JENESIS 42
42
Josepbe Sime Ijipram ’mbe Chêu ’nnû ra Tatbe
1Ijipram ge â chêu la lei be rasam Jakobbe seu lu dege, pe name je pa ne, “’Ndaitew ze ningnui kat-kat mapie bam lau?” ze kacheu de lei. 2Zai pa ne penui je, “Pie le lau, Ijipram ge â chêu la lei be I seu de lei; anui chai makze ringpat le ra hangge chilia ’mbe wangkeu ze anui hang chêu ’nnû le zu lau,” ze kacheu de lei. 3Chidadege Josepbe sime bau hangkereume ze chêu ’nnû ra hangge Ijipram ’mbe wangkeu de lei. 4Kane Josepbe kinapeu Benjaminbe je â pe sime dage Jakobbe ne lang gai mak te lei, pe pausiabe pe peireige wangchang ra hingbe ziegeneu. 5Chigum ze Israelbe name ramme ze miramme je nguateri lu ze chêu ’nnû ra hangge wang de lei, Kanaanram ge herakûm bamdibe ziegeneu. 6Chunage Josepbe ne heram gu laksaibe chang ze bam de lei, heram lungge bamme leine je pa ne chêu zuagaipeu de lei. Zai Josepbe sime bau wang de lei, zai pe suage kedei ’mbe ’ngkumkeu lu ze pechu penui kakellum de lei. 7Josepbe pe sime je ngau lu dege chî di de lei, kane penui je pa ne hesangme heluîchimakme je gum ze ’nning gai lu sam ’ntangchibe ne kampau de lei. Pa ne penui je, “Ningnui ’ndai ’mbene wang lau?” kacheu de lei, penui ne, “Chêu ’nnû ra hangge Kanaanram gene wang lei,” kacheu de lei. 8Zai Josepbe â pe sime je chî di de lei, kane penui â pechu chî mak lei. 9Zai penui deu ge pa hemangka’mmîbe ze Josepbe ’nningdau di de lei; zai pa ne penui je, “Ningnui â ’ngkimpieme zeî lau, heram peran-gabe pie ra ningnui wang lei,” acheu bei de lei. 10Penui ne pechu, “Acheu me lei, a pau gau, kane ning guâ ka’ngguame bau â tak ’nnû ra hangge wang lei. 11Anui â hangkatpeu name kam lei, anui â lungsangtewbe kau ramme lei, ning guâ ka’ngguame bau â ’ngkimpieme mak te lei,” kacheu de lei. 12Pa ne penui je, “Mak lei, heram peran-gabe pie ra hanggene ningnui wang lei,” kacheu de lei. 13Zai penui ne, “Anui ning guâ ka’ngguame â anui sikina hangkereu ze kena lei, zai Kanaanram ge bampeu mi hangkatpeu name bau lei, zai pie le lau, henalangpeu â chuna â anui peu dage la lei, zai hangkat â ga di de lei,” ze kacheu de lei. 14Kane Josepbe ne penui je, “Ningnui je I salia’ndibe luigum ze ningnui â heram ’ngkimpieme de lei. 15Aize ne ningnui je kedak ra de lei: Pharaobe keringbe ji gene ningnui kina henalangpeu aige wang mak tâne ningnui aigene tat ra mak lei. 16Ningnui ruagene hangkat je lang gai be lau, zai peize pa ne ningnui kinapeu je nguawang lau, kebangki ge ningnui bamkuabe luage zeu. Ningnui sam ge kapelingbe la mei be chigene kedak ra de lei; makchai â Pharaobe keringbe ji gene ningnui â heram ’ngkimpieme sing de lei,” ze acheu bei de lei. 17Zai pa ne penui ’nteumena je kebangki ge hezie kechum hangge bangherua gai bei de lei.
18Pakechumbe mai ge Josepbe ne penui je, “Aize ningnui tew zu lau, dezai ningnui ring gu lei I â Hera je hing daseu: 19ningnui pelingtewbe kau ziemmename lei, zai â peize ningnui ruage hangkat je â kebangki ge sâudiak kai be lau, zai kêdame ramme leine je â ningnui ki-kelak ramme ge teu ra ga ze lungme hangge chêu pungtatchu lau, 20zai ningnui kina henalangpeu je a dage nguawang lau; dezai ningnui sam ze peling lei be I chî le ra hangge zeu, dezai ningnui chai ra mak lei,” ze kacheu de lei. Zai chipau luigum ze penui tew de lei. 21Chidadege penui karai acheu sa ze, “Anui kinapeu tedeu geze anui ’ngkui di run de lei, pa anui je kiambe luage pe lunghereu ze bambe anui ngau lu pe kuâ anui ’ngking mak taibe ziegeneu; chipauziegene aigum ze anui kahereube anui peireige wang de lei,” ze kacheu de lei. 22Dadege Reubenbe ne penui je kak ze, “Chi rehangpoine peireige hemui gai mak ra ningnui je I salia gai mak ti lau? Kane ningnui ne ’ngking mak tai de lei. Chipauziegene pe jai mî chunage kiewang de lei,” ze kacheu de lei. 23Penui kakge sakakelipeu kai’ndibe ziegene Josepbe ne penui samsa seuchi la lei be penui â chî mak te lei. 24Dadege penui dagene pa tat’nnukpat lu hap kai di de lei; zai pa penui tailam helatwang dai lu penui je ka’mpau de lei. Zai Simeonbe je pa ne penui ruagene tei lu penui mikngau gene pechu pi gai ’ndi de lei.
