EKSODAS 1
1
Ijipram ge Israelme je Kagetedbe
1Airamme ze Israel name Jakobbe benai Ijipram ge pe kiduîme je ngua lu wanggaime bau ji de lei: 2Reubenbe, Simeonbe, Lebibe zai Judabe, 3Issakarbe, Zebulunbe, zai Benjaminbe, 4Danbe benai Naphtalibe, Gadbe zai Asherbe ze de lei. 5Jakobbe chaname pelane hangriaksena lei; Josepbe â Ijipram ge bam’ntua di de lei. 6Chipau châng dege Josepbe â chai di, zai pe sikiname leine du zai chipau rehei ge piakeume leine du chai kam di de lei. 7Kane Israelme chaname â heluîhing zai misongga ze pung-ze-sa ze bam de lei; penui ziemmena riak pungbi-bi ze penui ranchi-desang ze bam di de lei; chidadege chipau heram ze penui ne lungpui ’ndi de lei.
8Zai Ijipram ge Josepbe je chimakbe, heguang karchibe pat te lei. 9Zai pa ne pe gu ziemmena je, “Pie le lau, Israelme bau â anui hang â kie’nteu di, zai penui ranchi’nteu di de lei. 10Kei lei, penui peireige mi jaîguitew gai be kei lei, makchai â penui â ziemmena kiebi-bi gu, zai anui ram ge hereipat tizai â, anui teureime lam lia lu anui je ’nggi dizai â heram gene pak kam du daseu,” ze kacheu de lei. 11Chidadege penui (Israelme) peireige tâtewme je kereîme hang penui (Ijipme) ne kai lu ze heput keritbe ne penui je deîhereu-desang gai ra tew gai de lei; (Israelme) Pharaobe gu merua ramme kairabe hangge Pithom benai Ra-amse namdi tew gai bei de lei. 12Kane penui je tewsâbi-bi, penui riak pung ’ngkiebi-bi ze chi heram ze lung puiting ’ndi de lei. 13Chidadege Israelme je deîhereu’nteu ze tâtew ra penui ne tew gai bei de lei. 14Tâtewbe bâm ramme ge gepa, hegam zai tâ leine tew ra pei gai bei ze ’nchi-chine penui ne hereu ze ka’nggua de lei.
15Dadege Ijipram heguangpeu ne, Hebraime ruage hena-puaka’nname, hangkat ji ze Shiphrale zai kêdapui ji ze Puale, penai je acheu ze salia lei, 16“Hebrai’mpui ramme je penui na ningnai ne puaka’nnabe luage penui henalungbe bâm ge ’mpeumi napoine dizai â pechu ningnai tewchat ra lei; kane ’mpuimi napoine dizai â peize ring ra lei,” ze acheu zeu. 17Kane chi hena puaka’nname â Hera je hing lei, zai Ijipram heguang ne samdiegaidiakbe luigum ze penai â tew mak tai de lei, kane ’ngngiêne ’mpeumi ramme je ring ra pei gai bei de lei. 18Dadege Ijipram heguangpeu ne hena puaka’nname je kû gai lu, penai je, “’Ndaitew ze aize ningnai tew gai lau, zai ’ngngiêne ’mpeumi ramme je ring ra ningnai lun bei lau?” kacheu de lei. 19Zai hena puaka’nname ne Pharaobe je, “Hebrai ’mpuimi ramme â Ijipram ’mpuimi ramme gum mak lei; penui pum ranchi dadege, hena kateleume wangrabe suagene penui na lungkeu-di-dibe ziegene lei,” kacheu de lei. 20Chigum ze Hera ne chi hena puaka’nname peireige pe suiyi ze tinggeu gai bei de lei; zai Israelme ziemmena riak ze pungbi-bi ze penui ranchi-desang ze bam de lei. 21Zai chi hena puaka’nname Hera je hingbe ziegene Hera ne penai kelak bei gai bei de lei. 22Zai Pharaobe ne pe ramname je samdie gai ze, “Hebraime ki ge ’ngngiêne ’mpeumi lungkeube leine je Nail geuki ge ningnui tuâ gai ra de lei, kane ’mpuimi leine je â peize ring lau” ze kacheu de lei.
Currently Selected:
EKSODAS 1: ZEMEBSI
Highlight
Share
Copy
Want to have your highlights saved across all your devices? Sign up or sign in
Zeme Naga CL Bible - KEMCI BIBLE
Copyright © 2013 by The Bible Society of India
Used by permission. All rights reserved worldwide.
