EKSODAS 40
40
Tingwang bambe Paîki Tewchube benai Diepatka’nchibe
1Tingwang ne Mosabe je rang gai ze, 2“Railangbe kêu gu naimikpui raîlangbe ge kakellumbe-paîki ze nang tew’nsap kai ra lei. 3Zai nang ne chige samhatkaibe gu hingdebung kai ra lei, zai chipau hingdebung ze lîmnambe paî ne nang bienam gai ra lei. 4Zai kela peipatbe kaibe kaira chige nang teigut kai ra lei, zai pebâm-bâm ge reheîzun gai ra lei; zai kachâ-kaira nang teigut kai ra lei, zai kachâbung ramme teichu ze kai ra lei. 5Zai samhatkaibe hingdebung suage gechâk ne tewbe mâ-perîmyibe rube-kaira nang kai ra lei, zai kakellumbe-paîki kemuiki hangge lîmnambe paî nang kai ra lei. 6Kakellumbe-paîki gu kemuiki suage rûkambe herâtewbe-kaira nang kai ra lei, 7zai kakellumbe-paîki benai herâtewbe-kaira kakge heduikuak kai lu ze chige nang hedui kai ra lei. 8Zai nang ne chipau bâm pung ze lîamguatuipik kai ra lei, zai chi rieguabe kemuiki hangge lîmnambe paî lîm gai ra lei. 9Zai suanggaibe taudui nang tei ra lei, zai kakellumbe-paîki benai pelung ge bambe leine ge ’nnuk kai ra lei, zai chipau ki benai pamerua leine ze diepat’nchi gai ra lei; dezai chize ka’nchibe chang gu lei. 10Rûkambe-râtewbe-kaira benai chige teibe merua ramme leine ge nang ’nnuk kai ra lei, zai herâtewbe-kaira ze nang tew’nchi gai ra lei; zai herâtewbe-kaira ze ’nchilangbe chang ra lei. 11Heduikuak benai pahereigua ze du nang ’nnuk kai ra lei, zai tew’nchi gai ra lei. 12Chidezai Aaronbe benai pe name je kakellumbe-paîki kemuiki ge nang nguawang gai ra lei, zai hedui ne penui je hui ra lei, 13zai ka’nchibe puâ ramme ze Aaronbe pum ge luak kai be lau, zai pechu nang ’nnuk kai ze tew’nchi gai ra lei, chidezai tingkupeu chang ze pa a guâ ’ngguachi le ra hangge zeu. 14Pe name je du nang nguawang ze penui pum ge mechuapui ramme luak kai ra lei, 15zai penui peu je nang ’nnukkai’ndibe gum ze penui je ’nnuk kai be lau, chidezai tingkume chang ze penui a guâ ’ngguachi le ra hangge zeu; zai penui je ’nnukkaibe zene penui gu rehei ramme leine ge betingbeta tingku tâ tewrabe hangge penui je teigutkaibe chang ra de lei,” kacheu de lei.