Josepbe Sime Kanaanram ’mbe Helatwangkadaibe
25Zai Josepbe ne, penui metie ramme ge chêu kaipui gai ra zai penui metie ’nsangne ge pe gu-gu rangkâng kai dai be ra zai penui tebeîtatbe ge ka’nnangbe zat ramme hang pei be ra rang gai bei de lei. Chize penui hang tew gai de lei. 26Chidadege penui gu hekunmerângne ramme peireige penui gu chêu metie ramme teichu gai lu ze tatwak ti de lei. 27Zai penui ruage hangkatpeu ne pe gu hekunmerângne je guî gai ra hangge desau-bâm ge pe gu metie heipat kai dege, pe gu metie mui ge pe gu rangkâng ngaudau leu de lei; 28zai pa ne pe sikiname je, “A gu rangkâng â tiam gai dai bei de lei; aige a gu metie mui ge la de lei!” kacheu de lei. Chidadege penui lung depâp ti de lei, zai kat-kat je pie lu kedun ze acheu sa ze, “Hera ne anui peireige aize tewgaibe ze ’ndaikau rimba se lau?” kacheu de lei.
29Kanaanram ge penui peu Jakobbe dage penui wangchang dege penui dage wangchangbe rasam leine pechu penui ne salia bei de lei, 30“Chi heram wangpeu ne sam’ntangchibe ne anui je ka’mpau de lei, zai anui je heram ’ngkimpieme hangge chau gai de lei. 31Kane anui ne pechu, ‘Anui pelingtewme bau lei, anui â heram ’ngkimpieme mak te lei; 32anui sikina hangkereu ze kena bambe kau, zai peu kat na lei; hangkat â ga di da zai henalangpeu â chunage anui peu dage Kanaanram ge la lei,’ acheu bei de lei. 33Chidadege chipaupeu, heram wangpeu ne, anui je, ‘Aigene ningnui pelingtewbe ziemmena mei be I chî ra de lei: ningnui sikiname ruage hangkat â a dage sâu gai lau, zai ningnui ki-kelak ramme hangge chêu pung lu ze tatchu lau. 34Ningnui kina henalangpeu je a dage nguawang lau; chidezai ningnui â heram ’ngkimpieme mak ze ziemmena pelingtewbe kau ramme lei be I chî gu lei, dezai ningnui sikina’mpeu je I ningnui ba ge pei gai dai gu, zai heram lungge ningnui helîhedet ze bam gu lei,’ ze kacheu de lei,” ze acheu zeu.
35Penui gu metie ramme let’nrua gai dege, pie le lau, penui gu metie ’nsangne ge penui gu rangkâng-kît ramme laleu de lei; zai penui benai penui peu ne penui gu rangkâng-kît ramme ngau lu dege penui hing di de lei. 36Zai penui peu Jakobbe ne penui je, “A name je I desui ze bam ra ningnui ne tew gai ’nde lei: Josepbe â ga da zai Simeonbe ga da zai chunage Benjamin je ningnui teitat dai gu de lei; airamme leine a peireige wang de lei,” kacheu de lei. 37Chidadege Reubenbe ne pe peu je, “Pechu ning dage I nguawang dai makchai â, a na ’mpeumi kena je bichat ne lau; a ba ge pechu kai be lau, dezai pechu ning dage I nguawang gai dai gu lei,” kacheu de lei. 38Kane pa ne, “Pe sipeu â chai de da, zai perunne ’nsak-kaidiak daze a na je â ningnui nguakeu ra mak lei. Ningnui tebeîtewtatrabe ’mpuî gene pe dage pe pausiabe dau lêuzai â a peîtam gepûbe ze kadesuibe gene heraw ’mbe ningnui ne teikeugaibe chang gu de lei,” kacheu de lei.
Currently Selected:
JENESIS 42: ZEMEBSI
Highlight
Share
Copy
Want to have your highlights saved across all your devices? Sign up or sign in
Zeme Naga CL Bible - KEMCI BIBLE
Copyright © 2013 by The Bible Society of India
Used by permission. All rights reserved worldwide.
