EKSODAS 35
35
’Ntakbambe Mai Reibamrabe Sietak
1Mosabe ne Israelme baudime leine je kûwang’ndui lu, zai penui je rang gai de lei, “Airamme ze tewrabe hangge Tingwang ne ningnui je diegaibe de lei. 2Hezie serukne tâtew gai ra lei, kane pasenabe mai ge â Tingwang hangge ’nsimrim ze ningnui ’ntakbam ra lei; chipau mai ge mige mâ-tâtewbe kau je â tewchat ra lei; 3’Ntakbambe mai ge â ningnui lungbe bâm leine ge ningnui hemi ’nsangdu tew mak ra lei,” kacheu de lei.
Ka’nchibe Paîki hangge Kela Peipatbe
(Eks 25.1-9)
4Mosabe ne Israelme gu pebau leine je rang gai ze, “Tingwang ne diegaibe ze aize de lei. 5Ningnui ruagene Tingwang dage kela peipatbe teiwang gai lau; châu gumbe kau ne peineibe lung pung mei, peize Tingwang hangge pe gu kela peipat kai lau: gechâk, gepût, zai kangngâgeî; 6ka’nzaibe benai gieremangbe zai tologie merua zat benai banutpaî langkie terizunlube ramme; kemei gêu, 7peheu rîmlube meli’nsei gei ramme benai teleuzunlube hemeigei ramme; akasia ching, 8’ntaurabe taudui, suanggairabe taudui benai perîmyibe-râtewbe hangge mâ-perîmyibe merua ramme, 9zai ephod benai mi gapuâ hangge oniks chu ramme benai linggairabe tingchu ramme pei ra lei.
Kakellumbe-paîki gu Kerua ramme
(Eks 39.32-43)
10“Zai ningnui ruage tâtewchibe kau ziemmena leine ne wang ze Tingwang ne ranggaibe ramme leine peize tew zu lau: Kakellumbe paîki, 11chipau ki ’mpûm kupbe-paî benai chize lîmnambe paî, peguak ramme benai pa’ngra ramme, bechâp ramme, bechia ramme, bekuiki dungbe ramme; 12hingdebung benai chize puabe kang ramme, ka’nggiabe bâmra bielangbe ge lîmnambe paî; 13kela teiwangbe kaibe kaira benai chize puabe chingkang ramme, zai chipau kaira gu merua ramme leine, Tingwang hangge peigaibe tingku; 14kebabe ’ntaugairabe hangge du kachâbung-kaira chipau gu merua ramme benai kachâbung ramme, zai ’ntaurabe hangge taudui; 15zai mâ-perîmyibe rûgaibe herâtewbe-kaira benai chize puabe chingkang ramme, suanggaibe taudui benai mâ-perîmyibe ka’ntaube, zai kakellumbe paîki kemuiki ge iîmbe-paî; 16rûkambe-râtewbe-kaira zai chize puabe rak, kangngâgeî ne tewbe benai chize puabe chingkang ramme, zai chipau gu merua ramme, heduikuak benai pahereigua; 17rieguabe ge limbe-paî ramme, bechia ramme benai bekuiki ramme, zai rieguagaibe ge kemuiki hangge lîmnambe paî; 18kakellumbe-paîki gu heria chakbe ’ntung ramme benai hela ge rieguabe paî heria chakbe ’ntung ramme, zai chipau ramme gu heria ramme; 19ka’nchibe bâm ge ’ngguarabe hangge heziaktewzunlube puâ ramme, tingkupeu Aaronbe hangge ka’nchibe puâ ramme, zai pe name tingkume chang ze ’ngguarabe hangge penui puâ ramme peize teiwang gai lau,” kacheu de lei.