16Chipau luigum ze Mosabe ne tew gai de lei; Tingwang ne pechu ranggaibe luigum ze pa tew de lei. 17Zai hekêu gu naimikpui raîlangbe ge, pakenabe kum gu raîlangbe kêu ge, kakellumbe-paîki ze teichu gai de lei. 18Mosabe ne kakellumbe-paîki ze tew’nsapchu gai de lei; pa ne kechia pîkam ramme kai de lei, zai pa’ngra ramme teichu gai de lei, zai chingkang ramme la gai de lei, zai bechia ramme teichu gai lei; 19zai pa ne kakellumbe-paîki peireige paî lim gai de lei, zai chipau peireige paîki ’mpûm ge kupsuâgaibe-paî ze pa ne kai de lei, Tingwang ne Mosabe je ranggaibe luigum zeu. 20Zai pa ne samhatkaibe hingde ze tei lu pebung lungge kai ’ndi de lei, zai chipau bung ge chingkang ramme kai de lei, zai hingdebung peireige ka’nggiabe bâmra kai bei de lei. 21Zai pa ne hingdebung ze kakellumbe-paîki lung ’mbe teigut kai de lei, zai bielangbe lîmnambe paî pa ne kegâuchu gai de lei, zai samhatkaibe hingdebung ze lîmsung gai de lei; Tingwang ne Mosabe je ranggaibe luigum zeu. 22Zai kakellumbe-paîkilung ge, tingpeî ’mbia lîmnambe hela ge kelapeipatbe kaira pa ne kai de lei, 23zai chipau kaira peireige Tingwang masuage tingku kai’ntiaria gai bei de lei; Tingwang ne Mosabe je ranggaibe luigum zeu. 24Zai pa ne kachâ-kaira ze kakellumbe-paîki ge kela peipatbe kaibe-kaira gene kêda ’mbia ge, kakellumbe-paîki gu tingpî ’mbia ge kai bei de lei, 25zai Tingwang suage kachâbung ramme teichu ze ’ntau gai de lei; Tingwang ne Mosabe je ranggaibe luigum zeu. 26Zai kakellumbe-paîki ge lîmnambe suage gechâk ne tewbe herâtewbe-kaira pa ne kai bei de lei, 27zai mâ-perîmyibe ramme chipau peireige ’ntau gai de lei; Tingwang ne Mosabe je ranggai’ndibe luigum zeu. 28Zai kakellumbe-paîki kemui hangge lîmnambe paî pa ne kai bei de lei. 29Zai pa ne kakellumbe-paîki kemui ge rûkambe-râtewbe-kaira kai de lei, zai chipau kaira peireige rûkambe-râtewbe benai mâ-himlei kela peipatbe-râtewbe pei gai de lei; Tingwang ne Mosabe je ranggai’ndibe luigum zeu. 30Zai pa ne kakellumbe-paîki benai herâtewbe-kaira kakge heduikuak kai de lei, zai huirabe hangge chige hedui kai de lei, 31chigene Mosabe benai Aaronbe zai pe name penui pî-ba hui de lei; 32kakellumbe-paîki ge penui gutbe lua zai herâtewbe-kaira hiage penui wangbe luage penui hui de lei; Tingwang ne Mosabe je ranggai’ndibe luigum zeu. 33Zai pa ne kakellumbe-paîki benai herâtewbe-kaira ze bieguâ gai de lei, zai chi rieguabe gu kemuiki ge lîmnambe paî kai de lei, chigum ze Mosabe ne tew kam gai de lei.
Tingwang bambe Paîki peireige Kemua bambe
(Per 9.15-23)
34Chidadege kakellumbe-paîki ze kemua ne chûm ’ndi de lei, zai Tingwang ngeudibe ne kakellumbe-paîki ze puigit ti de lei. 35Zai Mosabe â kakellumbe-paîki ge gutchi ta di de lei, chipau bâm peireige kemua ne chûmgit’ndibe ziegene, zai Tingwang ngeudibe ne kakellumbe-paîki ze puigittibe ziegeneu. 36Penui tebeîtew ze bambe ting tâluî ge, kakellumbe-paîki peirei gene kemua ze teichu’ndibe luage, Israelme tebeîtew-’nduâtat te lei; 37kane kemua ze teichu mak ze bam zai â teichugaibe mai chang mak tâne tebeîtew-’nduâtat mak te lei. 38Penui tebeîtewtat bambe ting tâluî Israelme kibau leine mikngau ge ’nrîmbeting ge Tingwang gu kemua ze kakellumbe-paîki peireige bam, zai tingmuî ge â chige hemi bam bam de lei.
Currently Selected:
EKSODAS 40: ZEMEBSI
Highlight
Share
Copy
Want to have your highlights saved across all your devices? Sign up or sign in
Zeme Naga CL Bible - KEMCI BIBLE
Copyright © 2013 by The Bible Society of India
Used by permission. All rights reserved worldwide.
