EKSODAS 39
39
Tingkume Puâ hang Kateleube
(Eks 28.1-14)
1Dadege pebâm ka’nchibe ge tâ’ngguarabe hangge ka’nzaibe benai gieremangbe zai tologie ’nneulube zene penui ne tingku puâ hangge teleuzun gai de lei; penui ne Aaronbe hangge hepuâni ka’nchibe teleu gai de lei; Tingwang ne Mosabe je diegaibe luigum zeu.
2Zai pa ne gechâk, ka’nzaibe benai gieremangbe zai tologie merua ramme, zai linenlangria ’nneulube ne ephod teleu gai de lei. 3Zai penui ne gechâk niakhepeurî-patlube heria hangge tew’nchiâm lu ze ka’nzaibe benai gieremangbe zai tologie zai linen langkie ’nneulube ge reming ze tewherua gai de lei. 4Mechua-leipak hang kena teleu lu ze ephod mechua gu mi keîtoa kena chui ge heruihelua gai de lei. 5Zai mechua kak’ntiprabe reu hangge reming ze dakzun-gaibe ze gechâk benai ka’nzaibe, gieremangbe zai tologie zai banut langkie ’nneulube ne teleu gai de lei; Tingwang ne Mosabe je samdiegaibe luigum zeu.
6Oniks chu kena teleugailube ze gechâk ne pepuâ tewzunlube lungge chize ling gai de lei, zai Israelbe name ji leine baroine ge ling gai gum ze ling gai de lei. 7Pa ne chiramme ze ephod gu mi keîtoa ge ka’nchiebe ge Israelbe name ji chibamrabe chu kena hangge chi tingchukâng kena ze kai de lei. Tingwang ne Mosabe dage samdiegaibe luigum zeu.
Mi Gapuâ hang Kateleube
(Eks 28.15-30)
8Tewremingzunlube gene gechâk, ka’nzaibe, gieremangbe zai tologie lang zai banut langkie ’nneulube ne ephod hangge teleugaibe luigum ze pa ne mi gapuâ teleu gai de lei. 9Chize pedit-petâ ’nsamrap ze tew gai de lei; mi gapuâ ze kena tewdesua gai lei, kena desua gai dege petâ ge benai pedit ge tingkeu kat-kat lei. 10Chige tingchu ’nria medai penui kai de lei. Keraîbe ’nria ge sardias chu, topaz chu, zai karbiunklel chu bam de lei. 11Zai pakenabe ’nria ge, Emerald chu, sapphir chu zai diamond chu bam de lei; 12zai pakechumbe ’nria ge, jasinth chu, agat chu, zai amethist chu bam de lei; 13zai pamedaibe ’nria ge, beril chu, oniks chu zai jaspar chu bam de lei; chiramme ze gechâk pepuâ teleuzunlube ge ling gai de lei. 14Israel name ji pesin-perin ze rawgailube tingchu kereu ze kena chige bam de lei; chiramme ze baroine ge gum ze tingchu ’nsangne ge hangkat-katne ji raw gai ze Israelme zat kereu ze kena ji raw gai de lei. 15Zai gechâk ’nchichiakbe ne kitlube zene heria gum ze mi gapuâ hangge tew gai de lei. 16Zai gechâk ne bepuâ teleuzunlube kena benai gechâk riagua kena penui ne tew gai de lei, zai heriagua kena ze mi gapuâ mik na lam ge kai de lei; 17zai gechâk ria kena ze mi gapuâ ge mik na lam gechâk riagua kena bambe ge penui ne za gai de lei. 18Peria kena leitûn ze bepuâtewbe-ritûn kena ge ’ntuk’mpam gai de lei; aigum ze ephod gu mi gapuâ mechua hela ’mbia ge chize tew’mpam gai de lei. 19Dadege penui ne gechâk riagua kena tew gai de lei, zai chize mi gapuâ mechuatûn kena ge, ephod chaige pelung ge bambe leitûn ge kai de lei. 20Zai gechâk riagua kena penui ne tew gai de lei, zai ephod gu heziak tewzunlube ne daklube kiakâk kakhelakkaibe peireige, ephod gu mi gapuâ kena ’ngkang ’mbia ge chibe kena kai de lei. 21Zai ka’nzaibe peritûn ge ephod gu heriagua ze mi gapuâ gu heriagua ramme zene penui ’ntuk kai de lei, dadege chize ephod gu dakzunlube kiakâk peireige bam di de lei; zai chi ephod gene chi mi gapuâ ze heluihiak ze pat lak ti de lei; Tingwang ne Mosabe je samdiegaibe luigum zeu.
