JENESIS 43
43
Josepbe Sime Benjaminbe je ngua lu Ijipram ’mbe Helatwangkadaibe
1Chunage heram ge herakûm ran-desang ze bam de lei. 2Zai Ijipram gene chêu ’nnûwangbe penui teu kam lu dadege penui peu ne penui je, “Tat dai zu lau, kecheîne anui hang tak ’nnû dai zu lau,” kacheu de lei. 3Kane Judabe ne pechu, “Chipaupeu zene anui je ranggetîng gai de lei, acheu sa ze, ‘Ningnui kinapeu je ningnui ngua le lei makchai â, a ju ningnui ngau ra mak lei,’ kacheu de lei. 4Anui kinapeu je anui dage lang gai bei zai â anui ne wangkeu ze ning hangge tak ’nnûwang bu lei; 5kane pechu nang ne lang gai makchai â, anui â wangkeu ra mak lei, chipaupeu ne anui je, ‘Ningnui kinapeu je ningnui ngua le makchai â, a ju ningnui ngau ra mak lei,’ kacheu daseu,” ze acheu bei de lei. 6Israelbe ne, “’Ndaitew ze achu tewhereu ra hangge ningnui kinapeu kêdabe larei lei be pechu ningnui salia lau?” kacheu de lei. 7Penui ne kak ze, “Chipaupeu zene ’ntîngteî ze anui benai anui kiduîme rasam ka’mmêt te lei, acheu sa ze, ‘Ningnui peu ring la rei mei? Ningnui kinapeu kêdabe la mei?’ zeu. Pa ne airamme ka’mmêtbe ze anui â kak kai de lei; ‘Ningnui kinapeu je nguakeu lau,’ ze pa acheu gu lei be anui chî duî semei?” kacheu de lei. 8Zai Judabe ne pe peu Israelbe je, “Chi rehangpoine je a dage lang gai be lau, dezai anui zuachu lu tat ra hangge zeu, chidezai anui benai nang zai anui name ’nsangdu, anui chai mak ze ring le ra hangge zeu. 9Pe hangge I zene ’nchunggaileube zat hang chang ra de lei; pe gu keringbe mî ze a dagene nang kie ra de lei, I ne pechu ning dage nguawang dai mak, zai ning suage kai makchai â betingbeta hangge kesiabe put ze peize I ne pung ra de lei; 10anui gîngtie de mak nung laîzai â, chuna riâ ge â anui helatwang kena le duî daseu,” kacheu de lei.
11Chidadege â penui peu Israelbe ne penui je, “Acheu ra run lei zai â aigum ze tew lau: heram gu mâ-hêrachi keyibe ramme gêsa â ningnui gu hebie ge kai le lau, zai chipaupeu je kela pei ra hangge taudui kecheîne, zai ’ngkuidui kecheîne, hereumoîne kecheîne, mâ-perîmyibe, pistakio chêu ramme, zai Almon ramme pungkeu be lau. 12Ningnui dage rangkâng dêt na tei le lau; ningnui gu metie mui ge rangkâng daukadaibe ze du teimie dai be lau; chize â ngaupai’ndibe kau lau de lei. 13Ningnui kinapeu je du ngua le lau, zai zuachu ze chipaupeu dage tat dai zu lau; 14chipaupeu suage ningnui je peize Reziechibe Rapeu ne ka’nggiabe pei gai be lau, dezai ningnui sikina’mpeu kêdapeu benai Benjamin je pei lang gai dai ra hangge zeu. Zai I â a name hangge desui dizai â I â kadesui de lei,” ze kacheu de lei. 15Chidadege penui ne kela tei lu, zai penui dage rangkâng dêt na tei lu, zai Benjaminbe je ngua lu zuachu ze Ijipram ’mbe wangkeu ze Josepbe suage sap kai de lei.