JENESIS 42
42
Josepbe Sime Ijipram ’mbe Chêu ’nnû ra Tatbe
1Ijipram ge â chêu la lei be rasam Jakobbe seu lu dege, pe name je pa ne, “’Ndaitew ze ningnui kat-kat mapie bam lau?” ze kacheu de lei. 2Zai pa ne penui je, “Pie le lau, Ijipram ge â chêu la lei be I seu de lei; anui chai makze ringpat le ra hangge chilia ’mbe wangkeu ze anui hang chêu ’nnû le zu lau,” ze kacheu de lei. 3Chidadege Josepbe sime bau hangkereume ze chêu ’nnû ra hangge Ijipram ’mbe wangkeu de lei. 4Kane Josepbe kinapeu Benjaminbe je â pe sime dage Jakobbe ne lang gai mak te lei, pe pausiabe pe peireige wangchang ra hingbe ziegeneu. 5Chigum ze Israelbe name ramme ze miramme je nguateri lu ze chêu ’nnû ra hangge wang de lei, Kanaanram ge herakûm bamdibe ziegeneu. 6Chunage Josepbe ne heram gu laksaibe chang ze bam de lei, heram lungge bamme leine je pa ne chêu zuagaipeu de lei. Zai Josepbe sime bau wang de lei, zai pe suage kedei ’mbe ’ngkumkeu lu ze pechu penui kakellum de lei. 7Josepbe pe sime je ngau lu dege chî di de lei, kane penui je pa ne hesangme heluîchimakme je gum ze ’nning gai lu sam ’ntangchibe ne kampau de lei. Pa ne penui je, “Ningnui ’ndai ’mbene wang lau?” kacheu de lei, penui ne, “Chêu ’nnû ra hangge Kanaanram gene wang lei,” kacheu de lei. 8Zai Josepbe â pe sime je chî di de lei, kane penui â pechu chî mak lei. 9Zai penui deu ge pa hemangka’mmîbe ze Josepbe ’nningdau di de lei; zai pa ne penui je, “Ningnui â ’ngkimpieme zeî lau, heram peran-gabe pie ra ningnui wang lei,” acheu bei de lei. 10Penui ne pechu, “Acheu me lei, a pau gau, kane ning guâ ka’ngguame bau â tak ’nnû ra hangge wang lei. 11Anui â hangkatpeu name kam lei, anui â lungsangtewbe kau ramme lei, ning guâ ka’ngguame bau â ’ngkimpieme mak te lei,” kacheu de lei. 12Pa ne penui je, “Mak lei, heram peran-gabe pie ra hanggene ningnui wang lei,” kacheu de lei. 13Zai penui ne, “Anui ning guâ ka’ngguame â anui sikina hangkereu ze kena lei, zai Kanaanram ge bampeu mi hangkatpeu name bau lei, zai pie le lau, henalangpeu â chuna â anui peu dage la lei, zai hangkat â ga di de lei,” ze kacheu de lei. 14Kane Josepbe ne penui je, “Ningnui je I salia’ndibe luigum ze ningnui â heram ’ngkimpieme de lei. 15Aize ne ningnui je kedak ra de lei: Pharaobe keringbe ji gene ningnui kina henalangpeu aige wang mak tâne ningnui aigene tat ra mak lei. 16Ningnui ruagene hangkat je lang gai be lau, zai peize pa ne ningnui kinapeu je nguawang lau, kebangki ge ningnui bamkuabe luage zeu. Ningnui sam ge kapelingbe la mei be chigene kedak ra de lei; makchai â Pharaobe keringbe ji gene ningnui â heram ’ngkimpieme sing de lei,” ze acheu bei de lei. 17Zai pa ne penui ’nteumena je kebangki ge hezie kechum hangge bangherua gai bei de lei.
18Pakechumbe mai ge Josepbe ne penui je, “Aize ningnui tew zu lau, dezai ningnui ring gu lei I â Hera je hing daseu: 19ningnui pelingtewbe kau ziemmename lei, zai â peize ningnui ruage hangkat je â kebangki ge sâudiak kai be lau, zai kêdame ramme leine je â ningnui ki-kelak ramme ge teu ra ga ze lungme hangge chêu pungtatchu lau, 20zai ningnui kina henalangpeu je a dage nguawang lau; dezai ningnui sam ze peling lei be I chî le ra hangge zeu, dezai ningnui chai ra mak lei,” ze kacheu de lei. Zai chipau luigum ze penui tew de lei. 21Chidadege penui karai acheu sa ze, “Anui kinapeu tedeu geze anui ’ngkui di run de lei, pa anui je kiambe luage pe lunghereu ze bambe anui ngau lu pe kuâ anui ’ngking mak taibe ziegeneu; chipauziegene aigum ze anui kahereube anui peireige wang de lei,” ze kacheu de lei. 22Dadege Reubenbe ne penui je kak ze, “Chi rehangpoine peireige hemui gai mak ra ningnui je I salia gai mak ti lau? Kane ningnui ne ’ngking mak tai de lei. Chipauziegene pe jai mî chunage kiewang de lei,” ze kacheu de lei. 23Penui kakge sakakelipeu kai’ndibe ziegene Josepbe ne penui samsa seuchi la lei be penui â chî mak te lei. 24Dadege penui dagene pa tat’nnukpat lu hap kai di de lei; zai pa penui tailam helatwang dai lu penui je ka’mpau de lei. Zai Simeonbe je pa ne penui ruagene tei lu penui mikngau gene pechu pi gai ’ndi de lei.