Tingku Puâ Kêdabe ramme Kateleube
(Eks 28.31-43)
22Chidadege ephod gu mechuatiebe ze ka’nzaibe ’nnia ne pa tew gai de lei; 23zai chipau mechua ze peize hakmakrabe hangge mechua ge putkaibe ge gum ze mi guangkiputbe kung ge paîdip hezun-guâ gai lu ze mi guangki hangge put kai de lei. 24Mechuatûn ge ka’nzaibe benai gieremangbe zai tologielang ne, zai linen langkie ’nneulube ne turiechî luî tew gai de lei. 25Kiakâk ka’nchibe ramme ze du penui ne teleu gai de lei, zai mechuatûn ge turiechî luî tewbe ramme kakge kakezitbe ’ntoî ramme kakcheiguâling gai de lei; 26’ntoî kat benai turiechî ramme, ’ntoî benai turiechî ze tâka’ngguabe gu mechua-leitûn ge kakcheiguâling gai de lei, Tingwang ne Mosabe je samdiegaibe luigum zeu.
27Penui ne linen langkie ne dak lu ze Aaronbe benai pe name hang mechuapui ramme hang du teleu gai de lei, 28zai linenlangkie yibe ne hepeî’nggau, peichûp ramme, zai pelungtelong ramme linen langkie yibe ’nneulube ne teleu gai de lei, 29zai linen langkie yibe ’nneulube benai ka’nzaibe, gieremangbe, tologie ramme ne litok tewlube kiakâk hang teleu gai de lei; Tingwang ne Mosabe je samdiegaibe luigum zeu.
30Zai gechâk ’nchichiakbe ne kraun peichûp ruabe zat penui ne teleu gai de lei, zai chige, “Tingwang dage ka’nchibe” kacheube sam ze baroine ge ling gai gum ze ling gai de lei. 31Dadege ’nrei ’mbe hepeî’nggau ge ka’nzaibe ria ne penui ne kak’ntip kai de lei; Tingwang ne Mosabe je samdiegaibe luigum zeu.
Heki Tewkamgaibe
(Eks 35.10-19)
32Chigum ze kakellumbe-paîki gu hetiamki gu tâ ramme leine tewkam’nchichiak kai de lei; zai Tingwang ne Mosabe je samdiegaibe luigum ze Israelme ne tew gai de lei; chigum ze penui ne tew gai de lei. 33Zai kakellumbe-paîki benai hetiamki ge teibe helikerua ramme peguak ramme benai pa’ngra ramme, bechâp ramme, bechia ramme, bekuiki dungbe ramme; 34meli’nsei gei tewkîgierialube, bielangbe ge lîmnambe paî; 35samdiebung, chige mâ-puabe chingkang benai ka’nggiabe bâmra bambe; 36kela teiwangbe kaibe kaira zai chige chipau kaira gu merua leine zai Tingwang hangge peigaibe tingku; 37gechâk ka’nchibe ne tewbe hemibung-kaira ramme, zai chige kachâbung ka’ntaube merua ramme benai chige teibe helikerua ramme, zai bapatrabe hang ’ntaurabe taudui; 38gechâk ne tewbe herâtewbe-kaira, suanggaibe taudui benai mâ-perîmyibe ka’ntaube, zai hetiamki kemui ge lîmbe-paî; 39kangngâgeî ne tewbe herâtewbe-kaira zai chige puabe rak kangngâgeî ne tewbe benai chize puabe chingkang ramme, zai chipau gu helikerua ramme, heduikuak benai pahereigua 40rieguabe ge lîmbe-paî ramme, bechia ramme benai bekuiki ramme, rieguabe gu kemuiki hangge lîmnambe paî, chige gingbe ria ramme, zai chige heriachakbe ’ntung ramme; kakellumbe-paîki ge tâtewbe hangge helikerua teibe zat leine; 41ka’nchibe bâm ge ’ngguarabe hangge heziak tewzunlube puâ ramme, tingkupeu, Aaronbe hangge ka’nchibe puâ ramme, pe name tingku chang ze ’ngguarabe hangge penui puâ ramme ze penui ne Mosabe dage teiwang gai de lei. 42Tingwang ne Mosabe je samdiegaibe zat leine ze Israelme ne tew kam gai bei de lei. 43Zai tâtewgaibe leine Mosabe ngau de lei, zai pie le lau, Tingwang ne diegaibe luigum ze penui ne tew gai bei de lei; chize penui ne tew gai bei de lei. Dadege Mosabe ne penui je ’nnam gai bei de lei.
Currently Selected:
EKSODAS 39: ZEMEBSI
Highlight
Share
Copy
Want to have your highlights saved across all your devices? Sign up or sign in
Zeme Naga CL Bible - KEMCI BIBLE
Copyright © 2013 by The Bible Society of India
Used by permission. All rights reserved worldwide.