EKSODAS 40
40
Tingwang bambe Paîki Tewchube benai Diepatka’nchibe
1Tingwang ne Mosabe je rang gai ze, 2“Railangbe kêu gu naimikpui raîlangbe ge kakellumbe-paîki ze nang tew’nsap kai ra lei. 3Zai nang ne chige samhatkaibe gu hingdebung kai ra lei, zai chipau hingdebung ze lîmnambe paî ne nang bienam gai ra lei. 4Zai kela peipatbe kaibe kaira chige nang teigut kai ra lei, zai pebâm-bâm ge reheîzun gai ra lei; zai kachâ-kaira nang teigut kai ra lei, zai kachâbung ramme teichu ze kai ra lei. 5Zai samhatkaibe hingdebung suage gechâk ne tewbe mâ-perîmyibe rube-kaira nang kai ra lei, zai kakellumbe-paîki kemuiki hangge lîmnambe paî nang kai ra lei. 6Kakellumbe-paîki gu kemuiki suage rûkambe herâtewbe-kaira nang kai ra lei, 7zai kakellumbe-paîki benai herâtewbe-kaira kakge heduikuak kai lu ze chige nang hedui kai ra lei. 8Zai nang ne chipau bâm pung ze lîamguatuipik kai ra lei, zai chi rieguabe kemuiki hangge lîmnambe paî lîm gai ra lei. 9Zai suanggaibe taudui nang tei ra lei, zai kakellumbe-paîki benai pelung ge bambe leine ge ’nnuk kai ra lei, zai chipau ki benai pamerua leine ze diepat’nchi gai ra lei; dezai chize ka’nchibe chang gu lei. 10Rûkambe-râtewbe-kaira benai chige teibe merua ramme leine ge nang ’nnuk kai ra lei, zai herâtewbe-kaira ze nang tew’nchi gai ra lei; zai herâtewbe-kaira ze ’nchilangbe chang ra lei. 11Heduikuak benai pahereigua ze du nang ’nnuk kai ra lei, zai tew’nchi gai ra lei. 12Chidezai Aaronbe benai pe name je kakellumbe-paîki kemuiki ge nang nguawang gai ra lei, zai hedui ne penui je hui ra lei, 13zai ka’nchibe puâ ramme ze Aaronbe pum ge luak kai be lau, zai pechu nang ’nnuk kai ze tew’nchi gai ra lei, chidezai tingkupeu chang ze pa a guâ ’ngguachi le ra hangge zeu. 14Pe name je du nang nguawang ze penui pum ge mechuapui ramme luak kai ra lei, 15zai penui peu je nang ’nnukkai’ndibe gum ze penui je ’nnuk kai be lau, chidezai tingkume chang ze penui a guâ ’ngguachi le ra hangge zeu; zai penui je ’nnukkaibe zene penui gu rehei ramme leine ge betingbeta tingku tâ tewrabe hangge penui je teigutkaibe chang ra de lei,” kacheu de lei.
