe peu je pa bai gai lu dege pe peu je pa bai gai ra nguatatme leine benai pe sikiname je pa ne ngua lu Ijipram ’mbe Josepbe helatwang dai di de lei.
Josepbe ne Pe Sikiname Lung Tewtemigaibe
15Penui peu chaidibe Josepbe sikiname ngau lu dege, penui ne sa ze, “Josepbe ne anui je ngaugailak lalau rei da zai pe peireige anui tâ-kesiabe tewgai’ndibe ze peiruî dai leu gu de lei,” kacheu de lei. 16Chidadege penui ne Josepbe dage samkela lang gai ze acheu sa de lei, “Ning peu ne pa chai makge aipau sam sa de lei, 17‘Josepbe je salia be lau, ning dage I kie lei, penui ne ning peireige tâ-kesiabe tewgai’ndibe ziegene ning sikiname hedieka’ngkabe benai penui gu hemui lun gai be lau,’ zeu. Zai chuna ge anui ne ning dage kie lei, ning peu Rapeu guâ ka’ngguame ramme gu hedieka’ngkabe lun gai lau,” acheu zeu. Penui ne pechu ka’mpaube luage Josepbe hap kai di de lei. 18Pe sikiname du wang ze pe suage kei’ngkumkeu lu, acheu sa ze, “Pie le lau, anui â ning guâ ka’ngguame bau de lei,” kacheu de lei. 19Kane Josepbe ne penui je, “Hing se lau, Hera kelei ge I ne la se mei? 20Ningnui lam gene â achu tew’nsia ra ningnui tew de lei; kane Hera â chize keyibe hang tew gai de lei, nemai riâ chang ze yi ze bam gum ze ziemmena misongga ze tew’nringgaibe wangchang le ra hangge zeu. 21Chidaze hing se lau; ningnui benai ningnui name hang ka’nnangbe I ne pei gu lei,” kacheu de lei. Chigum ze penui lung tew’ntip kai ze, tewtemichai gai bei de lei.
Josepbe Chaibe
22Chigum ze Ijipram ge pa benai pe peu kiduîme je ngua lu Josepbe lung ze bam de lei; zai Josepbe kum haî kat ze kereu ringchang gai de lei. 23Zai Josepbe ne Ephraimbe name rehei kechum je ngau lu de lei; Josepbe ringbe ting ge Manassebe na Makirbe name je du lungkeu gai ze bam de lei. 24Zai Josepbe ne pe sikiname je, “I â chai zi gu de lei; kane Hera ne ningnui je ’ngkiâmie gu lei, zai a peu ram gene ningnui je nguapat ze Abrahambe, Isaakbe zai Jakobbe je pa ne hetkaibe heram ge ngua gai gu lei,” kacheu de lei. 25Dadege Josepbe ne Israelbe name je deseutew ra rang gai de lei, acheu sa ze, “Hera ne ningnui je ’ngkiâmie gu lei, zai aigene a ra ramme ningnui punghang ra lei,” acheu zeu. 26Chidadege Josepbe kum haî kat ze kereu ringchang gai lu chai di de lei; zai penui ne pe pum ge reheu ’nnuk kai ze kateleu de lei, zai pechu â Ijipram ge geching ge kai de lei.
Currently Selected:
JENESIS 50: ZEMEBSI
Highlight
Share
Copy
Want to have your highlights saved across all your devices? Sign up or sign in
Zeme Naga CL Bible - KEMCI BIBLE
Copyright © 2013 by The Bible Society of India
Used by permission. All rights reserved worldwide.
JENESIS 50
50
1Chidadege Josepbe pe peu ju ge ’mbeî gai lu, hap ze pechu kakeput te lei. 2Zai Josepbe ne pe guâ ka’ngguame reheu chime je pe peu je reheu ’nnuk kai ze teleu gai ra rang gai bei de lei. Chipau luigum ze reheu chime ne Israelbe je reheu kai ze teleu gai de lei; 3misongga ze reheu ’nnuk kai ra ka’nnangbe ziegene, hezie hedai ka’nnang de lei, zai Ijipme ne hezie riaksena pechu puîhap ze bam de lei. 4Zai pechu kadesuibe ting tua di dege, Josepbe ne Pharaobe kiduîme je ’mpau ze, acheu sa ze, “Chunage ningnui mikngau ge achu ningnui ka’nchâbe chang zai â ningnui dage I kie lei, Pharaobe seube ge acheu sa gai lau, 5A peu ne pe dage deseutew ra achu tew gai ze acheu sa ze, ‘I â chai zi gu de lei: Kanaanram ge I ne a raw hang sugailube ge nang achu bai gai ra lei,’ kacheu de lei. Chunage chidaze I hang ze a peu je bai gai ra tat ra pei lau, ning dage I kie de lei; dezai I helatwang dai gu lei,” ze kacheu de lei. 6Zai Pharaobe ne kak ze, “Hang zu lau, pe dage nang deseugailube luigum ze ning peu je bai le lau,” kacheu de lei. 7Chidadege pe peu je bai ra hang Josepbe hang di de lei; zai pe dage Pharaobe guâ ka’ngguame leine, pe kichîngme leine, zai Ijipram ge gechîngme leine, 8Josepbe kiduîme leine, pe sikiname, zai pe peu kiduîme du ’nteumena je ngua lu hang di de lei; penui name, penui gu kaurui ramme, zai getumdung ramme je runne Goshenram ge ’nsak-kaidiak te lei. 9Zai pe dage chige hekuntimriang ramme benai hekun chingchuame ramme je nguatat ka’mpam de lei; ziemmena pebau kie-desang di de lei.