EKSODAS 39
39
Tingkume Puâ hang Kateleube
(Eks 28.1-14)
1Dadege pebâm ka’nchibe ge tâ’ngguarabe hangge ka’nzaibe benai gieremangbe zai tologie ’nneulube zene penui ne tingku puâ hangge teleuzun gai de lei; penui ne Aaronbe hangge hepuâni ka’nchibe teleu gai de lei; Tingwang ne Mosabe je diegaibe luigum zeu.
2Zai pa ne gechâk, ka’nzaibe benai gieremangbe zai tologie merua ramme, zai linenlangria ’nneulube ne ephod teleu gai de lei. 3Zai penui ne gechâk niakhepeurî-patlube heria hangge tew’nchiâm lu ze ka’nzaibe benai gieremangbe zai tologie zai linen langkie ’nneulube ge reming ze tewherua gai de lei. 4Mechua-leipak hang kena teleu lu ze ephod mechua gu mi keîtoa kena chui ge heruihelua gai de lei. 5Zai mechua kak’ntiprabe reu hangge reming ze dakzun-gaibe ze gechâk benai ka’nzaibe, gieremangbe zai tologie zai banut langkie ’nneulube ne teleu gai de lei; Tingwang ne Mosabe je samdiegaibe luigum zeu.
6Oniks chu kena teleugailube ze gechâk ne pepuâ tewzunlube lungge chize ling gai de lei, zai Israelbe name ji leine baroine ge ling gai gum ze ling gai de lei. 7Pa ne chiramme ze ephod gu mi keîtoa ge ka’nchiebe ge Israelbe name ji chibamrabe chu kena hangge chi tingchukâng kena ze kai de lei. Tingwang ne Mosabe dage samdiegaibe luigum zeu.
Mi Gapuâ hang Kateleube
(Eks 28.15-30)
8Tewremingzunlube gene gechâk, ka’nzaibe, gieremangbe zai tologie lang zai banut langkie ’nneulube ne ephod hangge teleugaibe luigum ze pa ne mi gapuâ teleu gai de lei. 9Chize pedit-petâ ’nsamrap ze tew gai de lei; mi gapuâ ze kena tewdesua gai lei, kena desua gai dege petâ ge benai pedit ge tingkeu kat-kat lei. 10Chige tingchu ’nria medai penui kai de lei. Keraîbe ’nria ge sardias chu, topaz chu, zai karbiunklel chu bam de lei. 11Zai pakenabe ’nria ge, Emerald chu, sapphir chu zai diamond chu bam de lei; 12zai pakechumbe ’nria ge, jasinth chu, agat chu, zai amethist chu bam de lei; 13zai pamedaibe ’nria ge, beril chu, oniks chu zai jaspar chu bam de lei; chiramme ze gechâk pepuâ teleuzunlube ge ling gai de lei. 14Israel name ji pesin-perin ze rawgailube tingchu kereu ze kena chige bam de lei; chiramme ze baroine ge gum ze tingchu ’nsangne ge hangkat-katne ji raw gai ze Israelme zat kereu ze kena ji raw gai de lei. 15Zai gechâk ’nchichiakbe ne kitlube zene heria gum ze mi gapuâ hangge tew gai de lei. 16Zai gechâk ne bepuâ teleuzunlube kena benai gechâk riagua kena penui ne tew gai de lei, zai heriagua kena ze mi gapuâ mik na lam ge kai de lei; 17zai gechâk ria kena ze mi gapuâ ge mik na lam gechâk riagua kena bambe ge penui ne za gai de lei. 18Peria kena leitûn ze bepuâtewbe-ritûn kena ge ’ntuk’mpam gai de lei; aigum ze ephod gu mi gapuâ mechua hela ’mbia ge chize tew’mpam gai de lei. 19Dadege penui ne gechâk riagua kena tew gai de lei, zai chize mi gapuâ mechuatûn kena ge, ephod chaige pelung ge bambe leitûn ge kai de lei. 20Zai gechâk riagua kena penui ne tew gai de lei, zai ephod gu heziak tewzunlube ne daklube kiakâk kakhelakkaibe peireige, ephod gu mi gapuâ kena ’ngkang ’mbia ge chibe kena kai de lei. 21Zai ka’nzaibe peritûn ge ephod gu heriagua ze mi gapuâ gu heriagua ramme zene penui ’ntuk kai de lei, dadege chize ephod gu dakzunlube kiakâk peireige bam di de lei; zai chi ephod gene chi mi gapuâ ze heluihiak ze pat lak ti de lei; Tingwang ne Mosabe je samdiegaibe luigum zeu.