16Chipau luigum ze Mosabe ne tew gai de lei; Tingwang ne pechu ranggaibe luigum ze pa tew de lei. 17Zai hekêu gu naimikpui raîlangbe ge, pakenabe kum gu raîlangbe kêu ge, kakellumbe-paîki ze teichu gai de lei. 18Mosabe ne kakellumbe-paîki ze tew’nsapchu gai de lei; pa ne kechia pîkam ramme kai de lei, zai pa’ngra ramme teichu gai de lei, zai chingkang ramme la gai de lei, zai bechia ramme teichu gai lei; 19zai pa ne kakellumbe-paîki peireige paî lim gai de lei, zai chipau peireige paîki ’mpûm ge kupsuâgaibe-paî ze pa ne kai de lei, Tingwang ne Mosabe je ranggaibe luigum zeu. 20Zai pa ne samhatkaibe hingde ze tei lu pebung lungge kai ’ndi de lei, zai chipau bung ge chingkang ramme kai de lei, zai hingdebung peireige ka’nggiabe bâmra kai bei de lei. 21Zai pa ne hingdebung ze kakellumbe-paîki lung ’mbe teigut kai de lei, zai bielangbe lîmnambe paî pa ne kegâuchu gai de lei, zai samhatkaibe hingdebung ze lîmsung gai de lei; Tingwang ne Mosabe je ranggaibe luigum zeu. 22Zai kakellumbe-paîkilung ge, tingpeî ’mbia lîmnambe hela ge kelapeipatbe kaira pa ne kai de lei, 23zai chipau kaira peireige Tingwang masuage tingku kai’ntiaria gai bei de lei; Tingwang ne Mosabe je ranggaibe luigum zeu. 24Zai pa ne kachâ-kaira ze kakellumbe-paîki ge kela peipatbe kaibe-kaira gene kêda ’mbia ge, kakellumbe-paîki gu tingpî ’mbia ge kai bei de lei, 25zai Tingwang suage kachâbung ramme teichu ze ’ntau gai de lei; Tingwang ne Mosabe je ranggaibe luigum zeu. 26Zai kakellumbe-paîki ge lîmnambe suage gechâk ne tewbe herâtewbe-kaira pa ne kai bei de lei, 27zai mâ-perîmyibe ramme chipau peireige ’ntau gai de lei; Tingwang ne Mosabe je ranggai’ndibe luigum zeu. 28Zai kakellumbe-paîki kemui hangge lîmnambe paî pa ne kai bei de lei. 29Zai pa ne kakellumbe-paîki kemui ge rûkambe-râtewbe-kaira kai de lei, zai chipau kaira peireige rûkambe-râtewbe benai mâ-himlei kela peipatbe-râtewbe pei gai de lei; Tingwang ne Mosabe je ranggai’ndibe luigum zeu. 30Zai pa ne kakellumbe-paîki benai herâtewbe-kaira kakge heduikuak kai de lei, zai huirabe hangge chige hedui kai de lei, 31chigene Mosabe benai Aaronbe zai pe name penui pî-ba hui de lei; 32kakellumbe-paîki ge penui gutbe lua zai herâtewbe-kaira hiage penui wangbe luage penui hui de lei; Tingwang ne Mosabe je ranggai’ndibe luigum zeu. 33Zai pa ne kakellumbe-paîki benai herâtewbe-kaira ze bieguâ gai de lei, zai chi rieguabe gu kemuiki ge lîmnambe paî kai de lei, chigum ze Mosabe ne tew kam gai de lei.
Tingwang bambe Paîki peireige Kemua bambe
(Per 9.15-23)
34Chidadege kakellumbe-paîki ze kemua ne chûm ’ndi de lei, zai Tingwang ngeudibe ne kakellumbe-paîki ze puigit ti de lei. 35Zai Mosabe â kakellumbe-paîki ge gutchi ta di de lei, chipau bâm peireige kemua ne chûmgit’ndibe ziegene, zai Tingwang ngeudibe ne kakellumbe-paîki ze puigittibe ziegeneu. 36Penui tebeîtew ze bambe ting tâluî ge, kakellumbe-paîki peirei gene kemua ze teichu’ndibe luage, Israelme tebeîtew-’nduâtat te lei; 37kane kemua ze teichu mak ze bam zai â teichugaibe mai chang mak tâne tebeîtew-’nduâtat mak te lei. 38Penui tebeîtewtat bambe ting tâluî Israelme kibau leine mikngau ge ’nrîmbeting ge Tingwang gu kemua ze kakellumbe-paîki peireige bam, zai tingmuî ge â chige hemi bam bam de lei.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Zeme Naga CL Bible - KEMCI BIBLE
Copyright © 2013 by The Bible Society of India
Used by permission. All rights reserved worldwide.