10Jordan giam ge Atad gechaîpung penui wangchang dege, chige penui suisiabe gene kechai puîhap-kadesang de lei; zai pa ne pe peu je hezie sena puîhap ze bam de lei. 11Chipau ram deiname Kanaanme ne Atad gechaîpung ge kadesuibe ngau lu dege penui acheu sa ze, “Aize Ijipme ne desui-kadesangbe kau de lei,” kacheu de lei. Chipauziegene chipau bâm ze Abel-mizraim ’ntak kai de lei; chize â Jordan gene hela ’mbe la lei. 12Chigum ze pa ne ranggaibeibe luigum ze pe name ne tew gai de lei; 13pe name ne pechu Kanaanram ’mbe puatat lu Het’mpeu Ephronbe dagene Abrahambe ne heraw bâm hang helu benai luisuâlube bâm, Mamre gene naimikpat ’mbia Mak-pela ge helu ge hekâuki bambe ge pechu bai gai bei daseu. 14Pe peu je pa bai gai lu dege pe peu je pa bai gai ra nguatatme leine benai pe sikiname je pa ne ngua lu Ijipram ’mbe Josepbe helatwang dai di de lei.
Josepbe ne Pe Sikiname Lung Tewtemigaibe
15Penui peu chaidibe Josepbe sikiname ngau lu dege, penui ne sa ze, “Josepbe ne anui je ngaugailak lalau rei da zai pe peireige anui tâ-kesiabe tewgai’ndibe ze peiruî dai leu gu de lei,” kacheu de lei. 16Chidadege penui ne Josepbe dage samkela lang gai ze acheu sa de lei, “Ning peu ne pa chai makge aipau sam sa de lei, 17‘Josepbe je salia be lau, ning dage I kie lei, penui ne ning peireige tâ-kesiabe tewgai’ndibe ziegene ning sikiname hedieka’ngkabe benai penui gu hemui lun gai be lau,’ zeu. Zai chuna ge anui ne ning dage kie lei, ning peu Rapeu guâ ka’ngguame ramme gu hedieka’ngkabe lun gai lau,” acheu zeu. Penui ne pechu ka’mpaube luage Josepbe hap kai di de lei. 18Pe sikiname du wang ze pe suage kei’ngkumkeu lu, acheu sa ze, “Pie le lau, anui â ning guâ ka’ngguame bau de lei,” kacheu de lei. 19Kane Josepbe ne penui je, “Hing se lau, Hera kelei ge I ne la se mei? 20Ningnui lam gene â achu tew’nsia ra ningnui tew de lei; kane Hera â chize keyibe hang tew gai de lei, nemai riâ chang ze yi ze bam gum ze ziemmena misongga ze tew’nringgaibe wangchang le ra hangge zeu. 21Chidaze hing se lau; ningnui benai ningnui name hang ka’nnangbe I ne pei gu lei,” kacheu de lei. Chigum ze penui lung tew’ntip kai ze, tewtemichai gai bei de lei.
Josepbe Chaibe
22Chigum ze Ijipram ge pa benai pe peu kiduîme je ngua lu Josepbe lung ze bam de lei; zai Josepbe kum haî kat ze kereu ringchang gai de lei. 23Zai Josepbe ne Ephraimbe name rehei kechum je ngau lu de lei; Josepbe ringbe ting ge Manassebe na Makirbe name je du lungkeu gai ze bam de lei. 24Zai Josepbe ne pe sikiname je, “I â chai zi gu de lei; kane Hera ne ningnui je ’ngkiâmie gu lei, zai a peu ram gene ningnui je nguapat ze Abrahambe, Isaakbe zai Jakobbe je pa ne hetkaibe heram ge ngua gai gu lei,” kacheu de lei. 25Dadege Josepbe ne Israelbe name je deseutew ra rang gai de lei, acheu sa ze, “Hera ne ningnui je ’ngkiâmie gu lei, zai aigene a ra ramme ningnui punghang ra lei,” acheu zeu. 26Chidadege Josepbe kum haî kat ze kereu ringchang gai lu chai di de lei; zai penui ne pe pum ge reheu ’nnuk kai ze kateleu de lei, zai pechu â Ijipram ge geching ge kai de lei.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Zeme Naga CL Bible - KEMCI BIBLE
Copyright © 2013 by The Bible Society of India
Used by permission. All rights reserved worldwide.