16Penui dage Benjaminbe bambe Josepbe ngau lu dege, pe ki ge besuitewpeu je pa ne, “Chime je kilûng ge nguagut lau, zai kaurui tewchat kai lu ze kedakua zu lau, chime bau ze tîngna ge achu nguatakteu gu daseu,” kacheu de lei. 17Josepbe ne ranggaibe luigum ze pa tew de lei, zai Josep ki ge chime je pa nguagut kai de lei. 18Zai Josep ki ge penui je nguagutkaibeibe ziegene chime bau â hing di de lei, zai penui acheu sa ze, “Anui gu metie ramme ge keraîbe mai ge rangkâng ramme kaidaibeibe deu gene anui je aige nguagut te lei, chidezai pa ne anui je kebang hang tew gai ze anui gu hekunmerângne ramme sut le ra hanggene anui je ’nggi ze timpheuchi le ra pedâuyibe pa peu le ra hangge zeu,” ze kacheu de lei. 19Chidadege Josep ki ge besuitewpeu tailam penui hang de lei, zai heki kemuiki gene pechu penui ka’mpau de lei; 20zai acheu sa ze, “Hei a pau gau, keraîbe luage tak ’nnû ra anui wangkeu de lei; 21zai tejeîbâm anui wangchang dege anui gu metie ramme heipat kai de lei, zai anui gu rangkâng ramme periak ’nsangsiak ze ’nteumena gu metie mui ’nsangne ge laleu de lei; chidadege chize anui pungwang kadai de lei, 22zai tak ’nnûrabe hangge du kêdabe rangkâng anui tei lu wangkeu de lei. Anui gu metie ramme ge châu ne rangkâng kai mei be anui â chî me lei,” ze kacheu de lei. 23Pa ne kak ze, “Temichai ze bam lau, hing se lau; ningnui Rapeu zai ningnui peu Rapeu ne ningnui hangge keheube ningnui gu metie ge kai bei lau gu de lei; ningnui gu rangkâng â I tei lu de lei,” kacheu de lei. Chidadege penui tailam Simeonbe je pa ne nguapat te lei. 24Zai chipaupeu zene Josep ki ge penui je nguagut kai lu, penui je hedui pei gai lu, zai penui pî penui hui gai lu, zai pa ne penui gu hekunmerângne ramme je betak guî gai lu dege, 25tîngna ge Josepbe wang dezai kela peirabe hang penui kedâkua de lei, chigene penui tak teu gu lei be penui seu lu dadegeu. 26Josepbe pe ki lam wang dege, penui dage kela bambe tei lu kilûng ’mbe pe tailam gut te lei, zai pe suage kedei ge ’ngkumkeu lu kakellum de lei. 27Zai pa ne penui rasam ’nneu ze, acheu sa ze, “Ningnui sabe gechipau ningnui peu ze yi la mei? Pa ring larei mei?” kacheu de lei. 28Penui ne, “Ning guâ ka’ngguapeu anui peu â yi la lei, pa â ring larei lei,” acheu bei de lei, zai penui peî kei’ngkumkeu lu ze hengêutew gai de lei. 29Zai pa pie gai dege, pa ’mpampatpeu pe kinapeu Benjaminbe je ngau de lei, zai pa ne, “Ningnui kina henalangpeu la lei ze achu ningnui saliabe ze aipaupeu de mei? A na gau, Hera ne peize ningchu ’nggia lau!” kacheu de lei. 30Chidadege â Josepbe ’mbia kelua di de lei, pe kina je pe lung gene huî di dadegeu, zai haprabe bâm hang pa peu de lei. Dadege pe kisîam ’mbe gut lu chigene pa hap te lei. 31Chidadege pe ju ’mpiau gai lu zuapat kadai de lei; zai pe runne pechu getip lu acheu sa ze, “Tak teu ra kai be zu lau,” kacheu de lei. 32Penui ne pe runne pebâm châm ze teu ra zai penui du penui bâm châm ze teu ra zai pechu nguateume Ijipme penui bâm châm ze teu ra ’nggua gai bei de lei, Ijipme â Hebraime je tak ’ngngateu ra ’nnumgaimakbe ziegeneu, chize â Ijipme hangge â ka’nseîbe chang gu dadegeu. 33Zai gechîngpeu ne pa gechîngbe luigum ze, zai henalangpeu ne pa kahenabe luigum ze pesin-prin pe suage ka’ntau de lei; zai chime bau ze ’nningdaulak ti ze kat-kat je pielu-lu bam de lei. 34Josepbe gu takteube kaira gene penui hangge ’nggua gai de lei, kane Benjaminbe dam â dêt mengeu â penui gu gene kai’ngkeu gai bei de lei. Chidadege penui teu ze sak ze pe dage ngua-hesuiyi’nta ze bam de lei.
Currently Selected:
JENESIS 43: ZEMEBSI
Highlight
Share
Copy
Want to have your highlights saved across all your devices? Sign up or sign in
Zeme Naga CL Bible - KEMCI BIBLE
Copyright © 2013 by The Bible Society of India
Used by permission. All rights reserved worldwide.