EKSODAS 1
1
Ijipram ge Israelme je Kagetedbe
1Airamme ze Israel name Jakobbe benai Ijipram ge pe kiduîme je ngua lu wanggaime bau ji de lei: 2Reubenbe, Simeonbe, Lebibe zai Judabe, 3Issakarbe, Zebulunbe, zai Benjaminbe, 4Danbe benai Naphtalibe, Gadbe zai Asherbe ze de lei. 5Jakobbe chaname pelane hangriaksena lei; Josepbe â Ijipram ge bam’ntua di de lei. 6Chipau châng dege Josepbe â chai di, zai pe sikiname leine du zai chipau rehei ge piakeume leine du chai kam di de lei. 7Kane Israelme chaname â heluîhing zai misongga ze pung-ze-sa ze bam de lei; penui ziemmena riak pungbi-bi ze penui ranchi-desang ze bam di de lei; chidadege chipau heram ze penui ne lungpui ’ndi de lei.
8Zai Ijipram ge Josepbe je chimakbe, heguang karchibe pat te lei. 9Zai pa ne pe gu ziemmena je, “Pie le lau, Israelme bau â anui hang â kie’nteu di, zai penui ranchi’nteu di de lei. 10Kei lei, penui peireige mi jaîguitew gai be kei lei, makchai â penui â ziemmena kiebi-bi gu, zai anui ram ge hereipat tizai â, anui teureime lam lia lu anui je ’nggi dizai â heram gene pak kam du daseu,” ze kacheu de lei. 11Chidadege penui (Israelme) peireige tâtewme je kereîme hang penui (Ijipme) ne kai lu ze heput keritbe ne penui je deîhereu-desang gai ra tew gai de lei; (Israelme) Pharaobe gu merua ramme kairabe hangge Pithom benai Ra-amse namdi tew gai bei de lei. 12Kane penui je tewsâbi-bi, penui riak pung ’ngkiebi-bi ze chi heram ze lung puiting ’ndi de lei. 13Chidadege Israelme je deîhereu’nteu ze tâtew ra penui ne tew gai bei de lei. 14Tâtewbe bâm ramme ge gepa, hegam zai tâ leine tew ra pei gai bei ze ’nchi-chine penui ne hereu ze ka’nggua de lei.
15Dadege Ijipram heguangpeu ne, Hebraime ruage hena-puaka’nname, hangkat ji ze Shiphrale zai kêdapui ji ze Puale, penai je acheu ze salia lei, 16“Hebrai’mpui ramme je penui na ningnai ne puaka’nnabe luage penui henalungbe bâm ge ’mpeumi napoine dizai â pechu ningnai tewchat ra lei; kane ’mpuimi napoine dizai â peize ring ra lei,” ze acheu zeu. 17Kane chi hena puaka’nname â Hera je hing lei, zai Ijipram heguang ne samdiegaidiakbe luigum ze penai â tew mak tai de lei, kane ’ngngiêne ’mpeumi ramme je ring ra pei gai bei de lei. 18Dadege Ijipram heguangpeu ne hena puaka’nname je kû gai lu, penai je, “’Ndaitew ze aize ningnai tew gai lau, zai ’ngngiêne ’mpeumi ramme je ring ra ningnai lun bei lau?” kacheu de lei. 19Zai hena puaka’nname ne Pharaobe je, “Hebrai ’mpuimi ramme â Ijipram ’mpuimi ramme gum mak lei; penui pum ranchi dadege, hena kateleume wangrabe suagene penui na lungkeu-di-dibe ziegene lei,” kacheu de lei. 20Chigum ze Hera ne chi hena puaka’nname peireige pe suiyi ze tinggeu gai bei de lei; zai Israelme ziemmena riak ze pungbi-bi ze penui ranchi-desang ze bam de lei. 21Zai chi hena puaka’nname Hera je hingbe ziegene Hera ne penai kelak bei gai bei de lei. 22Zai Pharaobe ne pe ramname je samdie gai ze, “Hebraime ki ge ’ngngiêne ’mpeumi lungkeube leine je Nail geuki ge ningnui tuâ gai ra de lei, kane ’mpuimi leine je â peize ring lau” ze kacheu de lei.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Zeme Naga CL Bible - KEMCI BIBLE
Copyright © 2013 by The Bible Society of India
Used by permission. All rights reserved worldwide.