Baudime ne Penui Kela Teiwangbe
20Chidadege Israelme bau leine Mosabe dage wangka’nduibe gene rimna di de lei. 21Zai pe lung gene pechu tew’ngngaigaibeibe kau leine, zai pa ka’nningbe keringbe gene pechu tew’ngngaigaibeibe kau leine, penui ne kakellumbe paîki ge Tingwang dage peipatkairabe hangge ka’nnangbe ramme tei lu wang de lei, zai chige ’ngguarabe leine hang benai ka’nchibe puâ ramme hangge teiwang de lei. 22Chipau luigum ze ’mpeumi du zai ’mpuimi du penui wang de lei; peipat ra pe lungge ka’nningbe kau leine ne mi puâ ge bepuâ hang chitkaibe ramme, kunchei ramme, baroine ramme, tebeita ramme, zai gechâk ne tewbe merua zat ramme leine, zai ziemmena leine ne gechâk gu kela peipatbe ramme ze Tingwang hangge diepat’nchi gai de lei. 23Zai ziemmena leine ne, ka’nzaibe mei nune gieremangbe mei nune tologie lang mei nune banutpaî yibe mei nune kemei gêu mei nune peheu rîmlube meli’nsei gei mei nune kemei gei mei ze penui dage kebambe ramme ze teiwang de lei. 24Gepût mei nune kangngâgeî mei ze du peiduibe kau leine Tingwang hangge peipatbe chang ze teiwang de lei; zai tâtewbe ge akasia ching ka’nnangbe zat pe dage bambe kau leine ne chize du teiwang de lei. 25Zai ’mpuimi ramme mâ-tâtewchibe kau ramme leine ne penui ba ramme ne kelang zui de lei, zai ka’nzaibe benai gieremangbe zai tologie benai banutpaî langkie ’nneulube penui ne teiwang de lei; 26’mpuimi ramme leine tâtewchirabe hangge ’nningkahekuîbe kau ramme ne kemei gêu ramme zui de lei. 27Zai besuitewme ne oniks chu ramme benai ephod ge benai mi gapuâ ge linggairabe chu ramme, 28zai mâ-perîmyibe heu ramme benai ’ntaurabe taudui zai suanggaibe taudui, zai mâ-perîmyibe rube hangge teiwang de lei. 29Tewgairabe hangge Mosabe dagene diegai’ndibe tâ hangge peipat kai ra pe lung ge ka’nchâme Israelme ’mpeumi benai ’mpuimi leine ne penui gu misuiyibe kela chang ze Tingwang dage teiwang de lei.
Tingwang Bâm hang Paîki Tewme
(Eks 31.1-11)
30Zai Mosabe ne Israelme je rang ze, “Pie le lau, Juda zat’mpeu Hurbe na Uribe na pe ji Bezalelbe kacheupeu je Tingwang ne kû gai de lei; 31zai pa pechu tâtew ra kaningchingbe bam ra mâ-gechîbe bam ra zai hechiâm tewchi ra 32mâ-peluiyibe tak ramme chiamchi ra gechâk zai gepût zai kangngâgeî gu tâ ze tewchi ra 33linggairabe hangge tingchu gia ra zai heching ne mâ-luî yibe chiam ra karemingbe tâ ramme ge tâtewrabe hangge Hera gu Herui ne tewpui gai bei de lei. 34Zai pa ne pa benai Dan zat’mpeu Ahisamakbe na Oholiabbe je geteiliarabe hangge gecheu’nrak kai bei de lei. 35Hechiâmtewpeu mei nune mâ-luî chiampeu mei nune ka’nzaibe benai gieremangbe zai tologie lang benai banutpaî langkie ’nneuzunlube ge heziak tâ tewpeu mei nune paîdakbe kau mei, tâtewbe kau mei nune mâ chiamchibe kau mei ne tewbe tâ zat ramme leine tewchi le ra penui je tewpui gai bei de lei.
Currently Selected:
EKSODAS 35: ZEMEBSI
Highlight
Share
Copy
Want to have your highlights saved across all your devices? Sign up or sign in
Zeme Naga CL Bible - KEMCI BIBLE
Copyright © 2013 by The Bible Society of India
Used by permission. All rights reserved worldwide.