JENESIS 43
43
Josepbe Sime Benjaminbe je ngua lu Ijipram ’mbe Helatwangkadaibe
1Chunage heram ge herakûm ran-desang ze bam de lei. 2Zai Ijipram gene chêu ’nnûwangbe penui teu kam lu dadege penui peu ne penui je, “Tat dai zu lau, kecheîne anui hang tak ’nnû dai zu lau,” kacheu de lei. 3Kane Judabe ne pechu, “Chipaupeu zene anui je ranggetîng gai de lei, acheu sa ze, ‘Ningnui kinapeu je ningnui ngua le lei makchai â, a ju ningnui ngau ra mak lei,’ kacheu de lei. 4Anui kinapeu je anui dage lang gai bei zai â anui ne wangkeu ze ning hangge tak ’nnûwang bu lei; 5kane pechu nang ne lang gai makchai â, anui â wangkeu ra mak lei, chipaupeu ne anui je, ‘Ningnui kinapeu je ningnui ngua le makchai â, a ju ningnui ngau ra mak lei,’ kacheu daseu,” ze acheu bei de lei. 6Israelbe ne, “’Ndaitew ze achu tewhereu ra hangge ningnui kinapeu kêdabe larei lei be pechu ningnui salia lau?” kacheu de lei. 7Penui ne kak ze, “Chipaupeu zene ’ntîngteî ze anui benai anui kiduîme rasam ka’mmêt te lei, acheu sa ze, ‘Ningnui peu ring la rei mei? Ningnui kinapeu kêdabe la mei?’ zeu. Pa ne airamme ka’mmêtbe ze anui â kak kai de lei; ‘Ningnui kinapeu je nguakeu lau,’ ze pa acheu gu lei be anui chî duî semei?” kacheu de lei. 8Zai Judabe ne pe peu Israelbe je, “Chi rehangpoine je a dage lang gai be lau, dezai anui zuachu lu tat ra hangge zeu, chidezai anui benai nang zai anui name ’nsangdu, anui chai mak ze ring le ra hangge zeu. 9Pe hangge I zene ’nchunggaileube zat hang chang ra de lei; pe gu keringbe mî ze a dagene nang kie ra de lei, I ne pechu ning dage nguawang dai mak, zai ning suage kai makchai â betingbeta hangge kesiabe put ze peize I ne pung ra de lei; 10anui gîngtie de mak nung laîzai â, chuna riâ ge â anui helatwang kena le duî daseu,” kacheu de lei.
11Chidadege â penui peu Israelbe ne penui je, “Acheu ra run lei zai â aigum ze tew lau: heram gu mâ-hêrachi keyibe ramme gêsa â ningnui gu hebie ge kai le lau, zai chipaupeu je kela pei ra hangge taudui kecheîne, zai ’ngkuidui kecheîne, hereumoîne kecheîne, mâ-perîmyibe, pistakio chêu ramme, zai Almon ramme pungkeu be lau. 12Ningnui dage rangkâng dêt na tei le lau; ningnui gu metie mui ge rangkâng daukadaibe ze du teimie dai be lau; chize â ngaupai’ndibe kau lau de lei. 13Ningnui kinapeu je du ngua le lau, zai zuachu ze chipaupeu dage tat dai zu lau; 14chipaupeu suage ningnui je peize Reziechibe Rapeu ne ka’nggiabe pei gai be lau, dezai ningnui sikina’mpeu kêdapeu benai Benjamin je pei lang gai dai ra hangge zeu. Zai I â a name hangge desui dizai â I â kadesui de lei,” ze kacheu de lei. 15Chidadege penui ne kela tei lu, zai penui dage rangkâng dêt na tei lu, zai Benjaminbe je ngua lu zuachu ze Ijipram ’mbe wangkeu ze Josepbe suage sap kai de lei.