Tingku Puâ Kêdabe ramme Kateleube
(Eks 28.31-43)
22Chidadege ephod gu mechuatiebe ze ka’nzaibe ’nnia ne pa tew gai de lei; 23zai chipau mechua ze peize hakmakrabe hangge mechua ge putkaibe ge gum ze mi guangkiputbe kung ge paîdip hezun-guâ gai lu ze mi guangki hangge put kai de lei. 24Mechuatûn ge ka’nzaibe benai gieremangbe zai tologielang ne, zai linen langkie ’nneulube ne turiechî luî tew gai de lei. 25Kiakâk ka’nchibe ramme ze du penui ne teleu gai de lei, zai mechuatûn ge turiechî luî tewbe ramme kakge kakezitbe ’ntoî ramme kakcheiguâling gai de lei; 26’ntoî kat benai turiechî ramme, ’ntoî benai turiechî ze tâka’ngguabe gu mechua-leitûn ge kakcheiguâling gai de lei, Tingwang ne Mosabe je samdiegaibe luigum zeu.
27Penui ne linen langkie ne dak lu ze Aaronbe benai pe name hang mechuapui ramme hang du teleu gai de lei, 28zai linenlangkie yibe ne hepeî’nggau, peichûp ramme, zai pelungtelong ramme linen langkie yibe ’nneulube ne teleu gai de lei, 29zai linen langkie yibe ’nneulube benai ka’nzaibe, gieremangbe, tologie ramme ne litok tewlube kiakâk hang teleu gai de lei; Tingwang ne Mosabe je samdiegaibe luigum zeu.
30Zai gechâk ’nchichiakbe ne kraun peichûp ruabe zat penui ne teleu gai de lei, zai chige, “Tingwang dage ka’nchibe” kacheube sam ze baroine ge ling gai gum ze ling gai de lei. 31Dadege ’nrei ’mbe hepeî’nggau ge ka’nzaibe ria ne penui ne kak’ntip kai de lei; Tingwang ne Mosabe je samdiegaibe luigum zeu.
Heki Tewkamgaibe
(Eks 35.10-19)
32Chigum ze kakellumbe-paîki gu hetiamki gu tâ ramme leine tewkam’nchichiak kai de lei; zai Tingwang ne Mosabe je samdiegaibe luigum ze Israelme ne tew gai de lei; chigum ze penui ne tew gai de lei. 33Zai kakellumbe-paîki benai hetiamki ge teibe helikerua ramme peguak ramme benai pa’ngra ramme, bechâp ramme, bechia ramme, bekuiki dungbe ramme; 34meli’nsei gei tewkîgierialube, bielangbe ge lîmnambe paî; 35samdiebung, chige mâ-puabe chingkang benai ka’nggiabe bâmra bambe; 36kela teiwangbe kaibe kaira zai chige chipau kaira gu merua leine zai Tingwang hangge peigaibe tingku; 37gechâk ka’nchibe ne tewbe hemibung-kaira ramme, zai chige kachâbung ka’ntaube merua ramme benai chige teibe helikerua ramme, zai bapatrabe hang ’ntaurabe taudui; 38gechâk ne tewbe herâtewbe-kaira, suanggaibe taudui benai mâ-perîmyibe ka’ntaube, zai hetiamki kemui ge lîmbe-paî; 39kangngâgeî ne tewbe herâtewbe-kaira zai chige puabe rak kangngâgeî ne tewbe benai chize puabe chingkang ramme, zai chipau gu helikerua ramme, heduikuak benai pahereigua 40rieguabe ge lîmbe-paî ramme, bechia ramme benai bekuiki ramme, rieguabe gu kemuiki hangge lîmnambe paî, chige gingbe ria ramme, zai chige heriachakbe ’ntung ramme; kakellumbe-paîki ge tâtewbe hangge helikerua teibe zat leine; 41ka’nchibe bâm ge ’ngguarabe hangge heziak tewzunlube puâ ramme, tingkupeu, Aaronbe hangge ka’nchibe puâ ramme, pe name tingku chang ze ’ngguarabe hangge penui puâ ramme ze penui ne Mosabe dage teiwang gai de lei. 42Tingwang ne Mosabe je samdiegaibe zat leine ze Israelme ne tew kam gai bei de lei. 43Zai tâtewgaibe leine Mosabe ngau de lei, zai pie le lau, Tingwang ne diegaibe luigum ze penui ne tew gai bei de lei; chize penui ne tew gai bei de lei. Dadege Mosabe ne penui je ’nnam gai bei de lei.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Zeme Naga CL Bible - KEMCI BIBLE
Copyright © 2013 by The Bible Society of India
Used by permission. All rights reserved worldwide.