EKSODAS 35
35
’Ntakbambe Mai Reibamrabe Sietak
1Mosabe ne Israelme baudime leine je kûwang’ndui lu, zai penui je rang gai de lei, “Airamme ze tewrabe hangge Tingwang ne ningnui je diegaibe de lei. 2Hezie serukne tâtew gai ra lei, kane pasenabe mai ge â Tingwang hangge ’nsimrim ze ningnui ’ntakbam ra lei; chipau mai ge mige mâ-tâtewbe kau je â tewchat ra lei; 3’Ntakbambe mai ge â ningnui lungbe bâm leine ge ningnui hemi ’nsangdu tew mak ra lei,” kacheu de lei.
Ka’nchibe Paîki hangge Kela Peipatbe
(Eks 25.1-9)
4Mosabe ne Israelme gu pebau leine je rang gai ze, “Tingwang ne diegaibe ze aize de lei. 5Ningnui ruagene Tingwang dage kela peipatbe teiwang gai lau; châu gumbe kau ne peineibe lung pung mei, peize Tingwang hangge pe gu kela peipat kai lau: gechâk, gepût, zai kangngâgeî; 6ka’nzaibe benai gieremangbe zai tologie merua zat benai banutpaî langkie terizunlube ramme; kemei gêu, 7peheu rîmlube meli’nsei gei ramme benai teleuzunlube hemeigei ramme; akasia ching, 8’ntaurabe taudui, suanggairabe taudui benai perîmyibe-râtewbe hangge mâ-perîmyibe merua ramme, 9zai ephod benai mi gapuâ hangge oniks chu ramme benai linggairabe tingchu ramme pei ra lei.
Kakellumbe-paîki gu Kerua ramme
(Eks 39.32-43)
10“Zai ningnui ruage tâtewchibe kau ziemmena leine ne wang ze Tingwang ne ranggaibe ramme leine peize tew zu lau: Kakellumbe paîki, 11chipau ki ’mpûm kupbe-paî benai chize lîmnambe paî, peguak ramme benai pa’ngra ramme, bechâp ramme, bechia ramme, bekuiki dungbe ramme; 12hingdebung benai chize puabe kang ramme, ka’nggiabe bâmra bielangbe ge lîmnambe paî; 13kela teiwangbe kaibe kaira benai chize puabe chingkang ramme, zai chipau kaira gu merua ramme leine, Tingwang hangge peigaibe tingku; 14kebabe ’ntaugairabe hangge du kachâbung-kaira chipau gu merua ramme benai kachâbung ramme, zai ’ntaurabe hangge taudui; 15zai mâ-perîmyibe rûgaibe herâtewbe-kaira benai chize puabe chingkang ramme, suanggaibe taudui benai mâ-perîmyibe ka’ntaube, zai kakellumbe paîki kemuiki ge iîmbe-paî; 16rûkambe-râtewbe-kaira zai chize puabe rak, kangngâgeî ne tewbe benai chize puabe chingkang ramme, zai chipau gu merua ramme, heduikuak benai pahereigua; 17rieguabe ge limbe-paî ramme, bechia ramme benai bekuiki ramme, zai rieguagaibe ge kemuiki hangge lîmnambe paî; 18kakellumbe-paîki gu heria chakbe ’ntung ramme benai hela ge rieguabe paî heria chakbe ’ntung ramme, zai chipau ramme gu heria ramme; 19ka’nchibe bâm ge ’ngguarabe hangge heziaktewzunlube puâ ramme, tingkupeu Aaronbe hangge ka’nchibe puâ ramme, zai pe name tingkume chang ze ’ngguarabe hangge penui puâ ramme peize teiwang gai lau,” kacheu de lei.