16Penui dage Benjaminbe bambe Josepbe ngau lu dege, pe ki ge besuitewpeu je pa ne, “Chime je kilûng ge nguagut lau, zai kaurui tewchat kai lu ze kedakua zu lau, chime bau ze tîngna ge achu nguatakteu gu daseu,” kacheu de lei. 17Josepbe ne ranggaibe luigum ze pa tew de lei, zai Josep ki ge chime je pa nguagut kai de lei. 18Zai Josep ki ge penui je nguagutkaibeibe ziegene chime bau â hing di de lei, zai penui acheu sa ze, “Anui gu metie ramme ge keraîbe mai ge rangkâng ramme kaidaibeibe deu gene anui je aige nguagut te lei, chidezai pa ne anui je kebang hang tew gai ze anui gu hekunmerângne ramme sut le ra hanggene anui je ’nggi ze timpheuchi le ra pedâuyibe pa peu le ra hangge zeu,” ze kacheu de lei. 19Chidadege Josep ki ge besuitewpeu tailam penui hang de lei, zai heki kemuiki gene pechu penui ka’mpau de lei; 20zai acheu sa ze, “Hei a pau gau, keraîbe luage tak ’nnû ra anui wangkeu de lei; 21zai tejeîbâm anui wangchang dege anui gu metie ramme heipat kai de lei, zai anui gu rangkâng ramme periak ’nsangsiak ze ’nteumena gu metie mui ’nsangne ge laleu de lei; chidadege chize anui pungwang kadai de lei, 22zai tak ’nnûrabe hangge du kêdabe rangkâng anui tei lu wangkeu de lei. Anui gu metie ramme ge châu ne rangkâng kai mei be anui â chî me lei,” ze kacheu de lei. 23Pa ne kak ze, “Temichai ze bam lau, hing se lau; ningnui Rapeu zai ningnui peu Rapeu ne ningnui hangge keheube ningnui gu metie ge kai bei lau gu de lei; ningnui gu rangkâng â I tei lu de lei,” kacheu de lei. Chidadege penui tailam Simeonbe je pa ne nguapat te lei. 24Zai chipaupeu zene Josep ki ge penui je nguagut kai lu, penui je hedui pei gai lu, zai penui pî penui hui gai lu, zai pa ne penui gu hekunmerângne ramme je betak guî gai lu dege, 25tîngna ge Josepbe wang dezai kela peirabe hang penui kedâkua de lei, chigene penui tak teu gu lei be penui seu lu dadegeu. 26Josepbe pe ki lam wang dege, penui dage kela bambe tei lu kilûng ’mbe pe tailam gut te lei, zai pe suage kedei ge ’ngkumkeu lu kakellum de lei. 27Zai pa ne penui rasam ’nneu ze, acheu sa ze, “Ningnui sabe gechipau ningnui peu ze yi la mei? Pa ring larei mei?” kacheu de lei. 28Penui ne, “Ning guâ ka’ngguapeu anui peu â yi la lei, pa â ring larei lei,” acheu bei de lei, zai penui peî kei’ngkumkeu lu ze hengêutew gai de lei. 29Zai pa pie gai dege, pa ’mpampatpeu pe kinapeu Benjaminbe je ngau de lei, zai pa ne, “Ningnui kina henalangpeu la lei ze achu ningnui saliabe ze aipaupeu de mei? A na gau, Hera ne peize ningchu ’nggia lau!” kacheu de lei. 30Chidadege â Josepbe ’mbia kelua di de lei, pe kina je pe lung gene huî di dadegeu, zai haprabe bâm hang pa peu de lei. Dadege pe kisîam ’mbe gut lu chigene pa hap te lei. 31Chidadege pe ju ’mpiau gai lu zuapat kadai de lei; zai pe runne pechu getip lu acheu sa ze, “Tak teu ra kai be zu lau,” kacheu de lei. 32Penui ne pe runne pebâm châm ze teu ra zai penui du penui bâm châm ze teu ra zai pechu nguateume Ijipme penui bâm châm ze teu ra ’nggua gai bei de lei, Ijipme â Hebraime je tak ’ngngateu ra ’nnumgaimakbe ziegeneu, chize â Ijipme hangge â ka’nseîbe chang gu dadegeu. 33Zai gechîngpeu ne pa gechîngbe luigum ze, zai henalangpeu ne pa kahenabe luigum ze pesin-prin pe suage ka’ntau de lei; zai chime bau ze ’nningdaulak ti ze kat-kat je pielu-lu bam de lei. 34Josepbe gu takteube kaira gene penui hangge ’nggua gai de lei, kane Benjaminbe dam â dêt mengeu â penui gu gene kai’ngkeu gai bei de lei. Chidadege penui teu ze sak ze pe dage ngua-hesuiyi’nta ze bam de lei.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Zeme Naga CL Bible - KEMCI BIBLE
Copyright © 2013 by The Bible Society of India
Used by permission. All rights reserved worldwide.