Josepbe Sime Kanaanram ’mbe Helatwangkadaibe
25Zai Josepbe ne, penui metie ramme ge chêu kaipui gai ra zai penui metie ’nsangne ge pe gu-gu rangkâng kai dai be ra zai penui tebeîtatbe ge ka’nnangbe zat ramme hang pei be ra rang gai bei de lei. Chize penui hang tew gai de lei. 26Chidadege penui gu hekunmerângne ramme peireige penui gu chêu metie ramme teichu gai lu ze tatwak ti de lei. 27Zai penui ruage hangkatpeu ne pe gu hekunmerângne je guî gai ra hangge desau-bâm ge pe gu metie heipat kai dege, pe gu metie mui ge pe gu rangkâng ngaudau leu de lei; 28zai pa ne pe sikiname je, “A gu rangkâng â tiam gai dai bei de lei; aige a gu metie mui ge la de lei!” kacheu de lei. Chidadege penui lung depâp ti de lei, zai kat-kat je pie lu kedun ze acheu sa ze, “Hera ne anui peireige aize tewgaibe ze ’ndaikau rimba se lau?” kacheu de lei.
29Kanaanram ge penui peu Jakobbe dage penui wangchang dege penui dage wangchangbe rasam leine pechu penui ne salia bei de lei, 30“Chi heram wangpeu ne sam’ntangchibe ne anui je ka’mpau de lei, zai anui je heram ’ngkimpieme hangge chau gai de lei. 31Kane anui ne pechu, ‘Anui pelingtewme bau lei, anui â heram ’ngkimpieme mak te lei; 32anui sikina hangkereu ze kena bambe kau, zai peu kat na lei; hangkat â ga di da zai henalangpeu â chunage anui peu dage Kanaanram ge la lei,’ acheu bei de lei. 33Chidadege chipaupeu, heram wangpeu ne, anui je, ‘Aigene ningnui pelingtewbe ziemmena mei be I chî ra de lei: ningnui sikiname ruage hangkat â a dage sâu gai lau, zai ningnui ki-kelak ramme hangge chêu pung lu ze tatchu lau. 34Ningnui kina henalangpeu je a dage nguawang lau; chidezai ningnui â heram ’ngkimpieme mak ze ziemmena pelingtewbe kau ramme lei be I chî gu lei, dezai ningnui sikina’mpeu je I ningnui ba ge pei gai dai gu, zai heram lungge ningnui helîhedet ze bam gu lei,’ ze kacheu de lei,” ze acheu zeu.
35Penui gu metie ramme let’nrua gai dege, pie le lau, penui gu metie ’nsangne ge penui gu rangkâng-kît ramme laleu de lei; zai penui benai penui peu ne penui gu rangkâng-kît ramme ngau lu dege penui hing di de lei. 36Zai penui peu Jakobbe ne penui je, “A name je I desui ze bam ra ningnui ne tew gai ’nde lei: Josepbe â ga da zai Simeonbe ga da zai chunage Benjamin je ningnui teitat dai gu de lei; airamme leine a peireige wang de lei,” kacheu de lei. 37Chidadege Reubenbe ne pe peu je, “Pechu ning dage I nguawang dai makchai â, a na ’mpeumi kena je bichat ne lau; a ba ge pechu kai be lau, dezai pechu ning dage I nguawang gai dai gu lei,” kacheu de lei. 38Kane pa ne, “Pe sipeu â chai de da, zai perunne ’nsak-kaidiak daze a na je â ningnui nguakeu ra mak lei. Ningnui tebeîtewtatrabe ’mpuî gene pe dage pe pausiabe dau lêuzai â a peîtam gepûbe ze kadesuibe gene heraw ’mbe ningnui ne teikeugaibe chang gu de lei,” kacheu de lei.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Zeme Naga CL Bible - KEMCI BIBLE
Copyright © 2013 by The Bible Society of India
Used by permission. All rights reserved worldwide.