Baudime ne Penui Kela Teiwangbe
20Chidadege Israelme bau leine Mosabe dage wangka’nduibe gene rimna di de lei. 21Zai pe lung gene pechu tew’ngngaigaibeibe kau leine, zai pa ka’nningbe keringbe gene pechu tew’ngngaigaibeibe kau leine, penui ne kakellumbe paîki ge Tingwang dage peipatkairabe hangge ka’nnangbe ramme tei lu wang de lei, zai chige ’ngguarabe leine hang benai ka’nchibe puâ ramme hangge teiwang de lei. 22Chipau luigum ze ’mpeumi du zai ’mpuimi du penui wang de lei; peipat ra pe lungge ka’nningbe kau leine ne mi puâ ge bepuâ hang chitkaibe ramme, kunchei ramme, baroine ramme, tebeita ramme, zai gechâk ne tewbe merua zat ramme leine, zai ziemmena leine ne gechâk gu kela peipatbe ramme ze Tingwang hangge diepat’nchi gai de lei. 23Zai ziemmena leine ne, ka’nzaibe mei nune gieremangbe mei nune tologie lang mei nune banutpaî yibe mei nune kemei gêu mei nune peheu rîmlube meli’nsei gei mei nune kemei gei mei ze penui dage kebambe ramme ze teiwang de lei. 24Gepût mei nune kangngâgeî mei ze du peiduibe kau leine Tingwang hangge peipatbe chang ze teiwang de lei; zai tâtewbe ge akasia ching ka’nnangbe zat pe dage bambe kau leine ne chize du teiwang de lei. 25Zai ’mpuimi ramme mâ-tâtewchibe kau ramme leine ne penui ba ramme ne kelang zui de lei, zai ka’nzaibe benai gieremangbe zai tologie benai banutpaî langkie ’nneulube penui ne teiwang de lei; 26’mpuimi ramme leine tâtewchirabe hangge ’nningkahekuîbe kau ramme ne kemei gêu ramme zui de lei. 27Zai besuitewme ne oniks chu ramme benai ephod ge benai mi gapuâ ge linggairabe chu ramme, 28zai mâ-perîmyibe heu ramme benai ’ntaurabe taudui zai suanggaibe taudui, zai mâ-perîmyibe rube hangge teiwang de lei. 29Tewgairabe hangge Mosabe dagene diegai’ndibe tâ hangge peipat kai ra pe lung ge ka’nchâme Israelme ’mpeumi benai ’mpuimi leine ne penui gu misuiyibe kela chang ze Tingwang dage teiwang de lei.
Tingwang Bâm hang Paîki Tewme
(Eks 31.1-11)
30Zai Mosabe ne Israelme je rang ze, “Pie le lau, Juda zat’mpeu Hurbe na Uribe na pe ji Bezalelbe kacheupeu je Tingwang ne kû gai de lei; 31zai pa pechu tâtew ra kaningchingbe bam ra mâ-gechîbe bam ra zai hechiâm tewchi ra 32mâ-peluiyibe tak ramme chiamchi ra gechâk zai gepût zai kangngâgeî gu tâ ze tewchi ra 33linggairabe hangge tingchu gia ra zai heching ne mâ-luî yibe chiam ra karemingbe tâ ramme ge tâtewrabe hangge Hera gu Herui ne tewpui gai bei de lei. 34Zai pa ne pa benai Dan zat’mpeu Ahisamakbe na Oholiabbe je geteiliarabe hangge gecheu’nrak kai bei de lei. 35Hechiâmtewpeu mei nune mâ-luî chiampeu mei nune ka’nzaibe benai gieremangbe zai tologie lang benai banutpaî langkie ’nneuzunlube ge heziak tâ tewpeu mei nune paîdakbe kau mei, tâtewbe kau mei nune mâ chiamchibe kau mei ne tewbe tâ zat ramme leine tewchi le ra penui je tewpui gai bei de lei.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Zeme Naga CL Bible - KEMCI BIBLE
Copyright © 2013 by The Bible Society of India
Used by permission. All rights reserved worldwide.